Home ព័ត៌មានអន្តរជាតិ ឥណ្ឌូនេស៊ី​អះ...

ឥណ្ឌូនេស៊ី​អះអាងថា វ៉ាក់សាំង​កូវី​ដ​១៩​របស់​ចិន​មាន​ប្រសិទ្ធភាព​ដល់​ទៅ​៩៧​ភាគរយ​

ប្រែ​សម្រួលៈ​វាសនា​/​ហ្សា​ការតា​៖​ក្រុមហ៊ុន​ឱសថ​រដ្ឋ​ឥណ្ឌូនេស៊ី​Bio Farma​កាលពី​ថ្ងៃ​អង្គារ​បាន​និយាយថា ទិន្នន័យ​បណ្តោះអាសន្ន​ចេញពី​ការសាកល្បង​វ៉ាក់សាំង​ផលិត​ដោយ​ក្រុមហ៊ុន​ចិន​Sinovac​បាន​​បង្ហាញថា វា​មាន​ប្រសិទ្ធភាព​ដល់​ទៅ​៩៧​ភាគរយ​។​

​លោក អ៊ី​វ៉ាន សេ​ទី​យ៉ាវ៉ា​ន អ្នកនាំពាក្យ​Bio Farma​បាន​និយាយ​នៅក្នុង​សន្និសីទ​កាសែត​មួយ​ថា «​ក្រុម​សាកល្បង​របស់​យើង​បាន​រកឃើញថា វ៉ាក់សាំង​នេះ​មាន​ប្រសិទ្ធភាព​ការពារ​ទល់​នឹង​កូវី​ដ​១៩​បាន​៩៧​ភាគរយ​»​។​

​គេ​មិនដឹងថា​តើ​លទ្ធផល​បណ្តោះអាសន្ន​នេះ​ចេញ​មកពី​ការ​សាក​ពិសោធន៍​ដំណាក់កាល​ចុងក្រោយ​ឬ​យ៉ាងណា​ទេ តែ​អ្នកនាំពាក្យ​ម្នាក់​ទៀត​របស់​Bio Farma​បាន​និយាយថា ក្រុមហ៊ុន​នៅ​ប្រមូល​ទិន្នន័យ​​អំពី​ប្រសិទ្ធភាព​របស់​វ៉ាក់សាំង​នេះ មក​ពី​ការសាកល្បង​ដំណាក់កាល​ទី​៣​នៅឡើយ​។​

​ពីមុន​Sinovac​បាន​អះអាង​ថា មនុស្សពេញវ័យ​៩៧​ភាគរយ​ដែល​ទទួល​វ៉ាក់សាំង​របស់​ខ្លួន​តិច​ដូស​ក្នុង​ការសា​កល្បងដំណាក់កា​ល​ទី​១​និង​ទី​២ បង្ហា​ញាក់​ភាពស៊ាំ​នឹង​វីរុស​ក្រោយ​ចាក់​វ៉ាក់សាំង​CoronaVac​។​

​ចំណែក​មជ្ឈមណ្ឌល​ជីវ​វេជ្ជសាស្ត្រ​នៃ​វិទ្យាស្ថាន​Butantan Institute​របស់​ប្រេ​ស៊ីល ដែល​កំពុង​សាកល្បង​វ៉ាក់សាំង​ចិន​ក្នុង​ដំណាក់កាល​ទី​៣​នៅ​ប្រេ​ស៊ីល បា​និយាយ​កាលពី​សប្តាហ៍​មុន​ថា Sinovac​ត្រូវ​រំពឹង​​ថា​នឹង​បង្ហាញ​លទ្ធផល​មាន​ប្រសិទ្ធភាព​បន្ទាប់ពី​ការសាកល្បង​នៅ​ថ្ងៃ​១៥​ធ្នូ​ខាងមុខ​៕

​ឥណ្ឌូនេស៊ី​ទទួល​វ៉ាក់សាំង​កូវី​ដ​១៩​ជាង​១​លាន​ដូសពី​ក្រុមហ៊ុនចិន​Sinovac Biotech កាលពី​ថ្ងៃ​៧​ធ្នូ

ទីតាំងផ្សាយពាណិជ្ជកម្ម

- Advertisment -

Most Popular