Home ព័ត៌មានជាតិ សេដ្ឋកិច្ច ឧបការី​ទេសាភិ...

ឧបការី​ទេសាភិបាល​ធនាគារជាតិ​នឹងចូលរួម កិច្ច​ពិភាក្សា​អន្តរជាតិ​មួយទៀត​

​ដោយៈ ជា សីហៈ​/​ភ្នំពេញៈ នៅ​ថ្ងៃ​ពុធ​ទី​៩ ខែធ្នូនេះ វេលា​ម៉ោង ១២: ៤០ ថ្ងៃលោកស្រី ជា សិរី ឧបការី​ទេសាភិបាល និង​ជា​អគ្គនាយក​បច្ចេកទេស​នៃ​ធនាគារជាតិ​នៃ​កម្ពុជា នឹង​អញ្ជើញ​ចូលរួម​ក្នុង​កិច្ចពិភាក្សា​ជាន់ខ្ពស់​មួយ ។ ធនាគារជាតិ​នៃ​កម្ពុជា​បាន​ឲ្យ​ដឹងថា នេះ​គឺជា​ការចូលរួម​ក្នុង​កម្មវិធី​បច្ចេកវិទ្យា​ហិរញ្ញវត្ថុ​សិង្ហ​បុរី​លើក​ទី​៥ ឆ្នាំ​២០២០ ដែល​រៀបចំឡើង​ដោយ​អាជ្ញាធរ​រូបិយវត្ថុ​សិង្ហ​បុរី​។​

ក្នុងឱកាស​នោះ លោកស្រី​នឹងចូលរួម​ធ្វើជា​វាគ្មិន​ក្នុង​កិច្ចពិភាក្សា ក្រោម​ប្រធានបទ “​មូលដ្ឋានគ្រឹះ​នៃ​ទំនុកចិត្ត​៖ ការកសាង​ហេដ្ឋារចនាសម្ព័ន្ធ​ថ្នាក់ជាតិ​ឌីជីថល​” តាមរយៈ​ប្រព័ន្ធ​អន​ឡាញ​ជាមួយ​បណ្ដា​វាគ្មិន​ផ្សេងៗ​ទៀត​មកពី​ធនាគារ​សម្រាប់​ការទូទាត់​អន្តរជាតិ (BIS) និង​តំណាង​មកពី​ក្រុមហ៊ុន SETU​។
​ចំណុច​សំខាន់ៗ​ដែល​នឹងត្រូវ​លើក​យកមក​ពិភាក្សា​រួមមាន​៖ ១- ទស្សនៈវិស័យ​ក្នុង​ការកសាង​ហេដ្ឋារចនាសម្ព័ន្ធ​ឌីជីថល​, ២- សកម្មភាព​សំខាន់ៗ​ដែល​ត្រូវអនុវត្ត​ក្នុង​ការកសាង​ហេដ្ឋារចនាសម្ព័ន្ធ​ឌីជីថល​, ៣- ការរក្សា​តុល្យភាព​រវាង​ហេដ្ឋារចនាសម្ព័ន្ធ​ឌីជីថល​និង​សេដ្ឋកិច្ច​ឌីជីថល និង ៤- វិធានការ​រដ្ឋាភិបាល​លើ​ចំណុច​ពាក់ព័ន្ធ​នឹង​ការកសាង​ហេដ្ឋារចនាសម្ព័ន្ធ​ឌីជីថល​នេះ​៕សរន

លោកស្រី ជា សិរី​(រូបខាងឆ្វេង)

ទីតាំងផ្សាយពាណិជ្ជកម្ម

- Advertisment -

Most Popular