Home ព័ត៌មានជាតិ សេដ្ឋកិច្ច ​សាខា​ពន្ធដារ...

​សាខា​ពន្ធដារ​កោះកុង ប្រមូល​ចំណូល​ពន្ធ​លើ​មធ្យោបាយ​ដឹក​ជ​ញ្ចូ​ន​បាន​ជាង​៣,,៥​ពាន់​លាន​រៀល​

ដោយៈ​សុ​ផានី​តា​/​កោះកុង​:​នៅ​ឆ្នាំ​២០២០​នេះ​សាខា​ពន្ធដារ​ប្រចាំ​នៅ​ខេត្តកោះកុង​ទទួលបាន​ចំណូល​៣.០០០​លាន​រៀល​ពី​ការបង់ពន្ធ​លើ​មធ្យោបាយ​ដឹក​ជ​ញ្ចូ​ន​និង​យានជំនិះ​គ្រប់​ប្រភេទ​បើទោះបីជា​កម្ពុជា​រង​វិបត្តិ​ជំងឺ​កូ​វីដ​១៩​ក៏ដោយ​។​តួលេខ​នេះ​លើស​ផែន​ការដែល​កំនត់ដោយ​អគ្គនាយកដ្ឋាន​ពន្ធដារ​កន្លងទៅ​។​

​លោក ចំរើន ទូច ប្រធាន​សាខា​ពន្ធដារ​ខេត្តកោះកុង​បានបញ្ជាក់​កាលពី​រសៀល​ថ្ងៃទី​៧ ខែធ្នូ​ថា រយៈពេល​ខែ​នៃ​ឆ្នាំំ​នេះ សាខា​ពន្ធដារ​ខេត្តកោះកុង និង​ធនាគារ​ជា​ដៃគូ​សហការ ទទួលបាន​ចំណូល​សរុប​ជាង​៣.៥២៧​លាន​រៀល ស្មើនឹង​ចំនួន​យានយន្ត​ចំនួន​៦.២១១​គ្រឿង​ពី​ការបង់ពន្ធ​លើ​មធ្យោបាយ​ដឹក​ជ​ញ្ចូ​ន និង​យានជំនិះ​គ្រប់​ប្រភេទ​។​
​បើ​និយាយ​តួលេខ​ចំណូល​ដែល​ទទួលបាន​នៅពេលនេះ​ស្មើនឹង​៧៨​ភាគរយ​គឺ​លើស​ផែន​ការដែល​បានដាក់​ចេញ​ដោយ​អគ្គនាយកដ្ឋាន​ពន្ធដារ​១២​ភាគរយ​បើទោះបីជា​កម្ពុជា​រង​ប៉ះពាល់​ដោយសារ​ជំងឺ​កូ​វីដ​១៩​យ៉ាងណា​ដោយ​។​

​លោក ចំរើន ទូច បញ្ជាក់ទៀតថា កត្តា​នាំឱ្យមាន​ចំណូល​ពន្ធ​លើ​មធ្យោបាយ​ដឹក​ជ​ញ្ចូ​ន​កើន​យ៉ាង​ដូច្នេះ ព្រោះតែ​លោក គង់ វិបុល អគ្គនាយក​នៃ​អគ្គនាយកដ្ឋាន​ពន្ធដារ​បាន​កែទម្រង់​រាល់​នីតិវិធី​ដែល​ស្មុគស្មាញ​ចោល​អស់​ដើម្បី​ផ្តល់​ភាពងាយស្រួល​ជូន​ប្រជាពលរដ្ឋ​មក​ទទួល​សេវា​តាមបែប​ប្រព័ន្ធ​បច្ចេកវិទ្យា​ឆាប់រហ័ស​ទាន់ តម្លាភាព អត្រាកំណើន​យានយន្ត​កើនឡើង​ពីមួយ​ឆ្នាំទៅ​មួយឆ្នាំ បូកផ្សំ​នឹង​ការយល់ដឹង​របស់​ប្រជាពលរដ្ឋ​ពី​កាតព្វកិច្ច​នឹង​បង់ពន្ធ​ផង​។

​ត្បិត​ទទួល​ចំណូល​ពន្ធ​លើ​មធ្យោបាយ​ដឹក​ជ​ញ្ចូ​ន និង​យាន្ត​ជំនិះ​គ្រប់​ប្រភេទ​លើស​ផែនការ​ក៏ដោយ ក៏​មន្ត្រី​សាខា​ពន្ធដារ​ខេត្តកោះកុង ផាកពិន័យ​ម្ចាស់​យានយន្ត​ដែល​ពុំបាន​បំពេញ​កាតព្វកិច្ច​ជូន​រដ្ឋ​កាលពី​ឆ្នាំ​២០១៩​បាន​ចំនួន​១៤២​លាន​រៀល​ផងដែរ​។ ចំណែកឯ​យានយន្ត​លើកលែង​ការបង់ពន្ធ រួមមាន​៖ ម៉ូតូ រថយន្ត​សង្គ្រោះបន្ទាន់ រថយន្តយោធា នគរបាល គ្រឿងយន្ត​កសិកម្ម រថយន្ត​ស្ថានទូត និង​រថយន្ត​ដែល​ប្រើប្រាស់​ដោយ​អង្គការ​អន្តរជាតិ​នានា​។​

​បន្ទាប់ពី​បូកសរុប​ចំណូល​ពន្ធដារ​នេះហើយ តាម​ផែនការ​របស់​អគ្គនាយក​ដ្ឋា​ន​ពន្ធដារ គឺ​សាខា​ពន្ធដារ​ខេត្តកោះកុង នឹង​ផ្តើម​ចុះ​យុទ្ធនា​ការពិនិត្យ និង​ផាកពិន័យ​ចំពោះ​ម្ចាស់​យានយន្ត​ទាំងឡាយណា​ដែល​ពុំបាន​បង់ពន្ធ​ចាប់ពី​ខែមករា ឆ្នាំ​២០២១​តទៅ​។

​គួរ​ជម្រាប​ថា ជា​យន្តការ​ពង្រីក​វិសាលភាព​ក្នុងការ​ត្រួតពិនិត្យ​ចំពោះ​យានយន្ត​ដែល​បាន​បង់ពន្ធ​ពិតប្រាកដ និង​មិនបាន​បង់ពន្ធ អគ្គនាយកដ្ឋាន​ពន្ធដា​រ បាន​បង្កើត​ប្រព័ន្ធ​បច្ចេកវិទ្យា​ពិនិត្យ​QR-Code​លើ​ក្រដាស​ពន្ធ​តាម​ទូរស័ព្ទ ដោយ​ធ្វើឱ្យ​អ្នក​ជាប់ពន្ធ​ពុំ​អាច​បិទបាំង​ព័ត៌មាន ឬ​គេចវេស​បានឡើយ​។​

​បែបនេះ​ក្តី ពុំមែន​មានន័យថា សាខា​ពន្ធដារ​ឈប់​ទទួល​សេវា​បង់ពន្ធ​ប្រភេទ​នេះ​ទេ ពោលគឺ​នៅតែ​ទទួល​ដដែល គ្រាន់តែ​អ្នក​មក​បង់ពន្ធ​រង​ការផាកពិន័យ​ប៉ុណ្ណោះ ប្រសិនបើ​កុំឱ្យ​ខាត​ពេល​វ​លា​ជាមួយ​ក្រុមមន្ត្រី​ពន្ធដារ​ពិនិត្យ​តាម​ដងផ្លូវ​ជាតិ​៕​សរន

ទីតាំងផ្សាយពាណិជ្ជកម្ម

- Advertisment -

Most Popular