Home ព័ត៌មានជាតិ សន្តិសុខ ឡានធំ បុក​ម៉ូ...

ឡានធំ បុក​ម៉ូតូ អ្នកបើក​ម៉ូតូ សន្លប់​បាត់ស្មារតី អ្នក​បើកឡាន រត់​បាត់​

​ដោយៈ បាយ័ន / សៀមរាបៈ រថយន្ត​ធំ បាន​បុក​ម៉ូតូ បណ្តាលឱ្យ​អ្នកបើក​ម៉ូតូ សន្លប់​បាត់ស្មារតី ហើយ​អ្នកបើករថយន្ត បាន​ចុះ​រត់​គេចខ្លួនបាត់​។ ហេតុការណ៍​នេះ បានកើត​ឡើង នៅវេលា​ម៉ោង ៨ យប់ ថ្ងៃទី​៨ ខែធ្នូ ឆ្នាំ​២០២០ នៅលើ​កំណាត់ ផ្លូវជាតិ​លេខ​៦ ស្ថិតនៅ​ក្នុងភូមិ​ស្វាយ​ជ័យ ឃុំ​ត្រពាំង​ធំ ស្រុក​ប្រាសាទបាគង ។

​សមត្ថកិច្ច​មូលដ្ឋាន បានឱ្យដឹងថា គ្រោះថ្នាក់​ចរាចរណ៍​នេះ បង្កឡើង ដោយ​រថយន្ត​ម៉ាក HINO ពណ៌​ខៀវ ចំណុះ​១៥​តោន ពាក់​ផ្លាកលេខ ព្រះសីហនុ 3A0791 បើកបរ​ពី​ខាងកើត​ទៅខាង​លិច ហើយ​មកដល់​ចំណុច​កើត​ហេតុ បាន​បុក​ពីក្រោយ ម៉ូតូ​ម៉ាក HONDA.C125 ពណ៌​ខ្មៅ សេរី​ឆ្នាំ​២០១៤ ពាក់​ផ្លាកលេខ បន្ទាយ​មានជ័យ​1J22.12.​បើកបរ​ដោយ​បុរស​ម្នាក់ (​មិនទាន់​ស្គាល់ឈ្មោះ និង​អត្តសញ្ញាណ​) បណ្ដាលឱ្យ​រងរបួស​ធ្ងន់ ហើយ​សន្លប់​បាត់ស្មារតី ហើយ​បាន​ត្រូវគេ បញ្ចូនទៅ​គ្លីនិក​ស៊ឹង​រិ​ទ្ឋី​រ៉េត សៀមរាប ។ ចំណែក​អ្នក​បើកឡាន ក្រោយ​កើតហេតុ បាន​ចុះ​រត់​គេចខ្លួនបាត់​។​

​សមត្ថកិច្ច​នគរបាល​ចរាចរណ៍ ស្រុក​ប្រាសាទបាគង បានបញ្ជាក់​ថាៈ មូលហេតុ​ខាងលើ បណ្តាលមកពី​រថយន្ត បត់​ឆ្លងផ្លូវ ខ្វះ​ការប្រុងប្រយ័ត្ន​។ រថយន្ត និង​ម៉ូតូ រក្សាទុក នៅ​អធិការដ្ឋាន​នគ​បាល​ស្រុក រង់ចាំ​ដោះស្រាយ នៅពេល​ក្រោយ​៕/V​

ឡានធំ បុក​ម៉ូតូ អ្នកបើក​ម៉ូតូ សន្លប់​បាត់ស្មារតី អ្នក​បើកឡាន រត់​បាត់​

ឡានធំ បុក​ម៉ូតូ អ្នកបើក​ម៉ូតូ សន្លប់​បាត់ស្មារតី អ្នក​បើកឡាន រត់​បាត់​ឡានធំ បុក​ម៉ូតូ អ្នកបើក​ម៉ូតូ សន្លប់​បាត់ស្មារតី អ្នក​បើកឡាន រត់​បាត់​

ឡានធំ បុក​ម៉ូតូ អ្នកបើក​ម៉ូតូ សន្លប់​បាត់ស្មារតី អ្នក​បើកឡាន រត់​បាត់​

ទីតាំងផ្សាយពាណិជ្ជកម្ម

- Advertisment -

Most Popular