Home ព័ត៌មានជាតិ នយោបាយ ឧ​ត្ត​ម​សេនីយ...

ឧ​ត្ត​ម​សេនីយ៍​ឯក ហ៊ុន ម៉ា​ណែ​ត : កងទ័ពជើងគោក​កម្ពុ​ជា​ពង្រឹង​ទំនាក់ទំនង​ជាមួយ​កង​ទ័ពជើងគោក​សិង្ហ​បុរី​

ដោយ​: មុនី​រ័ត្ន​/​ភ្នំពេញៈ លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អគ្គ​មេបញ្ជាការរង នៃ​កងយោធពល​ខេមរភូមិន្ទ មេបញ្ជាការ​កងទ័ពជើងគោក បាន​បញ្ជាក់ថា កម្ពុជា​នឹង​បន្ត​ខិតខំ​ចូលរួមចំណែក​ពង្រឹង​នូវ​ទំនាក់ទំនង​កិច្ចសហប្រតិបត្តិការ​រ​វាង​ប្រទេស​សិង្ហ​បុរី និង​ប្រជាជន​ទាំងពីរ និយាយ​ជារួម និង​និយាយ​ដោយ​ទ្បែ​ករ​វាង​កងទ័ពជើងគោក​នៃ​ប្រទេស​ទាំងពីរ​ឱ្យ​កាន់​តែមាន​សន្ទុះ​ខ្លាំង​ឡើង​បន្ថែមទៀត​។​

​ការបញ្ជាក់​នេះ នៅក្នុង​ជំនួប​ជាមួយ​លោក Michael Tan ឯកអគ្គរដ្ឋទូត​បញ្ច​ប់​អាណ​តិ្ត​នៃ​សាធារណរដ្ឋ​សិង្ហ​បុរី​ប្រចាំ​កម្ពុជា ចូលជួប​សម្តែង​ការគួរសម និង​ជម្រាបលា កាលពី​ថ្ងៃទី​៨ ខែធ្នូ ឆ្នាំ​២០២០ នៅ​ទីបញ្ជាការ​កងទ័ពជើងគោក នៃ​កងយោធពល​ខេមរភូមិន្ទ​។​

​នៅក្នុង​ជំនួប លោក Michael Tan បាន​មានប្រសាសន៍​ថ្លែងអំណរគុណ​ចំពោះ​រាជរដ្ឋាភិបាល​កម្ពុជា​ដែល​បាន​បង្កលក្ខណៈ​ដល់​បេសកម្ម​ការទូត​របស់ ឯកឧត្តម ទទួលបាន​ជោគជ័យ​គួរ​ជាទី​មោ​ទៈ និង​បាន​សម្តែង​នូវ​ការកោតសរសើរ​ចំពោះ​រាជរដ្ឋាភិបាល​នៃ​ព្រះរាជាណាចក្រ​កម្ពុជា ដែល​បាន​ចាត់វិធានការ​ត្រឹមត្រូវ និង​ទាន់ពេលវេលា​ក្នុងការ​ទប់ស្កាត់​ការរីក​រាលដាល​នៃ​ជម្ងឺ​រាតត្បាត​សាកល​កូ​វីដ​-១៩​។​

​ជា​កិច្ច​ឆ្លើយតប លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត បាន​ថ្លែងអំណរគុណ​ដល់​រដ្ឋាភិបាល នៃ​សាធារណរដ្ឋ​សិង្ហ​បុរី ចំពោះ​ទំនាក់ទំនង​មិត្តភាព និង​កិច្ចសហប្រតិបត្តិការ​ល្អ​រវាង​ប្រទេស​ទាំងពីរ ផ្តើមចេញពី​ទំនាក់ទំនង​នៃ​រយ​:​កាល​ដ៏​យូរអង្វែង​តាំងពី​ឆ្នាំ​១៩៦៥ ហើយ​ដែល​ប៉ុន្មាន​ឆ្នាំ​ចុងក្រោយ​នេះ នៅក្នុង​អាណត្តិ​របស់លោក Michael Tan ការផ្សារភ្ជាប់​ទំនាក់ទំនង​រវាង​ប្រទេស​ទាំងពីរ​កាន់តែ​មាន​ភា​ព​ជិតស្និទ្ធ ជាពិសេស​តាមរយ​:​សមិទ្ធផល​ការងារ​ជាច្រើន ដែល ឯកឧត្តម ឯកអគ្គរដ្ឋទូត សម្រេចបាន​៕

ទីតាំងផ្សាយពាណិជ្ជកម្ម

- Advertisment -

Most Popular