Home ព័ត៌មានជាតិ សង្គម មណ្ឌល​កីឡាហែល...

មណ្ឌល​កីឡាហែលទឹក​នៅ​បរិវេណ​សាកលវិទ្យាល័យ​បាត់​​ដំបង​អាច​បញ្ចប់​មុន​ផែនការ​កំណត់

 

​ដោយៈ​គ្រញូង​/​បាត់ដំបងៈ លោក ហែម គិរី អគ្គលេខា​​ធិ​ការ​សហព័ន្ធ​ខ្មែរ​ហែល​ទឹកបាន​ឲ្យ​ដឹងថា​ការ​​​​សាងសង់​មណ្ឌល​កីឡាហែលទឹក​នៅក្នុង​បរិវេណ​សាកល​វិទ្យា​ល័យ​បាត់ដំបង​ដំបង​អាច​បញ្ចប់​មុន​ផែនការ​កំណត់​។

​លោក អគ្គលេខាធិការ​សហព័ន្ធ​ខ្មែរ​ហែល​ទឹកបាន​បន្តថា​តាម ផែនការ​សាង​​សង់​ត្រូវ​ប្រើ​រយៈពេល​២៤​ខែ​២ ឆ្នាំ ប៉ុន្តែ​ជាក់ស្តែង​ក្រុមហ៊ុន​សាងសង់ បាន​ប្រាប់ថា​ការសាងសង់​អាច​បញ្ចប់​នៅ​ចន្លោះ​ខែកុម្ភៈ ឆ្នាំ ២០២១ ខាងមុខនេះ ។​

​លោក​អគ្គលេខាធិការ​បា​ន​ប្រាប់​ថាប់​ថា ការសាងសង់​មណ្ឌល​កីឡាហែលទឹក​នៅ​ខេត្ត បាត់ដំបង​នេះ​ជា​ផែន​​ការមេ​របស់​សហព័ន្ធ​កីឡា​ខ្មែរ​ហែល​ទឹក​ក្នុងការ​អភិវឌ្ឍ និង បណ្តុះបណ្តាល​កីឡាករ​-​កីឡាការិនី​ឈុត​ធំ​និង​ថ្នាល ដើម្បី​ត្រៀម​ចូលរួម​ប្រកួត​ព្រឹត្តិការណ៍ កីឡា​ថ្នាក់​ខេត្ត​ថ្នាក់ជាតិ និង ការប្រកួត​កីឡា SEA GAMES 2023 នាពេល​ខាង​​មុខ​នេះ​។​

​គួរ​បញ្ជាក់ថា​មណ្ឌល​កីឡាហែលទឹក​ខេត្តបាត់ដំបង សាងសង់​លើ​ផ្ទៃដី​ទំហំ​១១២​ម៉ែត្រ គុណ ៦៥​ម៉ែត្រ ប្រើ​រយះពេល​សាងសង់​២​ឆ្នាំ​។ ក្រុមហ៊ុន​សាង​​សង់ និង សហព័ន្ធ​ខ្មែរ​កីឡាហែលទឹក គ្រោង​ប្រើ​ថវិកា​ប្រមាណ​២​លាន​​ដុល្លារ​អាមេរិក​សម្រាប់​គម្រោង នេះ ។ អាង​ហែល​ទឹក​នេះ សាងសង់ឡើង​តាម​ស្តង់​អន្តរជាតិ ដែលមាន​ទំហំ​បណ្តោយ​២៥​ម៉ែត្រ ទទឹង​២០​ម៉ែត្រ ក្រោម​គំនិត​ផ្តួចផ្តើម​របស់​សម្តេច​ក្រឡា ហោម​ដើម្បី អាច​ឲ្យ​កីឡាករ​-​កីឡាការិនី​ទាំង​ជាតិ​និង​អន្តរជាតិ ក៏ដូចជា មហា​ជន​ទូទៅ​ក្នុង​ខេត្តបាត់ដំបង​ធ្វើការ​ហ្វឹក​ហាត់​កីឡា​​​ហែល​ទឹក​ឲ្យ​ស្ទាត់ជំនាញ​៕​

ទីតាំងផ្សាយពាណិជ្ជកម្ម

- Advertisment -

Most Popular