Home ព័ត៌មានជាតិ សង្គម អាជ្ញាធរ​ខេត្...

អាជ្ញាធរ​ខេត្តកណ្តាល​ផ្អាក​ដំណើរការ​ផ្សា​របឹង​ខ្យា​ង និង​វត្ត​វិហារ​ត្រាញ់ ក្នុងស្រុក​កណ្តាលស្ទឹង ជា​បណ្តោះអាសន្ន​

ដោយៈ​ស​រិ​ទ្ធ​/​កណ្តាលៈ​អាជ្ញាធរ​ខេត្តកណ្តាល​បានសម្រេច​ផ្អាក​ដំណើរការ​ផ្សា​របឹង​ខ្យា​ង និង​វត្ត​វិហារ​ត្រាញ់ ក្នុងស្រុក​កណ្តាលស្ទឹង ខេត្តកណ្តាល ជា​បណ្តោះអាសន្ន​កាលពីរ​សៀ​ល​ថ្ងៃទី​៨ ខែធ្នូ ដើម្បី​ធានាថា​ប្រជាពលរដ្ឋ​ទាំងអស់​មិនមាន​ឆ្លង​ជំងឺ​កូ​វីដ​-១៩ ។​

​ចំពោះ​ការផ្អាក​ដំណើរការ​នេះ​អាជ្ញាធរ​បាន​សុំ​ការ​អធ្យាស្រ័យ​ពី​ប្រជាពលរដ្ឋ និង​អាជីវករ​ទាំងអស់ ព្រោះ​ដើម្បី​ធ្វើការ​ស្រាវជ្រាវ​រក​អ្នកពាក់ព័ន្ធ​នឹង​ក្រុមគ្រួសារ​របស់លោក​ស្រី អៀម ធីតា មាន​លទ្ធផល​វិជ្ជមាន​វីរុស​កូ​វីដ​-១៩ ដែលមាន​ជាប់​ពាក់ព័ន្ធ​នឹង​ព្រឹត្តិការណ៍​សហគមន៍ ២៨ វិច្ឆិកា រស់នៅ​សង្កាត់​បឹងទំពន់ ខណ្ឌមានជ័យ រាជធានី​ភ្នំពេញ ហើយ​បាន​ទៅលេង​ម្ដាយ​នៅ​ស្រុក​កណ្ដាលស្ទឹង​នោះ​។​

​យោង​របាយការណ៍​រប​ស់​ក្រុមគ្រូពេទ្យ​ខេត្តកណ្តាល​បាន​អះអាងថា អ្នកពាក់ព័ន្ធ​ដោយផ្ទាល់​ក្នុង​ខេត្តកណ្តាល​មាន​ចំនួន​០៧​នាក់ និង​ដោយ​ប្រយោល​ចំនួន​៣៧​នាក់ ដែល​បាន​ទៅធ្វើ​តេស្ត​រក​មេរោគ​កូ​វីដ​-១៩ នៅ​មន្ទីរពេទ្យបង្អែក​ជ័យជំនះ ក្រុង​តាខ្មៅ និង​បានធ្វើ​ច​ត្តា​ឡី​ស័ក​នៅតាម​មណ្ឌល​ច​ត្តា​ឡី​ស័ក​ដែល​រដ្ឋបាលខេត្ត​បានរៀបចំ យ៉ាង​ត្រឹមត្រូវ​តាម​វិធាន​របស់​ក្រសួងសុខាភិបាល រួចហើយ​៕

ទីតាំងផ្សាយពាណិជ្ជកម្ម

- Advertisment -

Most Popular