Home ព័ត៌មានជាតិ សន្តិសុខ ឡិច​ស៊ី​ស​បុក...

ឡិច​ស៊ី​ស​បុក​បុរស​ម្នាក់​របួស​បាក់ជើង​ខាងស្ដាំ​

ដោយៈ​ស​រិ​ទ្ធ​/​ភ្នំពេញៈរថយន្ត​មួយគ្រឿង​បាន​ជ្រុល​ទៅបុក​បុរស​ម្នាក់​បណ្តាល​ឲ្យ​រងរបួស​បាក់ជើង​ខាងស្ដាំ​កាលពី​វេលា​ម៉ោង​៧​និង​៣០​នាទី​ព្រឹក​ថ្ងៃទី​៩ ខែធ្នូ ឆ្នាំ​២០២០ នៅ​ចំណុច​មុខ​ធនាគារ​ABA ក្បែរ​ទីស្ដីការ​គណៈ​រដ្ឋមន្ត្រី​ស្ថិតនៅតាម​បណ្ដោយ​មហាវិថី​សហព័ន្ធរុស្ស៊ី ក្នុង​សង្កាត់​មិត្តភាព ខណ្ឌ​៧​មករា រាជធានី​ភ្នំពេញ​។

​ប្រជាពលរដ្ឋ​បាន​ឲ្យ​ដឹងថា នៅ​មុនពេល​កើតហេតុ​គេ​ឃើញ​បុរស​ម្នាក់​បើករថយន្ត​ម៉ាក Lexus RX300 ពណ៌​ស ពាក់​ស្លាក​លេខ​ភ្នំពេញ 2AW-2488 តាម​បណ្ដោយ​មហាវិថី​សហព័ន្ធរុស្ស៊ី​ក្នុងទិសដៅ​ពី​លិចទៅ​កើត​ក្នុង​ល្បឿន​លឿន​។ ខណៈ​មកដល់​ចំណុចកើតហេតុ​មាន​បុរស​ម្នាក់​ជិះ​ម៉ូតូ​ម៉ាក​ហុងដា​ឌ្រី​ម ពណ៌​ខ្មៅ ពាក់​ស្លាក​លេខ ភ្នំពេញ 1CU-0043 ធ្វើដំណើរ​តាម​មហាវិថី​សហព័ន្ធរុស្ស៊ី​ក្នុងទិសដៅ​ពី​កើ​តទៅ​លិច បម្រុង​បត់​ឆ្វេង ត្រូវ​រថយន្ត​បង្ក​បើក​បុក​យ៉ាង​ពេញទំហឹង​តែម្ដង​បណ្ដាលឱ្យ​បាក់ជើង​ខាងស្តាំ ហើយ​រថយន្ត​ព្យាយាម​បើក​រត់គេច តែ​ត្រូវបាន​ប្រជាពលរដ្ឋ​តាម​ឃាត់​បាន​នៅ​មូលដ្ឋាន​សង្កាត់​មនោ​រម្យ ខណ្ឌ​៧​មករា​។​

​លោក​វរសេនីយ៍ទោ ង៉ែត សារុន អធិការរង​ទទួល​ផែន​ចរាចរណ៍​នៃ​អធិការដ្ឋាន​នគរបាល​ខណ្ឌ​៧​មករា​បានឱ្យដឹងថា ម្ចាស់​រថយន្ត​បង្ក​បើកបរ​ក្នុងស្ថានភាព​ស្រវឹង មាន​សារធាតុ​អាល់កុល ០.៥៧ មួយ​មិ​លី្ល​ក្រាម​ក្នុង​១​លីត្រ​ខ្យល់​។​

​ក្រោយពេល​កើតហេតុ​នគរបាល​ជំនាញ​បាន​ឃាត់ខ្លួន​ម្ចាស់​រថយន្ត​និង​រថយន្ត​បង្ក​បញ្ជូនមក​អធិការដ្ឋាន​នគរបាល​ខណ្ឌ​៧​មករា​ដើម្បី​កសាង​សំណុំរឿង​បញ្ជូនទៅ​អយ្យការ​អម​សាលាដំបូង​រាជធានី​ភ្នំពេញ​ចាត់ការ​តាម​នីតិវិធី​៕

ទីតាំងផ្សាយពាណិជ្ជកម្ម

- Advertisment -



Most Popular