Home ព័ត៌មានជាតិ សង្គម ពលករ​ខ្មែរ​នៅ...

ពលករ​ខ្មែរ​នៅ​ថៃ​ធ្វើ​មាតុភូមិនិវត្តន៍​តាម​ច្រកព្រំដែន​អូរ​បី​ជាន់ ត្រូវ​កំណត់​ប្រភព​តំបន់​ធ្វើការ ដើម្បី​បែងចែក​ទៅធ្វើ​ច​ត្តា​ឡី​ស័ក​

ដោយ​៖ ភ្នំ​ស្វាយ / បន្ទាយមានជ័យ​៖ ពលករ​ខ្មែរ​ដែល​ធ្វើការ​ស៊ីឈ្នួល​នៅ​កន្លែង​នានាប្រទេស​ថៃ ហើយ​បានធ្វើ​មាតុភូមិនិវត្តន៍​តាម​ច្រកព្រំដែន​អូរ​បី​ជាន់ ស្រុក​ក​អូរជ្រៅ​ខេត្តបន្ទាយមានជ័យ​ត្រូវ​វ​កំណត់​ប្រភព​តំបន់​ធ្វើការ ដើម្បី​បែងចែក​ទៅធ្វើ​ច​ត្តា​ឡី​ស័ក​។​

​លោក លី សុ​វណ្ណា​រឹទ្ធិ អភិបាលស្រុក​អូរជ្រៅ​ប្រាប់​កាសែត​រស្មី​កម្ពុជា​ថ្ងៃទី​៩​ខែធ្នូ​ឆ្នាំ​២០២០ ថា​៖ តាម​ច្រក​នេះ ក្នុង​១​ថ្ងៃៗ​នៅមាន​ពលករ​ខ្មែរ​បន្តធ្វើ​មាតុភូមិនិវត្តន៍​ចំនួន​ពី​ជិត​ទៅ​ជាង​២០០​នាក់​/១​ថ្ងៃៗ​។ ឬ​ថ្ងៃ​ខ្លះ​ច្រើនជាង​នេះ​៣​ទៅ​៥ ដង​។ នៅពេល​វិលត្រឡប់ ពលករ​ត្រូវ​ឆ្លងកាត់​ត្រួតពិនិត្យ​តឹងរឹង​នៅ​ន្លែ​ង​ត្រូតពិនិត្យ​សុខភាព​ច្រក​អូរ​បី​ជាន់ ដោយ​ក្រុមការងារ​ចម្រុះ​។

​ក្នុងនោះ​មន្ត្រី​ក្រុមការងារ​ត្រូវ​សម្ភាសន៍​ផ្តោត​ខ្លាំង​លើ​ប្រភព​ទីកន្លែង​ធ្វើការ​ងារ និង​លើ​សុវត្ថិភាព​សុខភាព ដើម្បី​ងាយស្រួល​នឹង​បែងចែក បញ្ជូន​ទៅធ្វើ​ច​ត្តា​ឡី​ស័ក​។ ពោលគឺ បើ​មុខសញ្ញា​ពលករ​ខ្មែរ​ណា ដែល​ទៅធ្វើ​ការ​ស៊ីឈ្នួល​នៅ​តំបន់​ការដ្ឋាន ឬ​ទីកន្លែង​ការងារ​ដែលមាន​មនុស្ស​ប្រមូលផ្តុំ​ច្រើន​ដូចជា​នៅ​នៅតាម​រោងចក្រ ការដ្ឋាន​សាងសង់​ផ្សារ​តាម​ហាង​លក់ដូរ​… ហើយ​នៅ​រាជធានី​បាងកក ខេត្ត​ឈុន​បូរី ខេត្ត​នៅ​តំបន់​ភាគខាងត្បូង​ថៃ​… នឹងត្រូវ​បញ្ជូន​ទៅយក​វត្ថុ​សំណាង​នៅ​មន្ទីរពេទ្យបង្អែក​ក្រុង​ប៉ោយប៉ែត​។ ឬ​បើ​ច្រើន​លើស​កំណត់​នឹង​បញ្ជូន​ទៅយក​វត្ថុ​សំណាក​មន្ទីរពេទ្យ ក្រុង​សិរីសោភ័ណ និង​មន្ទីរ​ខេត្ត​មិត្តភាព​កម្ពុជា ជប៉ុន មង្គល​បូរី ។​

​លោក​បាន​បន្ត​៖ ក្រោយ​ការបញ្ជូន​វត្ថុ​សំណាក​ទៅ​មន្ទីរពិសោធន៍ នៃ​វិទ្យាស្ថាន​ប៉ាស្ទ័រ រាជធានី​ភ្នំពេញ ហើយ​បើ​លទ​ន​ធ​ផល​មិនមាន​រោគសញ្ញា​ហានិភ័យ និង​រោគសញ្ញា​សង្ស័យ​អ្វី​ទេ ហើយ​ក្រោយ​ស្នាក់នៅ​៣​ថ្ងៃ​ក្នុង​មន្ទីរពេទ្យ ទើប​អនុញ្ញាតិ​អោយ​ពលករ​ទាំងនោះ ទៅ​ស្រុកកំណើត​។​

​យោង​បញ្ជី​ប្រជាពលរដ្ឋ​មាតុភូមិនិវត្តន៍​ពី​ប្រទេស​ថៃ ក្នុងភូមិ​សាស្ត្រ​ស្រុក​អូរជ្រៅ និង​របាយការណ៍ ស្តីពី​ការតាមដាន​ប្រជាពលរដ្ឋ​ដែល​អាជ្ញាធរ​ថៃ​បញ្ជូន​លើក​ទី​២ តាម​ច្រក​អូរ​បី​ជាន់​ក្នុងការ​ទប់ស្កាត់​ការ​រាតត្បាត​ជំងឺ​កូ​វីដ​១៩ (​ពី​ម៉ោង​៤​ល្ងាច​ថ្ងៃទី​៧​ដល់​ម៉ោង​៤​ល្ងាច​ថ្ងៃទី​៨​ខែធ្នូ​ឆ្នាំ​២០២០) បាន​បង្ហាញថា​៖ នា​ដើម​គ្រា ហើយ​បាន​ពិនិត្យ​សុខភាព មាន​ពលករ​ចំនួន​៨០២​នាក់​/​ស្រី​៣១៥​នាក់​។​

​បើ​គិតពី​ពលករ​ស្ថិតិ​ពលរ​ខ្មែរ​( ពលករ​) ដើម​គ្រា​ខែ​នៃ​ឆ្នាំនេះ សរុប ៥៦.០៣៥​នាក់​/​ស្រី​២៥.៣៥៤​នាក់​។​

​សូមបញ្ជាក់ថា ពលករ​ខ្មែរ​ធ្វើការ​នៅ​ប្រទេស​ថៃ ត្រូវបាន​អាជ្ញាធរ​កងកម្លាំង​ថៃ និង​កម្ពុជា​រៀបចំ​អោយធ្វើ​មាតុភូមិនិវត្តន៍​/​បញ្ជូន​ត្រឡប់​តែ​តាម​ច្រក​អូរ​បី​ជាន់ស្រុក​អូរជ្រៅ​មួយគត់ (​សម្រាប់​ភូមិសាស្ត្រ​ខេត្តបន្ទាយមានជ័យ )​។​

​លោក លី សុ​វណ្ណា​រឹទ្ធិ បាន​បន្តថា​៖ ក្នុង​កិច្ចប្រជុំ​ថ្មី​នេះ​របស់​ក្រុមការងារ​ទទួល​ពលក​រ​ខ្មែរ​នៃ​ច្រក​អូរ​បី​ជាន់ ជំនួសមុខ​រដ្ឋបាលខេត្ត​និង​លោក​អភិបាលខេត្ត​បន្ទាយមានជ័យ ដែល​លោក​ជា​តំណាង និង​ចូលរួម​ដោយ​មន្ត្រី​អាជ្ញាធរ មន្ត្រី​សមត្ថកិច្ច​ជំនាញ និង​កងកម្លាំង​ពាក់ព័ន្ធ​បាន​សង្កត់ធ្ងន់​លើ​ការ​រឹតបន្តឹង​ការត្រួតពិនិត្យ​លំហូរ​ពលករ​ខ្មែរ​ឆ្លងកាត់​ព្រំដែន​។

​គឺ​កុំអោយ​ឆ្លងកាត់​ច្រករបៀង​ណា​ផ្សេង​ក្រៅពី​ច្រក​អូរ​បី​ជាន់​ដែល​មានការ​ត្រូតពិនិត្យ ទប់ស្កាត់​ជម្ងឺ​កូ​វីត ១៩ ព្រោះ​ដើម្បី​ងាយស្រួល និង​បញ្ជៀ​សហា​នី​ភ័យ​នៃ​ការចម្លង​មេរោគ​នេះ​៕​

ទីតាំងផ្សាយពាណិជ្ជកម្ម

- Advertisment -

Most Popular