Home ព័ត៌មានជាតិ សន្តិសុខ រយៈពេល​៣​ថ្ងៃ...

រយៈពេល​៣​ថ្ងៃ សមត្ថកិច្ច​ខេត្តកំពង់ឆ្នាំង បំបែកសំណុំរឿង​ឃាតកម្ម និង​ធ្វើការ​ឃាត​ខ្លួន​ជនដៃដល់​៣​នាក់​

ដោយ​: ទេ​ពក​ង្រី / ខេត្តកំពង់ឆ្នាំង​: រយៈពេល​៣​ថ្ងៃ សមត្ថកិច្ច​កងរាជអាវុធហត្ថ និង​កម្លាំង​នគរបាល​ខេត្តកំពង់ឆ្នាំង បំបែក​សុំ​ណុំ​រឿង​ឃាតកម្ម​ធ្វើការ​ឃាត​ខ្លួន​ជនដៃដល់​៣​នាក់​។

​នៅ​ព្រឹក​ថ្ងៃទី​៩ ខែធ្នូ ឆ្នាំ​២០២០​នេះ សមត្ថកិច្ច​នគ​បាល​ខេត្ត និង​កងរាជអាវុធហត្ថ​ខេត្ត បាន​នាំយក​ជន​ដៃ​ក្នុង​អំពើ​ឃាតកម្ម​ចំនួន ៣​នាក់ ទៅធ្វើ​ត្រាប់​នៅ​កន្លែងកើតហេតុ ដែល​បាន​បណ្ដាល​ឲ្យ​ជនរងគ្រោះ​ម្នាក់​បាន​ស្លាប់ នៅ​យប់​ថ្ងៃទី​៧ ខែធ្នូ ឆ្នាំ​២០២០ កន្លងទៅ នៅ​ចំណុច​ភូមិ​គក ឃុំ​ពា​នី ស្រុក​កំពង់ត្រឡាច ខេត្តកំពង់ឆ្នាំង​។

​ស្នងការរង​នគរបាល​ខេត្តកំពង់ឆ្នាំង លោក​ឧុ​ត្ត​ម​សេនីយ៍​ត្រី ប៉ុល​វុទ្ធី បាន​ឲ្យ​ដឹងថា ក្រោយពេល​កើតហេតុ នៃ​អំពើ​ឃាតកម្ម​ធ្វើឱ្យ​ជនរងគ្រោះ​ម្នាក់​បាន​ស្លាប់​កាលពី​យប់​ថ្ងៃទី​៧ ខែធ្នូ​២០២០​កន្លងទៅនេះ ភ្លាមៗ​នគរបាល​ខេត្ត​ដោយ​ទទួលបញ្ជា​ពី​លោក​ឧ​ត្ត​ម​សេនីយ៍​ទោ ស្នងការ​នគរបាល​ខេត្ត និង​ដោយមាន​ការសម្របសម្រួល​ពី​លោក អ៊ិត សុធា ព្រះរាជអាជ្ញា​អម​សាលាដំបូង​ខេត្ត​សមត្ថកិច្ច​នគ​បាល​ខេត្ត បាន​ចុះ​បើក​ការស្រាវជ្រាវ​បន្ទាន់ និង​បាន​ឈានដល់​ការឃាត់ខ្លួន​ជនដៃដល់​ចំនួន ៣​នាក់ ក្នុងនោះ​២​នាក់​ត្រូវបាន​សមត្ថកិច្ច​នគរ​បាល​ខេត្ត​ធ្វើការ​ឃាត់ខ្លួន​ដែលមាន ១-​ឈ្មោះ ណន ណឹ​ម ភេទ​ប្រុស អាយុ ៣៧​ឆ្នាំ ទី​២ .​ឈ្មោះ នៅ ច្រេស អាយុ ៣០​ឆ្នាំ ដោយឡែក​ម្នាក់​ផ្សេងទៀត ត្រូវបាន​កម្លាំង​កងរាជអាវុធហត្ថ​ខេត្ត ធ្វើការ​ស្រាវជ្រាវ​ឃាត់ខ្លួន​ផងដែរ គឺ​ឈ្មោះ តុ​ន រឿន អាយុ ២៦​ឆ្នាំ ទាំង ៣​នាក់​ខាងលើនេះ មាន​ទីលំនៅ​ជាមួយគ្នា​ក្នុងភូមិ​គក ឃុំ​ពា​នី ស្រុក​កំពង់ត្រឡាច ខេត្តកំពង់ឆ្នាំង ដោយឡែក​ជនរងគ្រោះ​មានឈ្មោះ ញៀន​ណូយ ហៅ ស្នា អាយុប្រមាណ​ជាង ៣០​ឆ្នាំមាន​ទីលំនៅ​ភូមិ​ឃុំ​ស្រុក​ជាមួយគ្នា ។

​នៅ​ចំពោះមុខ​សមត្ថកិច្ច​ឯ​កន្លែង​ធ្វើ​ត្រាប់ នៅ​ព្រឹក​ថ្ងៃទី​៩​ធ្នូ ជនសង្ស័យ​ទាំង ៣​នាក់​បាន​សារភាពថា ខ្លួន​មាន​គំនុំ​នឹង​ជនរងគ្រោះ​ដែល​តែងតែ​បង្ក​រឿងហេតុ នៅក្នុង​ភូមិ​ជា​ញឹកញាប់​ជាមួយ​ពួកខ្លួន​ទាំង​៣​នាក់ ទើប​នៅ​យប់​ថ្ងៃកើតហេតុ ពួកខ្លួន​បានរៀបចំ​ពួនស្ទាក់ វាយ​និង​កាប់​ទៅលើ​ជនរងគ្រោះ បណ្ដាល​ឲ្យ​របួសធ្ងន់ ហើយ​ជនរងគ្រោះ​បានរ​ត់ទៅ​ស្លាប់​នៅឯ​ផ្ទះ ហើយ​ក្រោយមក​នៅ​ថ្ងៃទី​៨ ពួកខ្លួន​ក៏​ត្រូវបាន​កងរាជអាវុធហត្ថ និង​នគរបាល​ខេត្ត​ធ្វើការ​ចាប់ខ្លួន​តែម្ដង​។​

​ក្រោយ​ពេលធ្វើ​ត្រាប់​អំពី​សកម្មភាព​ពួនស្ទាក់ និង​កាប់​លើ​ជនរងគ្រោះ​ហើយ​ជនសង្ស័យ​ទាំង ៣​នាក់ ត្រូវ​សមត្ថកិច្ច​ទាំង​២​អង្គភាព កសាង​សំណុំរឿង​បញ្ជូនទៅ​តុលាការ ដើម្បី​ចាត់ការ​តាមផ្លូវ​ច្បាប់​៕​

ទីតាំងផ្សាយពាណិជ្ជកម្ម

- Advertisment -



Most Popular