Home ព័ត៌មានជាតិ សង្គម គ្រឿង​សំភារៈ​...

គ្រឿង​សំភារៈ​បរិក្ខា​អាកុល ជែ​ល និង​ម៉ាស់ និង​រថយន្តមួយគ្រឿង​ដែលជា​អំណោយ​របស់​សភាពាណិជ្ជកម្ម​ខេត្តពោធិសាត់ ប្រគល់ជូន​ស្នងការ​នគ​បាល​ខេត្ត និង​រដ្ឋបាលខេត្ត​

ដោយ​: រិ​ទ្ធិ​សែន / ខេត្តពោធិ៍សាត់​: គ្រឿង​សំភារៈ​បរិក្ខា​អាកុល និង​ជែ​ល​២០០០​ដប និង​ម៉ាស់​២​ម៉ឺន និង​រថយន្ត​ISUSU​មួយគ្រឿង ដែលជា​អំណោយ​របស់​សភាពានិជ្ជកម្ម​ខេត្តពោធិសាត់ ប្រគល់ជូន​ស្នងការ​នគ​បាល​ខេត្ត និង​រដ្ឋបាលខេត្ត សម្រាប់​ការងារ​ឆ្លើយតប​បន្ទាន់ ដើម្បី​យកទៅ​ប្រើប្រាស់​ជា​ប្រយោជន៍ ក្នុង​ការងារ​ប្រចាំថ្ងៃ និង​ដើម្បី​ឆ្លើយតប​ទៅនឹង​តម្រូវការ​ចាំបាច់​របស់​រដ្ឋបាលខេត្ត ក្នុង​ការងារ​ប្រយុទ្ធ​ប្រឆាំងនឹង​ជំងឺ​កូ​វីដ​១៩​។​

​ពិធី​ប្រគល់​ទទួល​អំណោយ និង​សម្ភារ​បរិក្ខា​ទាំងអស់​ខាងលើនេះ ត្រូវបាន​ធ្វើឡើង​នៅ​ព្រឹក​ថ្ងៃទី​៩ ខែធ្នូ ឆ្នាំ​២០២០ នៅ​បរិវេណ​សាលាខេត្ត​ពោធិ៍សាត់ ដោយបាន​ការអញ្ជើញ​ចូលរួម​ពី​លោក ម៉ៅ ធនិន អភិបាល​នៃ​គណៈ​អភិបាលខេត្ត​ពោធិ៍សាត់ និង​ជា​ប្រធាន​គណៈកម្មាធិការ​ខេត្ត ប្រយុទ្ធប្រឆាំង​ជំងឺ​កូ​វីដ​១៩ លោក ម៉ៅ ធនិន និង ប្រធានសភា​ពាណិជ្ជកម្ម​ខេត្ត​លោក​ឧកញ៉ា ទុយ គា​, លោក លោកស្រី សមាជិក​ក្រុមប្រឹក្សា​ខេត្ត​, លោកស្រី​អភិបាលរង​ខេត្ត​, លោក​ស្នងការរង​ខេត្ត​, លោក​ប្រធានការិយាល័យ​ប្រជាពលរដ្ឋ និង​សមាជិក សមាជិកា សភាពាណិជ្ជកម្ម​ខេត្ត​បាន​ចូលរួម​ជាច្រើន​ផ្សេង​ដែរ​។​

​អភិបាល​នៃ​គ​ណះ​អភិបាលខេត្ត​ពោធិ៍សាត់​លោក ម៉ៅ ធនិន បាន​មានប្រសាសន៍​នៅក្នុង​ពិធី​ប្រគល់​ទទួល​រថយន្ត​១​គ្រឿង និង​សម្ភារ​បរិក្ខា​ប្រយុទ្ធប្រឆាំង​ជំងឺ​កូ​វីដ​នៅថ្ងៃនេះ​ថា ទាំងអស់នេះ​បាន​សបញ្ជាក់​បាន​ថា​ជា​សក្ខីកម្ម​ឆ្លុះបញ្ចាំង​ឱ្យឃើញ​ពី​ការយកចិត្តទុកដាក់ និង​ចែករំលែក​នូវ​ធនធាន​ផ្ទាល់ខ្លួន​របស់​សភាពាណិជ្ជកម្ម​ខេត្ត​គឺ​សំដៅ​បង្កលក្ខណៈ​ងាយស្រួល​សព្វគ្រប់​បែបយ៉ាង ដើម្បី​លើកកម្ពស់​ប្រសិទ្ធភាព​គុណភាព និង​កិច្ច​ប្រតិបត្តិ​ការរក្សាសន្តិសុខ សណ្តាប់ធ្នាប់​សាធារណៈ និង​សុវត្ថិភាព​សង្គម របស់​អធិការដ្ឋាន​នគរបាល​ក្រុង​ពោធិ៍សាត់ ព្រមទាំង​ឆ្លើយតប​ទៅនឹង​តម្រូវការ​ចាំបាច់​របស់​រដ្ឋបាលខេត្ត ក្នុង​ការងារ​ប្រយុទ្ធ​ប្រឆាំងនឹង​ជំងឺ​កូ​វីដ​១៩​ផងដែរ ។​

​ឆ្លៀត​ក្នុងឱកាស​នោះ​អភិបាល​នៃ​គ​ណះ​អភិបាល​ខេត្តពោធិសាត់ លោក ម៉ៅ ធនិន បាន​ផ្តាំផ្ញើ​ដល់​កងកម្លាំង​នគរបាល នៃ​អធិការដ្ឋាន​នគរបាល​ក្រុង​ពោធិ៍សាត់​ទាំងអស់ ត្រូវ​ចេះ​បង្ការ​ទប់ស្កាត់ និង​ធ្វើ​អនាម័យ​ជាប់​ជាប្រចាំ តាម​ការណែនាំ​របស់​ក្រសួងសុខាភិបាល ពី​វិធាន​ការការពារ​ជំងឺ​កូ​វីដ​១៩ កុំឱ្យ​ឆ្លង​ដល់​ជួរ​កងកម្លាំង ជាពិសេស​ត្រូវ​ប្រុងប្រយ័ត្ន​ខ្ពស់ ដោយ​ឧស្សាហ៍​លាងដៃ​នឹង​សាប៊ូ ឬ​អាលកុល​ឱ្យបាន​ញឹកញាប់​៕​

ទីតាំងផ្សាយពាណិជ្ជកម្ម

- Advertisment -



Most Popular