Home ព័ត៌មានអន្តរជាតិ អារ៉ាប់​រួម​អ...

អារ៉ាប់​រួម​អេ​មី​រ៉ា​ត​ចុះបញ្ជី​វ៉ាក់សាំង​កូ​វីដ​របស់​ចិន​ជា​ផ្លូវការ​និង​ថា​មាន​ប្រសិទ្ធភាព៨៦ ភាគរយ​

​ប្រែ​សម្រួល : កញ្ញា​ដា​លី​ស ៖ ប្រទេស​អារ៉ាប់​រួម​អេ​មី​រ៉ា​ត​នៅ​ថ្ងៃ​ពុធ​ទី​០៩​ធ្នូ​នេះ​បាន​ចុះបញ្ជី​ជា​ផ្លូវការ​នូវ​វ៉ាក់សាំង​ការពារ​វីរុស​កូរ៉ូណា​ផលិត​ដោយ​ក្រុមហ៊ុនឱស​ថចិន Sinopharm​ដោយ​និយាយថា​វា​មាន​​ប្រសិទ្ធភាព ៨៦ ភាគរយ​ផ្អែក​តាម​ការវិភាគ​នៃ​ការសាកល្បង​ព្យាបាល​ដំណាក់កាល​ទី​បី​។​

​ទីភ្នាក់ងារ​ព័ត៌មាន​រដ្ឋ WAM បាន​និយាយថា ក្រសួង​សុខាភិបាល​បាន​ប្រកាស​ពី​ការចុះបញ្ជី​ជា​ផ្លូវការ​នូវ​វ៉ាក់សាំង​នេះ តែ​មិន​បាន​បញ្ជាក់​ពី​របៀប​ដែល​វ៉ាក់សាំង​នឹងត្រូវ​ប្រើប្រាស់​យ៉ាង​ណា​នោះទេ​។​

​វ៉ាក់សាំង​នេះ​បាន​ឆ្លងកាត់​ការសាកល្បង​ដំណាក់កាល​ទី​បី​នៅក្នុង​ប្រទេស​អារ៉ាប់​រួម​ចាប់តាំងពី​ខែកក្កដា​ហើយ​វា​ត្រូវ​បាន​អនុម័ត​សម្រាប់​ការប្រើប្រាស់​ជាបន្ទាន់​សម្រាប់​បុគ្គលិក​សុខាភិបាល​កាលពី​ខែ​​កញ្ញា​។​

WAM និយាយថា “​ការប្រកាស​នេះ​គឺជា​ការបោះឆ្នោត​សម្តែង​ការជឿទុកចិត្ត​ពី​អាជ្ញាធរ​សុខាភិបាល​របស់​អារ៉ាប់​រួម​អេ​មី​រ៉ា​ត​ចំពោះ​សុវត្ថិភាព​និង​ប្រសិទ្ធភាព​នៃ​វ៉ាក់សាំង​នេះ​”​។​

​ទីភ្នាក់ងារ​នេះ​និយាយទៀតថា មន្ត្រី​សុខាភិបាល​របស់​អារ៉ាប់​រួម​បាន​ពិនិត្យ​ឡើងវិញ​នូវ​ការវិភាគ​បណ្តោះអាសន្ន​របស់​ក្រុមហ៊ុន Sinopharm លើ​ការសាកល្បង​ព្យាបាល​ដំណាក់កាល​ទី​បី​ដែល​បង្ហាញ​ថា​​វា​មាន​ប្រសិទ្ធភាព ៨៦ ភាគរយ​ប្រឆាំងនឹង​វីរុស​កូរ៉ូណា​។​

“​ការវិភាគ​ក៏​បាន​បង្ហាញ​ផងដែរ​ថា វ៉ាក់សាំង​នេះ​មាន​អត្រា ៩៩ ភាគរយ​នៃ​ការ​បន្សាប​អង្គ​បដិ​ប្រាណ​និង​ប្រសិទ្ធភាព ១០០ ភាគរយ​ក្នុង​ការការពារ​ប្រឆាំង​នឹង​ករណី​ឈឺ​មធ្យម​និង​ធ្ងន់ធ្ងរ​។​លើសពីនេះ​​ទៀត ការវិភាគ​បង្ហាញថា​មិន​មាន​ការព្រួយបារម្ភ​អំពី​សុវត្ថិភាព​ធ្ងន់ធ្ងរ​នោះទេ​”​។​

​បច្ចុប្បន្ន វ៉ាក់សាំង​ចំនួន​ពីរ​បាន​ឆ្លងកាត់​ការសាកល្បង​ដំណាក់កាល​ទី​បី​នៅក្នុង​ប្រទេស​អារ៉ាប់​រួម​អេ​មី​រ៉ា​ត គឺ​វ៉ាក់សាំង​របស់​ក្រុមហ៊ុន Sinopharm និង​វ៉ាក់សាំង Sputnik-V របស់​រុស្ស៊ី​៕

​មេដឹកនាំ​ក្រុង​ឌូ​បៃ សេក ម៉ូ​ហា​ម៉េត ប៊ីន រ៉ា​ស៊ីដ អាល់​ម៉ាក​ទុម ទទួល​វ៉ាក់សាំង​កូវី​ដ​ពិសោធន៍​កាលពី​ខែវិច្ឆិកា

ទីតាំងផ្សាយពាណិជ្ជកម្ម

- Advertisment -

Most Popular