Home ព័ត៌មានជាតិ សុខាភិបាល ខេត្តកណ្តាល ប...

ខេត្តកណ្តាល បិទបួន​ទីតាំង ជា​បណ្តោះអាសន្ន ក្រោយ​រកឃើញ​មានអ្នក​ប៉ះពាល់​ជាមួយ អ្នក​កើត​ជំងឺ​កូ​វីដ ១៩ ចំនួន​ជិត៧០នាក់

ដោយៈ ស​រិ​ទ្ធ​/​កណ្តាលៈ អភិបាលខេត្ត​កណ្តាល បានបញ្ជាក់​ថាៈ គិត​ត្រឹម​វេលា​ម៉ោង ៣ រសៀល ថ្ងៃទី​៩ ខែធ្នូ ឆ្នាំ​២០២០ នេះ អាជ្ញាធរ បាន​រកឃើញ អ្នក​ប៉ះពាល់​ផ្ទាល់ និង​ប្រយោល ជាមួយ​អ្នក​កើត​ជំងឺ​កូ​វីដ ១៩ ជិត ៧០ នាក់ ដែល​ត្រូវបាន​យកមក ធ្វើ​ច​ត្តា​ឡី​ស័ក​នៅ​មណ្ឌល ច​ត្តា​ឡី​ស័ក ចំនួន ៣ ទីតាំង គឺ​មណ្ឌល​ច​ត្តា​ឡី​ស័ក ក្រុង​តាខ្មៅ មណ្ឌល​ច​ត្តា ឡី​ស័ក ស្រុក​កណ្តាលស្ទឹង និង​មណ្ឌល​ច​ត្តា​ឡី​ស័ក ពេទ្យ​ជ័យជំនះ​។​

​លោក គង់ សោ​ភ័​ណ្ឌ អភិបាលខេត្ត​កណ្តាល បាន​អះអាងថាៈ ក្រោយ​រកឃើញ​មនុស្ស ២ នាក់ មកពី​ក្រុង​តាខ្មៅ ខេត្តកណ្តាល មាន​វិជ្ជមាន​កូ​វីដ ១៩ អាជ្ញាធរ​បានសម្រេច​បិទ ការលក់ដូរ​ជា​បណ្តោះអាសន្ន សម្រាប់​អាជីវករ ដែល​លក់ដូរ តាម​សួនច្បារ​នៅ​បណ្តោយ ទន្លេបាសាក់ និង​តាម​បណ្តោយ ស្ទឹង​ព្រែក​ត្នោត ដែល​នាំ​ឲ្យ​មាន​ទីតាំង យ៉ាងហោចណាស់ ៤ ទីតាំង​ផ្សេងគ្នា ក្នុង​ខេត្តកណ្តាល ត្រូវបាន​ផ្អាក​ដំណើរការ លក់ដូរ​ជា​បណ្តោះអាសន្ន ក្រោយ​រកឃើញ អ្នក​កើត​កូ​វីដ ១៩ បាន​ទៅដល់​ទៅ​ទីនោះ ។​

​លោក គង់ សោ​ភ័​ណ្ឌ បាន​បន្តថាៈ ដំបូង អាជ្ញាធរ បាន​ផ្អាក​ដំណើរការ ទីតាំង​ចំនួន​ពីរ គឺ​ផ្សា​របឹង​ខ្យា​ង និង វត្ត​វិហារ​ត្រាញ់ ដោយសារតែ​ទីតាំង ទាំងពីរ​នេះ ស្ថិតនៅ​ទីតាំង ស្រុក​កណ្តាលស្ទឹង ជា​កន្លែង​ដែល​អ្នកស្រី អៀម ធីតា រស់នៅ​ក្រុងភ្នំពេញ មាន​អ្នកជំងឺ​កូ​វីដ ១៩ ធ្លាប់បាន​មកលេង​បងប្អូន និង​ដើរ​ផ្សារ ។​

​បន្ទាប់មក នៅ​ព្រឹក​ថ្ងៃទី​៩ ខែធ្នូ​នេះ ក្រសួងសុខាភិបាល បានប្រកាស​រកឃើញ​ក​រ​ណី​វិជ្ជមាន កូ​វីដ ១៩ នៃ​ព្រឹត្តិការ​សហគមន៍ ២៨ វិច្ឆិកា ចំនួន ៤ នាក់ ដែល​ក្នុងនោះ​អ្នកជំងឺ ២ នាក់ គឺ ឈ្មោះ ឡុង សុខ​នី ភេទ​ស្រី អាយុ ៣៣ ឆ្នាំ រស់នៅ​សង្កាត់​ព្រែក​ឫ​ស្ស៊ី ក្រុង​តាខ្មៅ​និង​បុរស ឈ្មោះ សន សាញ់​បញ្ញា​រិ​ទ្ធ អាយុ ២០ ឆ្នាំ នៅ​សង្កាត់​តាខ្មៅ ក្រុង​តាខ្មៅ ដែល​អ្នក​ទាំងពីរ ជា​បុគ្គលិក​ហាង Pedro (​ផ្លូវ​ព្រះសីហនុ​) ។ ដូច្នេះ​ដើម្បី​សុវត្ថិភាព ក៏ដូចជា ដើម្បី​ធានាថា បងប្អូន​ប្រជាពលរដ្ឋ ទាំងអស់ មិនមាន​ឆ្លង​ជំងឺ​កូ​វីដ​-១៩ ទើប​អាជ្ញាធរ​សម្រេច​ផ្អាក​ដំណើរការ លក់ដូរ​តាម​សួនច្បារ ទន្លេបាសាក់ និង​អាជីវករ​តូចៗ លក់ដូរ​តាម​បណ្តោយ ស្ទឹង​ព្រែក​ត្នោត ជា​បណ្តោះអាសន្ន ៕​PC

ទីតាំងផ្សាយពាណិជ្ជកម្ម

- Advertisment -

Most Popular