Home ព័ត៌មានជាតិ សន្តិសុខ ​បុរស​ជា​កម្ម...

​បុរស​ជា​កម្មករ​អូស​រទេះ​ម្នាក់ ដេកស្លាប់ នៅក្នុង​ផ្សារ​ឃ្លាំង​រំសេវ​

ដោយៈ ស​រិ​ទ្ធ / ភ្នំពេញៈ បុរស​ជា​កម្មករ​អូស​រទេះ នៅ​ផ្សារ​នាគ​មាស​ម្នាក់ ត្រូវបាន​គេ​ប្រទះឃើញ ដេកស្លាប់ នៅក្នុង​ផ្សារ​ឃ្លាំង​រំសេវ កាលពី​ម៉ោង​ប្រមាណ ២ និង​៤០​នាទី រសៀល ថ្ងៃទី​៩ ខែធ្នូ​នេះ នៅ​សង្កាត់​ផ្សារ​ដើម​គរ ខណ្ឌទួលគោក រាជធានី​ភ្នំពេញ ។​

​បុរស​រូបនេះ ត្រូវបាន​កម្មករ​ដូចគ្នា អោយដឹងថា ឈ្មោះ​ហៅ​ក្រៅ តា​ខ្លា អាយុ​៥៧​ឆ្នាំ មាន​ទីលំនៅ​ខេត្តក្រចេះ ។​

​តាម​ព័ត៌មាន ឱ្យដឹងថា នៅ​រសៀល​នោះ គេ​ឃើញ​បុរស​រូបនេះ បាន​ទៅ​ដេក​នៅមុខ​តូប​ខាងលើ ហើយ​ត្រូវបាន​គេ​ប្រទះឃើញ ស្លាប់​តែម្ដង ។ ទោះបីជា​យ៉ាងណា គេ​ពុំ​ដឹងថា បុរស​រូបនោះ ស្លាប់​ដោយសារ​អ្វី​ឡើយ ។​

​ក្រុមកម្មករ បាន​ឲ្យ​ដឹងថា កាលពី​យប់​ថ្ងៃទី​៨ ខែធ្នូ បន្ទាប់ពី​ធ្វើការ​អស់កម្លាំង បុរស​រូបនោះ រួមជាមួយ​កម្មករ​ដូចគ្នា ចំនួន ៤ នាក់​ទៀត បាននាំគ្នា​អង្គុយ​ផឹក នៅតាម​ផ្លូវ​លេខ ២៣០ ខាងត្បូង​ផ្សារ​ឃ្លាំង​រំសេវ លុះ​យប់​ជ្រៅ ក៏បាន​ទៅ​សម្រាក នៅក្នុង​ផ្សារ​ឃ្លាំង​រំសេវ និង​ឃើញ​ដេកស្លាប់​តែម្ដង ។
​បន្ទាប់ពី​ភ្ញាក់ផ្អើល នគរបាល បាន​ចុះទៅពិនិត្យ​សព ហើយ​បញ្ជាក់ថា បុរស​រូបនោះ ដេកស្លាប់ ដោយសារ​គាំងបេះដូង ៕/V

ទីតាំងផ្សាយពាណិជ្ជកម្ម

- Advertisment -

Most Popular