Home ព័ត៌មានអន្តរជាតិ ប្រមុខ​អង្គកា...

ប្រមុខ​អង្គការសិទ្ធិមនុស្ស​របស់អ​.​ស​.​ប​រំពឹង​សហរដ្ឋ​អាម៉េរិក​នឹង​ល្អ​ប្រសើរ​ក្រោម​ការដឹកនាំ​របស់​លោកបៃ​ដិន​

​ប្រែ​សម្រួល : កញ្ញា​ដា​លី​ស​/​ហ្សឺ​ណែវ ៖ ប្រមុខ​អង្គការសិទ្ធិមនុស្ស​របស់​អង្គការ​សហប្រជាជាតិ​និយាយថា លោកស្រី​រំពឹង​ថា​រដ្ឋបាល​របស់​ប្រធានាធិបតី​អាម៉េរិក​ជាប់ឆ្នោត​លោកចូ បៃ​ដិន “​នឹង​ប្រសើរ​ជាង​មុន​” នៅពេល​និយាយ​ដល់​សិទ្ធិ​មនុស្ស និង​បាន​ព្រមាន​អំពី​ការរួម​តូច​នៃ​ទំហំ​ប្រជាធិបតេយ្យ​នៅ​ហុងកុង ដោយ​និយាយថា ការិយាល័យ​របស់​លោក​ស្រី​នឹង​ឃ្លាំមើល​ស្ថានភាព​សិទ្ធិមនុស្ស​នៅ​ទីនោះ​។​

​លោកស្រី មី​សែ​ល បា​ឆេ​ឡេត បាន​និយាយ​ទៅកាន់​អ្នកសារព័ត៌មាន​ក្នុង​ក្រុង​ហ្សឺ​ណែវ​ក្នុង​សន្និសីទ​សារព័ត៌មាន​សង្ខេប​ឆ្នាំនេះ​និង​សម្លឹង​មើលទៅ​ឆ្នាំ ២០២១​។ ​លោកស្រី​បាន​លើកឡើង​អំពី​ការព្រួយបារម្ភ​ពី​វិសមភាព ដែល​កើតចេញ​ពី​ជំងឺ​រាតត្បាត​កូវី​ដ​១៩​និង​ការរើសអើង​ជាតិ​សាសន៍​ជា​ប្រព័ន្ធ​ដូចដែល​បាន​បង្ហាញ​ដោយ​ចលនា Black Lives Matter ។​

​លោកស្រី​បា​ឆេ​ឡេត​បាន​សាទរ​ចំពោះ “​ការសន្យា​ជា​បន្តបន្ទាប់​” ដោយ​លោកបៃ​ដិន​ស្តីពី​បញ្ហា​ដូច​ជា​ការបង្កើន​ចំនួន​ជនភៀសខ្លួន​ដែល​មក​តាំង​ទីលំនៅ​ថ្មី​នៅ​សហរដ្ឋ​អាម៉េរិក ការបញ្ឈប់​ការសាងសង់​​ជញ្ជាំង​នៅតាម​ព្រំដែន​សហរដ្ឋ​អាម៉េរិក​-​ម៉ិក​ស៊ិក និង “​ការផ្លាស់ប្តូរ​ប្រព័ន្ធ​សិទ្ធិ​ជ្រកកោន​”​។

​លោកស្រី​បាន​និយាយថា លោកស្រី​សង្ឃឹម​ថា​សហរដ្ឋ​អាម៉េរិក​នឹង​វិលត្រឡប់​ទៅ​ក្រុមប្រឹក្សា​សិទ្ធិមនុស្ស​ដែល​គាំទ្រ​ដោយ​អ​.​ស​.​ប ដែល​រដ្ឋបាល​ត្រាំ​បាន​ដកខ្លួន​ចេញ​នៅ​ពេល​មាន​ការចោទប្រកាន់​ពី​​ភាពលំអៀង​ប្រឆាំង​អ៊ីស្រាអែល និង ការទទួលស្គាល់​ហួសប្រមាណ​នូវ​រដ្ឋាភិបាល​ដែល​មាន​កំណត់ត្រា​សិទ្ធិមនុស្ស​គួរឱ្យ​ស្អប់ខ្ពើម​។​

​លោកស្រី​បា​ឆេ​ឡេត​និយាយថា “​សម្រាប់​សិទ្ធិមនុស្ស ខ្ញុំ​គិតថា វា (​រដ្ឋបាល​របស់​បៃ​ដិន​) នឹង​កាន់តែ​ល្អប្រសើរ​ខ្លាំង​ជាង​មុន​” ដោយ​កត់សម្គាល់ថា លោកស្រី​ស្គាល់​លោកបៃ​ដិន​ច្បាស់​តាំងពី​ពេល​គាត់​នៅ​​ជា​អនុ​ប្រធានាធិបតី​អាម៉េរិក ៕

​លោកស្រី មី​សែ​ល បា​ឆេ​ឡេត ប្រមុខ​អង្គការសិទ្ធិមនុស្ស​របស់​អង្គការ​សហប្រជាជាតិ​

ទីតាំងផ្សាយពាណិជ្ជកម្ម

- Advertisment -

Most Popular