Home ព័ត៌មានជាតិ សន្តិសុខ ​បញ្ជូន​បុរស​...

​បញ្ជូន​បុរស​ជនជាតិ​ចិន បីនាក់ ដែល​កាន់កាប់​អាវុធ ខុសច្បាប់ មក​តុលាការ​

ដោយៈ ស​រិ​ទ្ធ / ភ្នំពេញៈ បុរស​ជនជាតិ​ចិន បីនាក់ ដែល​ជាប់​ពាក់ព័ន្ធ ករណី​កាន់កាប់​អាវុធ ខុសច្បាប់ បាន​ត្រូវ​សមត្ថកិច្ច​នគរបាល ខណ្ឌ​សែន​សុខ បញ្ជូនមក​តុលាការ នៅ​ព្រឹក​ថ្ងៃទី​១០ ខែធ្នូ ឆ្នាំ ២០២០​នេះ ដើម្បី​ចាត់ការ​បន្ដ តាម​នីតិវិធី ។​

​បុរស​ជនជាតិ​ចិន ៣ នាក់​នេះ គឺជា​អ្នកទេសចរ រួមមាន​: ទី​១-​ឈ្មោះ វ័ង ចុង​អ៊ី អាយុ​៣៣​ឆ្នាំ , ទី​២-​ឈ្មោះ ស៊ូ ភីង អាយុ​៣១​ឆ្នាំ ពីរ​នាក់​នេះ ស្នាក់នៅ​សណ្ឋាគារ ប៉ាវ​ហ្វុ​ង ផ្លូវ​សហព័ន្ធរុស្ស៊ី សង្កាត់​កា​កាប​១ ខណ្ឌ​ពោធិ៍​សែន​ជ័យ និង​ទី​៣-​ឈ្មោះ ជី​ង អ៊ី អាយុ​៣២​ឆ្នាំ ស្នាក់នៅ​ផ្ទះជួល​ផ្លូវ​១០១៩ ភូមិ​ទំនប់ សង្កាត់​ភ្នំពេញ​ថ្មី ខណ្ឌ​សែន​សុខ ។​

​គួររំលឹកថា នគរបាល​ប៉ុស្ដិ៍​ភ្នំពេញ​ថ្មី កាលពី​វេលា​ម៉ោង ១២​និង ១០​នាទី រំលងអធ្រាត្រ ឈានចូល​ថ្ងៃទី​៨ ខែធ្នូ បាន​ឃាត់ខ្លួន​ជនសង្ស័យ ជា​ជន​ជាតិចិន ៣ នាក់ ករណី​កាន់កាប់​អាវុធ ដោយ​គ្មាន​ការអនុញ្ញាត នៅមុខ​ផ្សារ​ថៃ​ហួត ផ្លូវ​១០០៣ ភូមិ​ភ្នំពេញ​ថ្មី សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ​។​

​សមត្ថកិច្ច បាន​ដកហូត​វត្ថុតាង រួមមាន រថយន្ត​១​គ្រឿង​ម៉ាក ឡុ​ច​ស៊ី​ស ៥៧០ ( Lexus 570 ) ពណ៌​ខ្មៅ ពាក់​ស្លាក​លេខ ភ្នំពេញ 2Q-6666 និង​អាវុធខ្លី ១​ដើម ម៉ា​កឡុក ១៧ ពណ៌​ខ្មៅ លេខ 0406 (​បង់​១ និង​គ្រាប់​ចំនួន ៨​គ្រាប់​)៕/V

បញ្ជូន​បុរស​ជនជាតិ​ចិន បីនាក់ ដែល​កាន់កាប់​អាវុធ ខុសច្បាប់ មក​តុលាការ​

ទីតាំងផ្សាយពាណិជ្ជកម្ម

- Advertisment -



Most Popular