Home ព័ត៌មានអន្តរជាតិ ផ្តាសាយ​បក្សី...

ផ្តាសាយ​បក្សី​នៅ​ជប៉ុន​កាន់តែ​រាលដាល នាំ​អោយ​រដ្ឋាភិបាល​បញ្ជា​អោយ​បាញ់ថ្នាំ​នៅ​កសិដ្ឋាន​ចិញ្ចឹម​បក្សី​ទាំងអស់

​ប្រែ​សម្រួលៈ​វាសនា​/​តូ​ក្យូ​៖​ការ​ផ្ទះ​ជំងឺ​ផ្តាសាយ​បក្សី​នៅ​ប្រទេស​ជប៉ុន​កាន់តែ​អាក្រក់​ទៅ​ដោយ​តំបន់​២​ទៀត​បាន​រាយការណ៍​កា​រ​ស្លាប់​សត្វ​មាន់​និង​នាំអោយ​មាន​ការបិទ​តំបន់​នោះ​កាលពី​ថ្ងៃ​ព្រហស្បតិ៍​ទី​
១០​ធ្នូ ក្រោយ​ពី​រដ្ឋាភិបាល​ចេញ​បញ្ជា​អោយ​បាញ់ថ្នាំ​សម្លាប់​មេរោគ​នៅ​គ្រប់​កសិដ្ឋាន​ចិញ្ចឹម​មាន់​ទាំងអស់​នៅក្នុង​ប្រទេស​។​

​ផ្តាសាយ​បក្សី ដែល​ទំនងជា​នាំ​មក​ដោយ​ពួក​បក្សី​ផ្លាស់​ទី​តាម​រដូវ​មកពី​អាស៊ី​និង​អឺរ៉ុប ឥឡូវ​បាន​ឆ្លង​រាលដាល​ដល់​៨​តំបន់​(​ខេត្ត​)​ក្នុងចំណោម​៤៧​តំបន់​របស់​ជប៉ុន​។​

​នៅពេល​អ្នកវិទ្យាសាស្ត្រ​និយាយថា វីរុស​ផ្តាសាយ​បក្សី​មិនអាច​ចម្លង​មក​មនុស្ស​តាមរយៈ​ស៊ុត​និង​សាច់​បក្សី គេ​នៅតែ​មាន​ការបារម្ភ​ខ្លាច​ក្រែង​វា​ធ្វើ​ការបំលែង​រូប​និង​ឆ្លង​មក​មនុស្ស​បង្ក​ជា​ជំងឺឆ្លង​មួយ​​ដូច​កូវី​ដ​១៩ ដែល​កំពុង​វាយប្រហារ​ពិភពលោក​សព្វថ្ងៃ​។​

​ការផ្ទុះ​ជំងឺផ្តាសាយបក្សី​នេះ បាន​ចាប់ផ្តើម​កាលពី​ខែ​មុន​និង​កាលពី​ថ្ងៃ​ពុធ​រដ្ឋាភិបាល​បាន​អំពាវនាវ​អោយ​មាន​ការ​បាញ់ថ្នាំ​សម្លាប់​មេរោគ​នៅ​កសិដ្ឋាន​ចិញ្ចឹម​បក្សី​ទាំងអស់​នៅ​ទូទាំង​ប្រទេស​ដើម្បី​​ទប់ស្កាត់​ការរីក​រាលដាល​វីរុស​នេះ​។​

​មាន់​ទា​ជាង​២​លាន​ក្បាល​ត្រូវបាន​សម្លាប់​ចោល​ចាប់តាំងពី​ការផ្ទុះ​ជំងឺ​នេះ​មក ក្រោយ​ពី​មាន់​ជាង​១៣០.០០០​ក្បាល​ទៀត​ត្រូវបាន​សម្លាប់​ចោល​នៅ​តំបន់​អូ​អ៊ី​តា និង វ៉ា​កា​យ៉ាម៉ា​៕

​មន្ត្រី​ជប៉ុន​ក្នុង​សម្លៀកបំពាក់​ការពារ​មេរោគ ចុះ​ទៅ​កសិដ្ឋាន​ចិញ្ចឹម​មាន់​មួយ​នៅ​តំបន់​មី​តូ​យ៉ូ​

ទីតាំងផ្សាយពាណិជ្ជកម្ម

- Advertisment -

Most Popular