Home ព័ត៌មានជាតិ សង្គម ​បើក​កិច្ចប្រ...

​បើក​កិច្ចប្រជុំ​បូកសរុប​លទ្ធផល ការអនុវត្ត​គម្រោង «​និរន្តរភាព​តំបន់​ទេសភាព និង​ទេសចរណ៍ធម្មជាតិ​កម្ពុ​ជា​» លើក​ទី​៤​ ​

​ដោយៈ ដេប៉ូ / ភ្នំពេញៈ ក្រសួងបរិស្ថាន ដែល​ក្នុងនេះ​មាន​លោក សៅ សុភាព រដ្ឋលេខាធិការ ក្រសួងបរិស្ថាន និង​ជា​ប្រធាន​អង្គភាព អនុវត្ត​គម្រោង «​និរន្តរភាព​តំបន់​ទេសភាព និង​ទេសចរណ៍ ធម្មជាតិ​កម្ពុជា​» បាន​ដឹកនាំ​កិច្ចប្រជុំ តាម​អន​ឡាញ ដើម្បី​បូកសរុប​លទ្ធផល បេសកកម្ម​គាំទ្រ ការអនុវត្ត​គម្រោង​លើក​ទី​៤ កាលពី​ថ្ងៃទី​៩ ធ្នូ កន្លងមកនេះ ។​

​លោក សៅ សុភាព បានឱ្យដឹងថាៈ កិច្ច​ប្រជុំបាន​ផ្តោតលើ​ការវាយតម្លៃ លទ្ធផល​នៃ​បេសកកម្ម លើក​ទី​៤ ដែល​បាន​អនុវត្ត ចាប់ពី​ថ្ងៃទី ២-៩ ខែធ្នូ ឆ្នាំ​២០២០ និង​ពិនិត្យ​លើ​វឌ្ឍនភាព នៃ​ការអនុវត្ត​គម្រោង មកទល់​បច្ចុប្បន្ន ក្នុងនោះ​មាន ការរៀបចំ​ផែនការ​គ្រប់គ្រង តំបន់ការពារធម្មជាតិ គោលដៅ​ទាំង ៧ ប្រព័ន្ធ​ព័ត៌មាន​គាំទ្រ ដល់​ការធ្វើ​សេចក្តីសម្រេចចិត្ត ការជំរុញ​ឱកាស ដើម្បី​អភិវឌ្ឍន៍​ទេសចរណ៍ធម្មជាតិ និង​ខ្សែ​ច្រ​វ៉ា​ក់​តម្លៃ​អនុផល​ព្រៃឈើ ការស្តារ​ផ្លូវលំ នៅ​ជនបទ ដើម្បី​ត​ភ្ជាប់​ទេសចរណ៍ធម្មជាតិ ទឹកស្អាត និង​អនាម័យ ការគ្រប់គ្រង​អនុវត្ត​គម្រោង សុវត្ថិភាព​បរិស្ថាន និង​សង្គម ការត្រួតពិនិត្យ និង​វាយតម្លៃ និង​ប្រព័ន្ធគ្រប់គ្រង​ហិរញ្ញវត្ថុ របស់​គម្រោង​។​

​លោក​បាន​មានប្រសាសន៍ថាៈ តាមរយៈ​បេសកកម្ម​នេះ ក្រុមការងារ​ធនាគារ​ពិភពលោក បាន​វាយតម្លៃ​ខ្ពស់ ចំពោះ​លទ្ធផល​ល្អប្រសើ និង​វឌ្ឍនភាព គួរឱ្យកត់សម្គាល់ នៃ​ការអនុវត្ត​គម្រោង មកទល់​បច្ចុប្បន្ន ទោះបី​កម្ពុជា កំពុង​ប្រឈម ក្នុងស្ថានភាព​ជំងឺ​កូ​វីដ​-១៩ និង​ផលប៉ះពាល់ ដោយ​ទឹកជំនន់​ក្តី​។​

​គួរ​បញ្ជាក់ថា ក្នុង​ពិធី​នេះ ធនាគារពិភពលោក ក៏បានផ្តល់​អនុសាសន៍ មួយចំនួន​ផងដែរ ដើម្បី​ព​ន្លឿ​ន​ការអនុវត្ត​គម្រោង និង​ជំហាន​បន្ទាប់ ដែល​ក្នុងនោះ​រួមមាន ការពង្រឹង​នូវ​ការគិតគូរ ដល់​សុវត្ថិភាព​បរិស្ថាន និង​សង្គម ការ​ព​ន្លឿ​ន​សកម្មភាព​ខ្សែ​ច្រ​វ៉ា​ក់ អនុផល​ព្រៃឈើ ,​ការគ្រប់គ្រង និង​ព​ន្លឿ​ន ការអនុវត្ត​គម្រោង​៕/V​ ​


ទីតាំងផ្សាយពាណិជ្ជកម្ម

- Advertisment -

Most Popular