Home ព័ត៌មានជាតិ សង្គម ស​.​ស​.​ក​.​ច...

ស​.​ស​.​ក​.​ច សហការ​ជាមួយ​មន្ទីរ​ព័ត៌មាន​ខេត្ត​កាន​ស៊ី ប្រារព្ធ​កម្មវិធី​ពិព័រណ៍​រូបថត

​ដោយ​: ស​រិ​ទ្ធ / ភ្នំពេញ​: សមាគម​អ្នកសារព័ត៌មាន​កម្ពុជា​-​ចិន (​ស​.​ស​.​ក​.​ច – CCJA ) បាន​សហការ​ជាមួយ​មន្ទីរ​ព័ត៌មាន​ខេត្ត​កាន​ស៊ី នៃ​ប្រទេស​ចិន នឹង​ប្រារព្ធ​កម្មវិធី​ពិព័រណ៍​រូបថត ដែលមាន​ប្រធានបទ «​ការអញ្ជើញ​តាម​វិថី​សូត្រ​» ដែលជា​ការផ្លាស់ប្តូរ​វប្បធម៌​ប្រជាប្រិយ​ជនជាតិ​កាន​ស៊ី នៃ​ប្រទេស​ចិន ក្នុងប្រទេស​កម្ពុជា​។​

​ក្នុង​កម្មវិធី​នេះ មាន​លោកស្រី​បណ្ឌិតសភា​ចា​រ្យ ភឿង ស​កុ​ណា រដ្ឋមន្ត្រីក្រសួង​វប្បធម៌ និង​វិចិត្រសិល្បៈ នឹង​អញ្ជើញ​ជា​អធិបតី​ដ៏​ខ្ពង់ខ្ពស់​តំណាង​ប្រទេស​កម្ពុជា លោក Wang Wen Tian ឯកអគ្គរដ្ឋទូត​ចិន ប្រចាំ​កម្ពុជា នឹង​អញ្ជើញ​ជា​អធិបតី​តំណាង​សាធារណរដ្ឋ​ប្រជាមានិត​ចិន ដើម្បី​ថ្លែង​សុន្ទរកថា​បើក​ជា​និមិត្តរូប​។​

​ដោយសារ​បញ្ហា​ជំងឺ​កូ​វីដ​១៩ ដែល​កំពុង​រាតត្បាត​ជាស​កល កម្មវិធី​ពិព័រណ៍​រូបថត​លើក​នេះ នឹងធ្វើ​ឡើង​តាម Online ព្រម​គ្នា​ជាមួយ​ប្រទេស​ចិន​។​

​កម្មវិធី​នេះ នឹង​ប្រព្រឹត្តទៅ​ពីថ្ងៃ​ទី​១៨ ដល់ ២៤ ខែធ្នូ ឆ្នាំ​២០២០​។ ដោយ​ចាប់ផ្តើម​នៅ​ថ្ងៃទី​១៨ ខែធ្នូ ឆ្នាំ​២០២០ វេលា​ម៉ោង ១០​ព្រឹក ជា​កម្មវិធី​បើក​ពិព័រណ៍​ផ្លូវការ​នៅ​អគារ​សមាគម​សម្ព័ន្ធ​ខ្មែរ​ចិន នៅ​កម្ពុជា ជាន់​ផ្ទាល់​ដី​ស្ថិតក្នុង​បុរី​រុងរឿង សង្កាត់​ព្រែកលៀប ខណ្ឌ​ជ្រោយចង្វា រាជធានី​ភ្នំពេញ មានការ​ចូលរួម​ពី​សាធារណៈជន និង​អ្នកសារព័ត៌មាន​ជាតិ​-​អន្តរជាតិ ទស្សនា​និង​យក​ព័ត៌មាន​។​

​ការតាំងពិព័រណ៍​រូបថត​លើក​នេះ នឹង​បង្ហាញ​រូបភាព​ចំនួន ៨០​ផ្ទាំង និង​ផ្ទាំងគំនូរ​ផាំង​ខា ដែលជា​ផ្ទាំងគំនូរ​បត់ Original Paint មួយចំនួន​ផងដែរ​។ ពិព័រណ៍​រូបថត​នេះ មាន​គោលបំណង​ពីរ​ផ្នែក​៖ ផ្នែក​ទី​១ គឺ​ដើម្បី​ឆ្លុះបញ្ចាំង​ពី​បរិស្ថាន ធម្មជាតិ និង​វប្បធម៌ ទំនៀមទម្លាប់ របស់​ជនជាតិ​កាន​ស៊ី នៃ​ប្រទេស​ចិន និង​ផ្នែក​ទី​២ បង្ហាញ​ពី​ប្រសិទ្ធភាព​នៃ​ការកាត់បន្ថយ​ភាពក្រីក្រ​ក្នុង​តំបន់​ស្វយ័ត​កាន​ណាន ជាទី​វប្បធម៌​ដ៏​ចំណាស់​របស់​ជនជាតិភាគតិច​ទី​បេ និង​របៀប​នៃ​ការផ្លាស់ប្តូរ​អន្តរ​កម្ម​រវាង​ជនជាតិភាគតិច​នីមួយៗ នៅក្នុង​ខេត្ត​កាន​ស៊ី ដែលជា​ខេត្ត​មួយ​ដ៏​សំខាន់​នៃ​វិថី​សូត្រ​ក្នុងប្រទេស​ចិន​៕


ទីតាំងផ្សាយពាណិជ្ជកម្ម

- Advertisment -

Most Popular