៧១ នាក់ ត្រូវបាន​យក​សំណាក ធ្វើតេស្ដរ​កកូ​វីដ​-១៩ ក្រោយ​បិទ​សណ្ឋាគារ ចម្ប៉ា​ពេជ្រ​

​ដោយៈ កាំ​ពី / ក្រចេះ​ : នៅ​ព្រឹក​ថ្ងៃទី​១០ ខែធ្នូ ឆ្នាំ​២០២០​នេះ ក្រុមគ្រូពេទ្យ នៃ​មន្ទីរ​សុខាភិបាល ខេត្តក្រចេះ និង​អាជ្ញាធរ​ស្រុក​ស្នួល បាន​ចុះ​ស្រង់​ស្ថិតិ ចំនួន​បុគ្គលិក នៅ​សណ្ឋាគារ និង​ភោជនីយដ្ឋាន ចម្ប៉ា ពេជ្រ សរុប​មាន​ចំនួន ៧១​នាក់ និង​បាន​យក​សំណាក ទៅធ្វើ​តេស្ត​លើក​ទី​១ រួចហើយ ក្រោយពី​អាជ្ញាធរ ខេត្ត បានសម្រេច​បិទ​សណ្ឋាគារ និង​ភោជនីយដ្ឋាន​មួយកន្លែង​នេះ​។ សណ្ឋាគារ និង​ភោជនីយដ្ឋាន យីហោ «​ចម្ប៉ា​ពេជ្រ​» ស្ថិតនៅ​ឃុំ​ស្នួល ស្រុក​ស្នួល​។​

​តាម​ការបញ្ជាក់​ពី លោក ឈុន មករា អនុប្រធាន​ផ្នែក​បង្ការ និង​គ្រប់​គ្រង់​ជំងឺ នៃ​មន្ទីរ​សុខាភិបាល ខេត្តក្រចេះ បានអោយដឹងថា សម្រាប់​ក្រុមគ្រួសារ និង​បុគ្គលិក​សណ្ឋាគារ មួយ​នេះ សរុប​មាន​ចំនួន ៧១ នាក់ ហើយ​ថ្ងៃនេះ ក្រុមការងារ បាន​យក​សំណាក ទៅធ្វើ​តេស្ត លើក​ទី​១ ហើយ​លទ្ធផល នឹង​ទទួលបាន នៅ​ថ្ងៃស្អែក​។​

​ដោយឡែក សម្រាប់​ម្ចាស់ និង​បុគ្គលិក​ទាំង ៧១​នាក់ គឺ​ក្រុមការងារ តម្រូវ​ឲ្យ​ធ្វើ​ច​ក្តា​ឡី​ស័​ក្ត ឬ​ស្នាក់នៅ​ខាងក្នុង សណ្ឋាគារ​នេះ ក្នុង​រយៈពេល ១៤ ថ្ងៃ​។ តាម​គោលការណ៍​របស់ ប្រធាន​មណ្ឌល​ច​ក្តា​ឡី​ស័​ក្ត គឺ​តម្រូវឱ្យ​អ្នក​ទាំង ៧១ នាក់ ស្នាក់​នៅក្នុង​សណ្ឋាគារ ទាំងអស់គ្នា ប៉ុន្តែ​ត្រូវ​រក្សា​គម្លាត​សុវត្ថិភាព​ពីគ្នា យ៉ាងតិច ២ ម៉ែត្រ មិនត្រូវ​រស់នៅ​ប្រមូល​ផ្តុំគ្នា​ឡើយ​។ សម្រាប់​ការទំនាក់ទំនង​ជាមួយ សាច់ញាតិ បងប្អូន មិត្តភក្តិ ឬ​ទិញ​ម្ហូបអាហារ ត្រូវ​ទាក់ទង​គ្នា តាមរយៈ​ទូរស័ព្ទ ជាមួយគ្នា នៅ​ខាងក្រៅ មិនអាច​ទាក់ទង​គ្នា​ផ្ទាល់​បានឡើយ ដើម្បី​រក្សា​សុ​វ​ត្ដិ​ភាព និង​ជាការ​អនុវត្តន៍ តាម​សេចក្តីណែនាំ​របស់ ក្រសួងសុខាភិបាល​។​

​សូមបញ្ជាក់ថា ការបិទ​សណ្ឋាគារ និង​ភោជនីយដ្ឋាន មួយកន្លែង ខាងលើនេះ បានធ្វើ​ឡើង​នៅ​ល្ងាច ថ្ងៃទី​៩ ធ្នូ ម្សិលមិញ បន្ទាប់ពី​រកឃើញថាៈ បុរស​ឈ្មោះ អិត កុ​ម៉ា​ល អាយុ ៣៥​ឆ្នាំ ស្នាក់នៅ​សង្កាត់​បឹង​កេងកង​៣ ខណ្ឌ​បឹង​កេងកង រាជធានី​ភ្នំពេញ ដែល​ត្រូវបាន​ក្រសួងសុខាភិបាល បញ្ជាក់​ពី​វិជ្ជមាន​កូ​វីដ​នោះ បាន​ទៅ​ស្នាក់នៅ​មួយ​យប់ កាលពី​ថ្ងៃទី​១ ខែធ្នូ កន្លងទៅ​៕/V

ទីតាំងផ្សាយពាណិជ្ជកម្ម

- Advertisment -

Most Popular