Home ព័ត៌មានជាតិ សន្តិសុខ យុវជន​ម្នាក់​...

យុវជន​ម្នាក់​រអិល​ជើង​ធ្លា​ក់លង់​ស្លាប់​ក្នុង​ទឹក​បៀ​ក្រោយ​ផ្ទះ​

ដោយ​: ស​រិ​ទ្ធ / ស្វាយរៀង​: យុវជន​ម្នាក់​រអិល​ជើង​ធ្លាក់ទឹក​លង់​ស្លាប់​ក្នុង​ទឹក​បៀ​ក្រោយ​ផ្ទះ​កាលពី​ម៉ោង​៧​និង​៣០​នាទី​ព្រឹក​ថ្ងៃទី​១០ ខែធ្នូ ឆ្នាំ​២០២០ នៅក្នុង​ភូមិ​គោក​ស្រម៉ ឃុំ​សង្កែ ស្រុក​រំដួល​។ សមត្ថកិច្ច​នគរបាល​ស្រុក​រំដួល​បានឱ្យដឹងថា យុវជន​នេះ​ឈ្មោះ ស៊ន សារ៉ន អាយុ​១៩​ឆ្នាំ រស់នៅ​ភូមិ​គោក​ស្រម៉ ឃុំ​សង្កែ ស្រុក​រំដួល ខេត្តស្វាយរៀង​។​

​ប្រភព​ដដែល​បាន​បន្តថា បន្ទាប់ពី​មាន​សេចក្ដីរាយការណ៍​ពី​អ្នកភូមិ​ម្នាក់​បាន​រាយការណ៍​ថា មាន​ករណី​មនុស្ស​លង់ទឹក​បៀ​ស្លាប់​ទើប​កម្លាំង​នគរ​ប​វាល​បច្ចេកទេស​ស្រុក បាន​សហការ​ជាមួយ​គ្រូពេទ្យ​មណ្ឌល​សុខភាព​កំពង់​ចក ចុះ​ដល់​កន្លែងកើតហេតុ​ត្រួតពិនិត្យ​សាកសព ដោយ​ឃើញ​នៅលើ​ផ្ទៃមុខ​មាន​ឈាម​ច្រមុះ​ហូរ​ចេញមកក្រៅ​។ ប៉ុន្តែ​ពុំមាន​ស្លាកស្នាម​អ្វីដែល​សម្គាល់ថា​ជា​រឿង​ឃាតកម្ម​នោះទេ គឺ​សាកសព​ពិតជា​ស្លាប់​ដោយសារ​លង់ទឹក​ប្រាកដ​មែន​។​

​អ្នកភូមិ​បាន​ឲ្យ​ដឹងថា យុវជន​ខាងលើនេះ​មាន​ជំងឺសរសៃប្រសាទ​ប្រមាណ​ជាង​៣​ឆ្នាំ​មកហើយ ខណៈ​ក្រុមគ្រួសារ​បាន​យកទៅ​ព្យាបាល និង​បានឱ្យ​ផឹក​ថ្នាំសង្កូវ​ជាប្រចាំ​ដែរ ប៉ុន្តែ​អាកា​រៈ​របស់គេ​មិនបាន​ធូរស្បើយ​នោះទេ​។ លុះ​នៅ​ថ្ងៃកើតហេតុ​យុវជន​ខាងលើ បាន​ដើរ​ទៅលេង​ទឹក​បៀ​ខាងក្រោយ​ផ្ទះ​ប្រមាណ ៥០​ម៉ែត្រ សង្ស័យរ​រអិល​ជើង​ធ្លាក់​ក្នុង​ទឹក​ក៏​លង់​ស្លាប់​តែម្ដង​។​

​ក្រោយពី​ពិនិត្យ​សព​រួច​សមត្ថកិច្ច​នគ​របាល​ក៏បាន​ប្រគល់​មកឱ្យ​ក្រុមគ្រួសារ​ធ្វើបុណ្យ​តាម​ប្រពៃណី​៕

ទីតាំងផ្សាយពាណិជ្ជកម្ម

- Advertisment -



Most Popular