Home ព័ត៌មានអន្តរជាតិ ពេទ្យ​ថៃ​នៅ​ប...

ពេទ្យ​ថៃ​នៅ​បាងកក​ឆ្លងកូវី​ដ​១៩​ពី​អ្នក​ធ្វើ​ចត្តា​ឡី​ស័ក​

ប្រែ​សម្រួល​៖​វាសនា​/​បាងកក​៖ រដ្ឋាភិបាល​ថៃ​កាលពី​ថ្ងៃ​ព្រហស្បតិ៍​បាន​រក​ឃើញ​អ្នក​ឆ្លងកូវី​ដ​១៩​ចំនួន​១៨​នាក់​ថ្មី ក្នុងនេះ​មាន​ម្នាក់​ជា​គ្រូពេទ្យ​ដែល​ឆ្លង​វីរុស​នៅក្នុង​ក្រុង​បាងកក ហើយ​១៧​នាក់​ទៀត​​ជា​អ្នកដំណើរ​ចូលមក​ពី​ក្រៅ​ប្រទេស​ដែល​ធ្វើ​ចត្តា​ឡីស័​កនៅ​តាម​មណ្ឌល​ក្នុង​ប្រទេស​ថៃ​។​

​ចំនួន​នេះ​ធ្វើ​ថៃ​មាន​អ្នក​ឆ្លង​តាំងពី​ដើមទី​មក​ឡើងដល់​៤.១៦៩​នាក់ តែ​៣.៨៨៨​នាក់​បាន​ជា​ចេញពី​ពេទ្យ​អស់ហើយ និង​៦០​នាក់​ស្លាប់​ហើយ​២២១​នាក់​កំពុង​ដេក​ព្យាបាល​ក្នុង​មន្ទីរពេទ្យ​។​

​អ្នកនាំពាក្យ​នៅ​មជ្ឈមណ្ឌល​គ្រប់គ្រង​សភាពការណ៍​កូវី​ដ​១៩ បាន​និយាយថា អ្នក​ឆ្លង​ក្នុងស្រុក​ថ្មី​គឺជា​ពេទ្យ​មធ្យម​អាយុ​២៩​ឆ្នាំ នៅ​មន្ទីរពេទ្យ BNH Hospital​។​ការឆ្លង​ម្នាក់នេះ​ទៀត​នាំ​អោយ​គ្រូពេទ្យ​នៅ​​មន្ទីរពេទ្យ​នេះ​ឆ្លងកូវី​ដ​១៩​កើន​ដល់​៦​នាក់​។​មន្ត្រី​សុខាភិបាល​បាន​ធ្វើតេស្តិ៍​រក​កូវី​ដ​១៩​លើ​មនុស្ស​៨៥១​នាក់​ដែល​បាន​ប៉ះពាល់​ឬ​នៅ​ជិត​គ្រូពេទ្យ​ទាំង​៦​នាក់​និង​លទ្ធផល​ទាំង​៧៤៥​ករណី​តាំងពី​មុន​មក​​បង្ហាញ​អវិជ្ជមាន​ទាំងអស់​។​

​បើ​តាម​របាយការណ៍​សារព័ត៌មាន គ្រូពេទ្យ​ម្នាក់​ឆ្លង​ដំបូង​មក​ពី​មិន​បាន​ពាក់​ម៉ាស​និង​ខោ​អាវ​ការពារ​ប្រឆាំងនឹង​វីរុស​អោយមាន​គ្រប់គ្រាន់​ក្នុង​ពេល​ពិនិត្យ​អ្នកដំណើរ​មកពី​ក្រៅ​ប្រទេស​នៅ​មណ្ឌល​ធ្វើ​​ចត្តា​ឡី​ស័ក​។​អ្នក​គ្រូពេទ្យ​នេះ ក្រោយមក​បាន​ចម្លង​ទៅកាន់​គ្រូពេទ្យ​ដទៃទៀត ក្នុងពេល​ទទួលទាន​អាហារ​។​

​ពិភពលោក​ឥឡូវ​មាន​អ្នក​ឆ្លងកូវី​ដ​១៩៦៩,២៣​លាន​នាក់ ក្រោយ​កើន​៦៤៣.៤៧២​នាក់​ទៀត​នៅ​២៤​ម៉ោង​កន្លងមក​។​នៅ​ទូទាំង​ពិភពលោក ក៏​មាន​អ្នកជំងឺ​កូវី​ដ​១៩​ស្លាប់​ប្រមាណ ១,៥៧​លាន​នាក់​បន្ទាប់​​ពី​បន្ថែមចំនួន​ជនរងគ្រោះ​១២.២៦០​នាក់​ទៀត​៕

​គិលានុបដ្ឋាកយិ​ការថៃនៅ​មន្ទីរពេទ្យ​មួ​យ​

 

ទីតាំងផ្សាយពាណិជ្ជកម្ម

- Advertisment -

Most Popular