Home ព័ត៌មានជាតិ សន្តិសុខ ជិះ​ម៉ូតូ​លឿន...

ជិះ​ម៉ូតូ​លឿន​រេ​ចង្កូត​ដួល​បោក​ក្បាល​រងរបួស​ធ្ងន់​

ដោយ​: គូលែន / សៀមរាប​: បុរស​ម្នាក់​បាន​រងរ​បួស​ធ្ងន់ ហើយ​ត្រូវបាន​បញ្ជូនទៅ​សង្គ្រោះ​នៅ​មន្ទីរពេទ្យបង្អែក​ខេត្តសៀមរាប ដើម្បី​សង្គ្រោះ បន្ទាប់ពី​រូបគាត់​ជួប​គ្រោះថ្នាក់​ចរាចរណ៍​ដែល​បង្កឡើង​ដោយ​ខ្លួនឯង​។​

​ករណី​គ្រោះថ្នាក់​ចរាចរណ៍ ដែល​បង្កឡើង​ដោយ​ខ្លួនឯង​ខាងលើនេះ បាន​កើតឡើង​នៅវេលា​ម៉ោង ២១​យប់ ថ្ងៃទី​១០ ខែធ្នូ ឆ្នាំ​២០២០ ស្ថិតនៅ​ចំណុច​អន្លង់​អា​ដូង ក្នុងភូមិ​ភ្លង់ ឃុំ​លាងដៃ ស្រុក​អង្គរធំ ខេត្តសៀមរាប​។

​សមត្ថកិច្ច​នគរបាល​ស្រុក​អង្គរធំ បាន​បញ្ជាក់ថា ជនរងគ្រោះ​មានឈ្មោះ ម៉ៅ វ៉ាន់ ភេទ​ប្រុស អាយុ ២៤​ឆ្នាំ រស់នៅ​ភូមិ​ភ្លង់ ឃុំ​លាងដៃ ស្រុក​អង្គរធំ ខេត្តសៀមរាប​។ នៅ​មុនពេល​កើតហេតុ ជនរងគ្រោះ​បាន​ជិះ​ម៉ូតូ​តែម្នាក់ឯង​ក្នុង​ល្បឿន​លឿន លុះ​មកដល់​ចំណុចកើតហេតុ បាន​រេ​ចង្កូត​ម៉ូតូ​ដួល​បោក​ក្បាល បណ្តាល​ឲ្យ​រងរបួស​ធ្ងន់​។​

​ជនរងគ្រោះ​ត្រូវបាន​បញ្ជូនទៅ​សង្គ្រោះ​នៅ​មន្ទីរពេទ្យបង្អែក​ខេត្តសៀមរាប​៕​

ទីតាំងផ្សាយពាណិជ្ជកម្ម

- Advertisment -

Most Popular