Home ព័ត៌មានជាតិ សន្តិសុខ រថយន្តបុក​ម៉ូ...

រថយន្តបុក​ម៉ូតូ បណ្ដាល​ឲ្យ​របួស ពីរ​នាក់​

ដោយៈ ស​រិ​ទ្ធ​/​ភ្នំពេញៈ រថយន្ត​មួយគ្រឿង បាន​បុក​ម៉ូតូ បណ្ដាល​ឲ្យ​មនុស្ស ពីរ​នាក់​បាន រងរបួស កាលពី​ម៉ោង ១២ រំលងអធ្រាត្រ ឈានចូល​ថ្ងៃទី​១១ ខែធ្នូ ឆ្នាំ​២០២០ នៅតាម បណ្ដោយ​ផ្លូវ​២០៥ កែង​ផ្លូវ​៣៨៤ ស្ថិតក្នុង​សង្កាត់​ទួល​ស្វាយព្រៃ​២ ខណ្ឌ​បឹង​កេងកង រាជធានី​ភ្នំពេញ ។​

​តាម​ប្រភពព័ត៌មាន ពី​កន្លែងកើតហេតុ បាន​ឲ្យ​ដឹងថាៈ មុនពេល​កើតហេតុ គេ​ឃើញ បុរស​ម្នាក់ និង​នារី​ម្នាក់ ជិះ​ម៉ូតូឌុប​គ្នា ម៉ាក​ហុងដា ឌ្រី​ម ស៊េរី​២០១៥ ពណ៌​ខ្មៅ ពាក់​ស្លាក លេខ ភ្នំពេញ 1FO-0824 ធ្វើដំណើរ​តាម​បណ្ដោយ​ផ្លូវ​២០៥ ទិសដៅ​ពី​ខាងលិច ទៅខាង​កើត មកដល់​ផ្លូវកែង​លេខ​៣៨៤ ក៏ត្រូវ​រថយន្ត​ឡិច​ស៊ី​ស RX300 ពណ៌​ស្ករ ពាក់​ស្លាក​លេខ កណ្ដាល 2A-7717 បើកបរ​ដោយ​បុរស​ម្នាក់ រួម​នឹង​មិត្តភក្តិ​ម្នាក់ទៀត ធ្វើដំណើរ​តាម បណ្ដោយ​ផ្លូវ​៣៨៤ ទិសដៅ​ពី​ខាងត្បូង មក​ខាងជើង ហើយ​បាន​បុក​ម៉ូតូ​ចំ​ពី​ចំហៀង​ពេញ ទំហឹង បណ្ដាល​ឲ្យ​ដួល​អូស​ជិត ១០ ម៉ែត្រ និង​ធ្វើ​ឲ្យ​នារី​ម្នាក់ រងរបួស​ត្រូវបញ្ជូន​ទៅកាន់ មន្ទីរពេទ្យ និង​បុរស ជា​អ្នកបើក​ម៉ូតូ រងរបួស​ស្រាល​។​

​ក្រោយ​កើតហេតុ ភាគី​ទាំងពីរ បាន​និយាយ​ចរចា​គ្នា អស់​រយៈពេល​យ៉ាងយូរ​នៅតែ​មិន ត្រូវ​គ្នា ទើប​សមត្ថកិច្ច​មូលដ្ឋាន ទាក់ទង​ទៅ​ជំនាញ​នគរបាល​ចរាច​រណ៍ ខណ្ឌ​បឹង​កេងកង ឲ្យ​ចុះមក​វាស់វែង យក​រថយន្ត និង​ម៉ូតូ ទៅ​រក្សាទុក រង់ចាំ​ដោះស្រាយ តាម​ក្រោយ​៕​PC

ទីតាំងផ្សាយពាណិជ្ជកម្ម

- Advertisment -

Most Popular