Home ព័ត៌មានជាតិ សន្តិសុខ បើក​ម៉ូតូ​ទៅប...

បើក​ម៉ូតូ​ទៅបុក​គោយន្ត​កន្ត្រៃ ដឹក​ម៉ាស៊ីនបោកស្រូវ បណ្ដាលឱ្យ​របួសធ្ងន់​ម្នាក់

​ដោយៈ គូលែន​/​សៀមរាបៈ ក្មេងប្រុស​ម្នាក់ បាន​រងរបួស​ធ្ងន់ ដោយសារតែ​ក្មេងប្រុស​រូបនោះ បាន​បើក​ម៉ូតូ ទៅបុក​គោយន្ត​កន្ត្រៃ ដឹក​ម៉ាស៊ីនបោកស្រូវ ចត​នៅ​ចិញ្ចើមផ្លូវ ។ ក្រោយ​កើត ហេតុនេះ អ្នកបើក​គោយន្ត បាន​រត់​គេចខ្លួនបាត់ បន្សល់ទុក​គោយន្ត​កន្ត្រៃ នៅ​កន្លែង​កើត ហេតុ​។ ករណី​គ្រោះថ្នាក់​ចរាចរណ៍​នេះ បានកើត​ឡើង នៅវេលា​ម៉ោង ៨ យប់ ថ្ងៃទី​១០ ខែធ្នូ ឆ្នាំ​២០២០ នៅ​ភូមិ​ថ្មី ឃុំ​កៀន​សង្កែ ស្រុក​សូទ្រនិគម ខេត្តសៀមរាប​។​

​សមត្ថកិច្ច​នគរបាល ស្រុក​សូទ្រនិគម បាន​និយាយថាៈ ករណី​គ្រោះថ្នាក់​ចរាចរណ៍​នេះ បង្ករ​ដោយ​ភាគី​ម៉ូតូ ម៉ាក​ហុងដា ឌ្រី​ម សេ​១២៥ ពណ៌​ខ្មៅ សេរី​២០១៥ ពាក់​ស្លាក​លេខ សៀមរាប ១Q.៤៥៧៥ បើក​ទៅបុក គោយន្ត​កន្ត្រៃ ដឹក​ម៉ាស៊ីនបោកស្រូវ ដែល​ចត​នៅ ចិញ្ចើមផ្លូវ បណ្ដាលអោយ​រងរបួស​ធ្ងន់​។ ក្មេងប្រុស​រងគ្រោះ ឈ្មោះ ឈី អើ អាយុ​១៥​ឆ្នាំ មាន​លំនៅ នៅ​ភូមិ​ត្រពាំង​ព្រៃ ឃុំ​កៀន​សង្កែ ស្រុក​សូទ្រនិគម ខេត្តសៀមរាប ។ ម៉ូតូ និង​គោយន្ត ត្រូវបាន​សមត្ថកិច្ច យកមក​រក្សាទុក នៅ​អធិការដ្ឋាន​នគរបាល ស្រុក​សូទ្រនិគម ដើម្បី​ស្រាវជ្រាវ រក​អត្តសញ្ញាណ អ្នកបើកបរ​គោយន្ត មក​ដោះស្រាយ​តាមច្បាប់​។ រីឯ​អ្នករបួស ត្រូវបាន​បញ្ជូនទៅ​មន្ទីរពេទ្យបង្អែក ស្រុក​សូទ្រនិគម ដើម្បី​សង្គ្រោះ​៕​PC

ទីតាំងផ្សាយពាណិជ្ជកម្ម

- Advertisment -



Most Popular