Home ព័ត៌មានអន្តរជាតិ កូរ៉េខាងត្បូង...

កូរ៉េខាងត្បូង​កេណ្ឌ​ទ័ព​ចូល​ក្រុង​សេ​អ៊ូ​ល​ដើម្បី​ជួយ​ទប់ទល់​ជំងឺ​រាតត្បាត ខណៈ​ករណី​ឆ្លងកូវី​ដនិង​ស្លាប់​កើនឡើង​

​ប្រែ​សម្រួល : កញ្ញា​ដា​លី​ស​/​សេ​អ៊ូ​ល ៖ កូរ៉េខាងត្បូង​នឹង​កេណ្ឌ​កម្លាំងយោធា​ចូល​ក្នុង​រដ្ឋធានី​សេ​អ៊ូ​ល​ដើម្បី​ជួយ​បុគ្គលិក​ជួរមុខ​ក្នុង​ការដោះស្រាយ​ជាមួយ​នឹង​ការកើនឡើង​នៃ​វីរុស​កូរ៉ូណា​ខណៈដែល​​ករណី​ថ្មី​ចំនួន ៦៨៩ ត្រូវបាន​រាយការណ៍​នៅ​ថ្ងៃ​សុក្រ​នេះ និង​ចំនួន​អ្នក​ស្លាប់​និង​ចំនួន​អ្នកជំងឺ​ធ្ងន់ធ្ងរ​បន្ត​កើនឡើង​។​

​ទីភ្នាក់ងារ​គ្រប់គ្រង​និង​បង្ការ​ជំងឺ​កូរ៉េ (KDCA)​បាន​និយាយថា ក្នុងចំណោម​ករណី​ថ្មី​ចំនួន ៦៧៣ គឺ​ឆ្លង​ក្នុងស្រុក ដែល​នាំ​ឱ្យ​ចំនួន​ឆ្លង​សរុប​កើន​ដល់ ៤០.៧៨៦ នាក់​។ KDCA បាន​រាយការណ៍​ថា ចំនួន​អ្នក​ស្លាប់​បាន​កើនឡើង​ថែម ៨ នាក់​ទៀត ដែល​សរុប​មាន​ចំនួន ៥៧២ នាក់​។​

​ការកើនឡើង​នូវ​ករណី​ឆ្លង​ដ៏​ច្រើន​នេះ​បាន​វាយ​សំពង​យ៉ាង​ធ្ងន់​លើ​ប្រព័ន្ធ​ប្រយុទ្ធ​នឹង​ជំងឺ​រាតត្បាត​របស់​កូរ៉េ​ខាងត្បូង​ដែល​បាន​ប្រើប្រាស់​ដោយ​ជោគជ័យ​នូវ​ការតាមដាន​ការ​ធ្វើតេស្តិ៍​និង​ការដាក់ឱ្យ​​នៅ​ដាច់​ឆ្ងាយ​ដើម្បី​ចៀសវាង​ការបិទ​ប្រទេស និង​រក្សា​ការឆ្លង​នៅក្រោម ៥០ នាក់​ក្នុង​មួយ​ថ្ងៃ​កាល​ពី​រដូវក្តៅ​។​

​អាជ្ញាធរ​កំពុង​ប្រញាប់ប្រញាល់​សាងសង់​គ្រែ​មន្ទីរពេទ្យ​នៅក្នុង​ទូ​កុងតេនឺរ​ដឹកទំនិញ​នៅ​សប្តាហ៍​នេះ​ដើម្បី​បន្ធូរបន្ថយ​ភាព​តានតឹង​នៅតាម​មណ្ឌល​វេជ្ជសាស្ត្រ​ដែល​កំពុង​ចាល់​ដោយ​រលក​កូ​វីដ​ចុងក្រោយ​នេះ​។​

​ចំនួន​អ្នកជំងឺ​ស្ថិតក្នុង​ស្ថានភាព​ធ្ងន់ធ្ងរ​ឬ​រ៉ាំរ៉ៃ​បាន​កើនឡើង​ជិត ១៧០ នាក់ ជា​ហេតុ​ជំរុញ​ឱ្យ​អាជ្ញាធរ​សុខាភិបាល​ស្វែងរក​គ្រែ​បន្ថែម​នៅ​ទូទាំង​ប្រទេស​។​

​ដោយ​ហៅ​រលក​បច្ចុប្បន្ន​ថា​ជា​វិបត្តិ​ធ្ងន់ធ្ងរ លោកនាយក​រដ្ឋមន្ត្រី ជុង សេ​ឃ្យុ​ង បាន​និយាយថា លោក​នឹង​បញ្ជូន​កងកម្លាំង​ប៉ូលិស​ទាហាន​និង​បុគ្គលិក​រដ្ឋាភិបាល​ប្រមាណ ៨០០​នាក់​ទៅតាម​សង្កាត់​ទាំង​​អស់នៃ​ទីក្រុង​សេ​អ៊ូ​ល​ឱ្យជួយ​តាមដាន​អ្នក​ដែល​អាច​កើត​ជំងឺ​កូវី​ដ​១៩​។​

​លោក​ជុង​បាន​ប្រាប់​កិច្ចប្រជុំ​រដ្ឋាភិបាល​នៅ​ថ្ងៃ​សុក្រ​នេះ​ថា​បុគ្គលិក​ជួរមុខ​និង​បុគ្គលិក​ពេទ្យ​កំពុង​តស៊ូ​រាល់ថ្ងៃ​ដើម្បី​ស៊ើបអង្កេត​គ្មាន​ទី​បញ្ចប់​ទៅ​លើ​ជំងឺ​រាតត្បាត ធ្វើតេស្ត និង​ធានា​ឱ្យមាន​គ្រែ​មិន​គ្រប់​​គ្រាន់ ខណៈ​ករណី​ដែល​ករណី​ឆ្លង​បានបញ្ជាក់​កើនឡើង​នៅក្នុង​តំបន់​ផ្សេងៗ​រួម​ទាំង​តំបន់​ទីក្រុង​សេ​អ៊ូ​ល​។​

​លោក​ជុង​បាន​និយាយថា “​នៅ​ចុងបញ្ចប់​ដើម្បី​រំងាប់​រលក​នេះ​បាន គឺ​ត្រូវ​ដណ្តើម​យក​ជ័យជម្នះ​ឱ្យបាន​នៅក្នុង​កិច្ចប្រឹងប្រែង​ប្រឆាំង​វីរុស​នៅក្នុង​តំបន់​សេ​អ៊ូ​ល​ឱ្យបាន​ខ្លាំង​ជាង​គេ​”​។​

​ភាគច្រើន​នៃ​ករណី​ថ្មីៗ​ត្រូវបាន​រាយការណ៍​នៅក្នុង​រដ្ឋធានី​សេ​អ៊ូ​ល ទីក្រុង​កំពង់ផែ​ជិតខាង​អ៊ី​ន​ឈាន់ និង ខេត្ត​ឃ្យឹ​ង​ជី ដែល​មាន​ប្រជាជន​រស់នៅ ១៣,៥ លាន​នាក់ និង​មាន​ទីតាំង​ស្ថិត​នៅ​ព័ទ្ធជុំវិញ​ទីក្រុង​​ទាំងពីរ​៕

​ទាហាន​នឹង​ចូល​ក្រុង​សេ​អ៊ូ​ល​ដើម្បី​ជួយ​បុគ្គលិក​ជួរ​មុខ​ក្នុង​ការដោះស្រាយ​ជាមួយ​នឹង​ការកើនឡើង​នៃ​វីរុស​កូរ៉ូណា​

ទីតាំងផ្សាយពាណិជ្ជកម្ម

- Advertisment -

Most Popular