Home ព័ត៌មានជាតិ សេដ្ឋកិច្ច ក្រោយ​ព្រឹ​ត្...

ក្រោយ​ព្រឹ​ត្ត​ការណ៍ ២៨​វិច្ឆិកា មកដល់ពេលនេះ ពុំមាន​រោងចក្រ សហគ្រាស​ណាមួយ​ស្នើសុំ​ផ្អាក​ដំណើរការ​ទេ​

ដោយ​: ពៅ​និមល​/​ភ្នំពេញ​: មន្ត្រីជាន់ខ្ពស់​នៃ​ក្រសួង​ការងារ​និង​បណ្តុះបណ្តាល​វិជ្ជាជីវៈ បាន​អះអាងថា ក្រោយ​ការវិវត្ត​នៃ​ព្រឹ​ត្ត​ការណ៍ ២៨​វិច្ឆិកា​គិត​មកទល់​ថ្ងៃនេះ ពុំមាន​រោងចក្រ សហគ្រាស​ក្នុង​វិស័យ​វាយ​ន​ភណ្ឌ កាត់ដេរ​សម្លៀកបំពាក់​និង​ផលិត​ស្បែកជើង​ណាមួយ​ទេ ស្នើសុំ​បិទ​ឬ​ផ្អាក​ដំណើរការ​ផលិតកម្ម​ទេ​។ ពោលគឺ​បន្តការងារ​ជាធម្មតា​ជាមួយនឹង​ការប្រុងប្រយ័ត្ន​ខ្ពស់​។​

ក្រោយ​ព្រឹ​ត្ត​ការណ៍ ២៨​វិច្ឆិកា មកដល់ពេលនេះ ពុំមាន​រោងចក្រ សហគ្រាស​ណាមួយ​ស្នើរ​សុំ​ផ្អាក​ដំណើរការ​ទេ​

​មានប្រសាសន៍ប្រាប់​រស្មី​កម្ពុជា កាលពី​រសៀល​ថ្ងៃទី​១០ ខែធ្នូ​ម្សិលមិញ​លោក អ៊ុក ចាន់ធូ ប្រធាន​នាយកដ្ឋាន​អធិការកិច្ច​ការងារ នៃ​ក្រសួង​ការងារ​និង​បណ្តុះបណ្តាល​វិជ្ជាជីវៈ បានឱ្យដឹងថា មុន​និង​ក្រោយ​ព្រឹ​ត្ត​ការណ៍ ២៨​វិច្ឆិកា ពុំមាន​អី្វ​ប្រែប្រួល​ទេ​សម្រាប់​វិស័យ​កាត់ដេរ​ទាំងអស់​។ គឺ​នៅតែ​ដំណើរការ​ជាធម្មតា​។ ពិសេស​ទៀត​នោះ​នៅតាម​រោងចក្រ សហគ្រាស​គាត់​មានការ​យកចិត្តទុកដាក់ ប្រសិនជា​គាត់​ដឹងថា​មាន​កម្មករនិយោជិត​ណា​ម្នាក់​ដែលមាន​ជាប់​ពាក់ព័ន្ធ ឬ​ប្រយោល​ជាមួយ​ព្រឹ​ត្ត​ការណ៍​នោះ គាត់​នឹង​ឱ្យធ្វើ​ច​ត្តា​ឡី​ស័ក​ដែរ​។​
លោក​បន្តថា “​និយាយ​យ៉ាងខ្លី​ក្នុង​វិស័យ​រោងចក្រ សហគ្រាស​កាត់ដេរ គឺ​អត់​មាន​អ្វី​ប៉ះពាល់​ទេ សម្រាប់​យើង​មើល​តាម​រូបភាព​បងប្អូន​កម្មករ​ខាងក្រៅ ។​ប៉ុន្តែ​បើ​ចូលទៅ​ខាងក្នុង​រោងចក្រ មុននឹង​ចូល​រោងចក្រ ខាង​រោងចក្រ​មានការ​យកចិត្ត​ទុកដាក់ និង​មាន​គ្រប់​ឧបករណ៍​ទាំងអស់​…​ខ្ញុំ​សង្ស័យថា​ស្ថាប័ន​មួយចំនួន​អត់​ដល់​វិស័យ​ឯកជន​ទេ ខ្ញុំ​ឃើញជាក់ស្តែង​គឺមាន​ការប្រុងប្រយ័ត្ន​និង​មាន​សម្ភា​រះ​គ្រប់បែបយ៉ាង ដើម្បី​ធ្វើការ​ត្រួតពិនិត្យ អញ្ចឹង​ពុំទាន់​មាន​ឃើញ​រូបភាព​ណាមួយ​ដែល​នៅក្នុង​រោងចក្រ សហគ្រាស​។ ដោយមាន​ការណែនាំ​ពី​ថ្នាក់ដឹកនាំ​ក្រសួង ពី​ថ្នាក់​ឯកឧត្តម​រដ្ឋមន្ត្រី លោក​បាន​ណែនាំ​ច្បាស់លាស់​ដើម្បីឱ្យ​អធិការកិច្ច ក៏​ជា​ក្រុម​មន្ទីរ​ធ្វើការ​ត្រួតពិនិត្យ​ជាប្រចាំ​ទៅតាម​រោងចក្រ សហគ្រាស ដែល​ស្ថិតនៅក្រោម​ដែន​អនុវត្ត​របស់​សមត្ថកិច្ច​នីមួយៗ ថ្នាក់​ក្រសួង​ក៏ដូចជា​ថ្នាក់​រាជធានី​ខេត្ត គឺ​ឃើញ​ការរាយការណ៍​រាល់ថ្ងៃ​ពុំមាន​អ្វី​ជា​គួរឱ្យកត់សម្គាល់ គឺ​រឹតតែ​មានការ​យកចិត្ត​ទុកដាក់ រៀបចំ​ក្នុងការ​ផ្តល់ជូន ឬក៏​មាន​ឧបករណ៍​ត្រួតពិនិត្យ​កំដៅ ទឹក​អាល់កុល ជាពិសេស​នៅ​ក្រសួង​ការងារ ដែល​ឃើញ​មាន​បងប្អូន​កម្មករ​ចូលមក​ច្រើន ដូចជា​មក​ពិនិត្យ​សុខភាព ពិនិត្យ​កាយសម្បទា មក​ធ្វើ​សៀវភៅ​ការងារ​គឺ​ក្រសួង​បាន​យកចិត្តទុកដាក់​និង​គិតគូរ​យ៉ាង​ម៉ត់ចត់​ទៅដល់​គាត់​គ្រប់ៗ​គ្នា​”​។​

ក្រោយ​ព្រឹ​ត្ត​ការណ៍ ២៨​វិច្ឆិកា មកដល់ពេលនេះ ពុំមាន​រោងចក្រ សហគ្រាស​ណាមួយ​ស្នើរ​សុំ​ផ្អាក​ដំណើរការ​ទេ​

​លោក ប៊ុន សុគន្ធ តំណាង​រោងចក្រ​កាត់ដេរ​សម្លៀកបំពាក់ និង​មួក​គ្រប់​ប្រភេទ សៅ​លែ​ន (​ខេ​ម​បូ​ឌា​) ដែល​ស្ថិតនៅ​សង្កាត់​ចោមចៅ ខណ្ឌ​ពោធិ៍​សែន​ជ័យ រាជធានី​ភ្នំពេញ បាន​ប្រាប់​ឱ្យដឹងថា គិត​ចាប់ពី​ជំងឺឆ្លង​កូ​វីដ​១៩​បង្ហាញ​វត្ត​មាននៅ​កម្ពុជា ក្នុងអំឡុង​ពេលនេះ​ខាង​រោងចក្រ​លោក​នៅតែ​បន្ត​ចូលរួម​ទប់ស្កាត់ និង​បង្ការ​ការពារ ដូច​អ្វីដែល​រដ្ឋាភិបាល​បាន​ណែនាំ​និង​ដាក់ចេញ​នាពេល​កន្លងមក​។ លោក​ឱ្យដឹងទៀតថា សព្វ​ថ្ងៃមុន នឹង​អនុញ្ញាតឱ្យ​កម្មករនិយោជិត​ចូល​បំពេញការងារ តម្រូវឱ្យ​ពួកគាត់​ពាក់​ម៉ាស វាស់​កំដៅ និង​លាងដៃ​ជាមួយ​ទឹក​អាលកុល​សិន ដោយ​សកម្មភាព​នេះ គឺធ្វើឡើង​ជាប់​ជាប្រចាំ​និង​ជា​រៀងរាល់ថ្ងៃ​។ ជាមួយគ្នានេះ លោក​បាន​អំពាវនាវ​ទៅដល់​កម្មករនិយោជិត​គ្រប់​រោងចក្រ សហគ្រាស សូមឱ្យ​ចូលរួម​ទប់ស្កាត់ និង​ការពារ​ទាំងអស់គ្នា ចៀង​វាង​ការកើតមាន ឬ​ឆ្លង​កូ​វីដ​១៩ ដែល​ជំងឺ​ដ៏​កាច​សាហាវ​នេះ​។​
គិត​ត្រឹម​ថ្ងៃទី​១១ ខែធ្នូ​ស្ថានភាព​ជំងឺ​កូ​វីដ​១៩​នៅ​កម្ពុជា អ្នកមាន​វីរុស​កូ​វីដ​១៩​សរុប​ចំនួន ៣៥៧​នាក់​។ ក្នុងនោះ​ចំនួន​អ្នក​ព្យាបាល​សះស្បើយ​សរុប​ចំនួន ៣០៧​នាក់ ស្មើនឹង​ជាង​៨៥​ភាគរយ​។ ដោយឡែក អ្នក​សម្រាក​ព្យាបាល​នៅ​មន្ទីរពេទ្យ​មិត្តភាព​ខ្មែរ​-​សូ​វៀត (​រុស្ស៊ី​) និង​នៅ​មណ្ឌល​សុខភាព​ចាក់អង្រែ រាជធានី​ភ្នំពេញ​សរុប​ចំនួន​៥០​នាក់​៕​សរន​

ក្រោយ​ព្រឹ​ត្ត​ការណ៍ ២៨​វិច្ឆិកា មកដល់ពេលនេះ ពុំមាន​រោងចក្រ សហគ្រាស​ណាមួយ​ស្នើរ​សុំ​ផ្អាក​ដំណើរការ​ទេ​ ក្រោយ​ព្រឹ​ត្ត​ការណ៍ ២៨​វិច្ឆិកា មកដល់ពេលនេះ ពុំមាន​រោងចក្រ សហគ្រាស​ណាមួយ​ស្នើរ​សុំ​ផ្អាក​ដំណើរការ​ទេ​

ក្រោយ​ព្រឹ​ត្ត​ការណ៍ ២៨​វិច្ឆិកា មកដល់ពេលនេះ ពុំមាន​រោងចក្រ សហគ្រាស​ណាមួយ​ស្នើរ​សុំ​ផ្អាក​ដំណើរការ​ទេ​

ទីតាំងផ្សាយពាណិជ្ជកម្ម

- Advertisment -

Most Popular