Home ព័ត៌មានជាតិ សង្គម អភិបាលខេត្ត​ស...

អភិបាលខេត្ត​ស្វាយរៀង អញ្ជើញ​ទទួលយក​អំណោយ និង​ថវិកា​មួយចំនួន​ពី​សប្បុរសជន​ក្នុងការ​ប្រយុទ្ធប្រឆាំង​ជំងឺ​កូ​វីដ​១៩ ក្នុង​ខេត្ត​

ដោយ​: វ៉ៃ​កូ / ស្វាយរៀង​: លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង នៅ​ព្រឹក​ថ្ងៃទី​១១ ខែធ្នូ ឆ្នាំ​២០២០​នេះ បាន​អញ្ជើញ​ទទួលយក​អំណោយ និង​ថវិកា​មួយចំនួន​ពី​ឱសថស្ថាន​អរុណ​រៈ ដឹកនាំ​ដោយ​លោក ថោង ប៊ុនធឿន និង​លោកស្រី ព្រមទាំង​ក្រុមគ្រួសារ ដើម្បី​ចូលរួម​ឧបត្ថម្ភ​ដល់​រដ្ឋបាល​ខេត្តស្វាយរៀង ក្នុងការ​ប្រយុទ្ធប្រឆាំង​ជំងឺ​កូ​វីដ​១៩ ក្នុង​ខេត្ត​។​

​អំណោយ​ទាំងនោះ រួមមាន អង្ករ​២​តោន​មី​២០​កេស ត្រីខ​២០​ឡូ ម៉ាស​២​កេស ស្មើនឹង​(៥០០០​ម៉ាស​) អាល់កុល​៦០​លីត្រ និង​ថវិកា​១​លាន​រៀល​។​

​លោក​អភិបាលខេត្ត បាន​ថ្លែង​នូវ​ការ​អរគុណ​ចំពោះ លោក ថោង ប៊ុនធឿន និង​ក្រុមគ្រួសារ​ដែល​បាន​ចូលរួម​បរិច្ចាគ​នូវ​អំណោយ និង​ថវិការ​ផ្ទាល់ខ្លួន ក្នុង​ផ្តល់ឱ្យ​រដ្ឋបាលខេត្ត​សម្រាប់​គាំទ្រ​ដល់​ការងារ​ប្រយុទ្ធប្រឆាំង នឹង​ជំងឺ​កូ​វីដ​១៩ ដែល​នេះ​សបញ្ជាក់​ឱ្យឃើញ​នូវ​កាយវិការ​ប្រកបដោយ​ស​ប្បុ​រសធម៌ និង​ជា​វប្បធម៌​នៃ​ការចែករំលែក​ទៅលើ​ការជួយ​គ្នា​ក្នុង​គ្រា​លំបាក​។​

​លោក​អភិបាលខេត្ត​បាន​បញ្ជាក់ថា អំណោយ​ដែល​បាន​ផ្ដល់ជូន​រដ្ឋបាលខេត្ត​នៅថ្ងៃនេះ និង​យកទៅ​ចាត់ចែង​ប្រើប្រាស់​ក្នុង​សកម្មភាព​នានា រួមទាំង​យុទ្ធនាការ​ផ្សព្វផ្សាយ​អប់រំ​នូវ​វិធានការ​បង្ការ ទប់ស្កាត់​ការឆ្លង​រាលដាល​នៃ​ជំងឺ​កូ​វីដ​១៩ ការងារ​មនុស្សធម៌ ជួយ​ដល់​ប្រជាពលរដ្ឋ​ដែលមាន​ជីវភាព​ខ្វះខាត​ស្របតាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្ដេច​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា​៕​

ទីតាំងផ្សាយពាណិជ្ជកម្ម

- Advertisment -



Most Popular