Home ព័ត៌មានជាតិ សង្គម អភិបាល​រាជធាន...

អភិបាល​រាជធានី ប្រគល់​អាកុល និង​ម៉ាស ជូន​កងទ័ព​ឈរជើង​តាម​ព្រំដែន ដើម្បី​បង្ការ​និង​ទប់ស្កាត់​ជំងឺ​កូ​វីដ​-១៩

ដោយៈ រ៉ា​ម៉ន / ភ្នំពេញៈ អាកុល​ចំនួន ៤០ កាន និង​ម៉ាស​ចំនួន ២ ម៉ឺន​ម៉ាស ត្រូវបាន​អាជ្ញាធរ រាជធានី​ភ្នំពេញ សម្រេច​ប្រគល់ជូន កងទ័ព​ឈរជើង​តាម​ព្រំដែន ដែល​ចងសម្ព័ន្ធ​មេត្រីភាព ជាមួយ​រដ្ឋបាល រាជធានី​ភ្នំពេញ ដើម្បី​បង្ការ និង​ទប់ស្កាត់​ជំងឺ​កូ​វីដ​-១៩ ខណៈដែល​ជំងឺ​នេះ បាន​កំពុង​រាលដាល​ចូល ដល់​សហគមន៍ ហើយ​នោះ​។​

​ពិធី​ប្រគល់​និង​ទទួល​អាកុល និង​ម៉ាស នេះ បានធ្វើ​ឡើង នា​សៀ​ល​ថ្ងៃទី​១១ ធ្នូ នេះ ក្រោម​វត្តមាន​លោក ឃួ​ង ស្រេង អភិបាល​រាជធានី​ភ្នំពេញ និង​លោក​ឧ​ត្ត​ម​សេនីយ៍​ទោ ឌឹ​ម បូ​ណា មេបញ្ជាការរង កងពលធំ​អន្តរាគមន៍​លេខ​៣ នៅ​សាលា​រាជធានី​ភ្នំពេញ​។​

​ក្នុងចំណោម​អាកុល ចំនួន ៤០ កាន និង​ម៉ាស ចំនួន ២ ម៉ឺន​ម៉ាស​នោះ កងពលធំ​អន្តរាគមន៍ លេខ​៣ ត្រូវបាន​ប្រគល់ជូន អាកុល​ចំនួន ១៤​កាន និង​ម៉ាស​ចំនួន ៦.០០០ ម៉ាស​។ កងពល តូច​អន្តរាគមន៍​លេខ​៩ អាកុល​ចំនួន ១០​កាន ម៉ាស​ចំនួន ៥.០០០ ម៉ាស់ ។ កងពលតូច អន្តរាគមន៍​លេខ​១២៨ អាកុល​ចំនួន ១០​កាន ម៉ាស ៥.០០០ ម៉ាស ។ បញ្ជាការដ្ឋាន​អង្គរក្ស ប្រចាំការ​ព្រះវិហារ ចំនួន ៣ កាន និង​ម៉ាស ២.០០០ ម៉ាស ។ វរៈ​នគរបាល​ការពារ​ព្រំដែន ៧៩៣ ចំនួន ៣ កាន និង​ម៉ាស ២.០០០ ម៉ាស ។ សរុប​ទាំងអស់​អាកុល​ចំនួន​៤០​កាន​និង​ម៉ាស ចំនួន​២​ម៉ឺន​ម៉ាស​៕​

PC

ទីតាំងផ្សាយពាណិជ្ជកម្ម

- Advertisment -

Most Popular