Home ព័ត៌មានជាតិ សង្គម គណៈ​បញ្ជា​ឯកភ...

គណៈ​បញ្ជា​ឯកភាព​រដ្ឋបាល​ខណ្ឌឫស្សីកែវ ចុះ​រៀបចំ​សណ្ដាប់ធ្នាប់ និង​ផ្សព្វផ្សាយ​អំពី​វិធាន​ពង្រឹង​ការបង្ការ ការពារ និង​ទប់ស្កាត់​ជំងឺ​កូ​វីដ​១៩ នៅ​ផ្សារ​ច្រាំង​ចំរេះ​

ដោយ​: រ៉ា​ម៉ន / ភ្នំពេញ​: ដោយមាន​ការដឹកនាំរ​បស់ លោក ជា ពិសី គណៈ​អភិបាលខណ្ឌ​ឫស្សីកែវ ព្រឹក​ថ្ងៃទី​១១ ខែធ្នូ ឆ្នាំ​២០២០ ការិយាល័យ​សាធារណការ ដឹកជញ្ជូន អនាម័យ បរិស្ថាន និង​សណ្តាប់ធ្នាប់​សាធារណៈ​ខណ្ឌ បាន​សហការ​ជាមួយ គណៈ​បញ្ជា​ឯកភាព​រដ្ឋបាល​សង្កាត់​ច្រាំង​ចំរេះ​ទី​២ និង​គណៈកម្មការ​ផ្សារ​ច្រាំង​ចំរេះ ចុះ​ធ្វើ​ការរៀបចំ​សណ្តាប់ធ្នាប់​នៅ​ផ្សារ​ច្រាំង​ចំរេះ ស្ថិតក្នុង​សង្កាត់​ច្រាំង​ចំរេះ​ទី​២ ខណ្ឌឫស្សីកែវ​។

​ជា​លទ្ធផល​ក្រុមការងារ​បានធ្វើ​ការដក​សម្ភារៈ​មួយចំនួន​របស់​អាជីវ​ករ ដែល​បាន​រឹង​រុស​មិន​ព្រម​អនុវត្តតាម​ការណែនាំ​ពី​សំណាក់​អាជ្ញាធរ និង​បន្ត​ដាក់លក់​លើ​ចំណីផ្លូវ​សាធារណៈ យកមក​រក្សាទុក​បណ្តោះ​អាសន្ន​នៅ​សាលាខណ្ឌ​លើសពីនេះ ក្រុមការងារ បាន​បន្ត​ផ្សព្វផ្សាយ​អំពី​វិធាន​ការពង្រឹង​ការបង្ការ ការពារ និង​ទប់ស្កាត់​ជម្ងឺ​កូ​វីដ​១៩ ទៅដល់​ប្រជាពលរដ្ឋ និង​អាជីវករ ទាំងអស់ ផងដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular