កម្ពុជា និង​យូ​នី​ដូ​ចុះហត្ថលេខា​លើ​កម្មវិធី​ស្តារ​សហគ្រាស​ក​សិ​-​ចំណីអាហារ​វិស័យ ទេសចរ​ណ៌​

ដោយៈ ពៅ​និមល​/​ភ្នំពេញៈ ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍ និង​អង្គការ អភិវឌ្ឍន៍​ឧស្សាហកម្ម​របស់​អង្គការសហប្រជាជាតិ (UNIDO) ហៅ​កាត់​ថា យូ​នី​ដូ បាន​ចុះហត្ថលេខា​តាម​ប្រព័ន្ធ Online លើ​កម្មវិធី​ភាពជា​ដៃគូ​ប្រចាំ​ប្រទេស (PCP)​សម្រាប់ ប្រទេស​កម្ពុជា​និង​កម្មវិធី​ស្តារ​សហគ្រាស​ក​សិ​-​ចំណីអាហារ​វិស័យ​ទេសចរ​ណ៌​កាលពី ម្សិលមិញ ។

​លោក ចម ប្រសិទ្ធ ទេសរដ្ឋមន្ត្រី និង ជា​រដ្ឋមន្ត្រីក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍ បាន​ស្វា​គម​ន៌ និង​បើក​កិច្ចប្រជុំ ដែលមាន​អ្នកចូលរួម​តាម​ប្រព័ន្ធ Online ជាច្រើន មកពី​ទីតាំង​និង​ប្រទេស​ខុសៗ​គ្នា រួមមាន​មកពី​តំណាង​អង្គការ យូ​នី​ដូ តំណាង ម្ចាស់ជំនួយ តំណាង​អង្គទូត អង្គការក្រៅរដ្ឋាភិបាល និង​ក្រសួង​ស្ថាប័ន​ពាក់ព័ន្ធ ។

នាឱកាស​នោះ​លោក​ក៏ បានបង្ហាញ​នូវ​មោទនភាព ដែល​កម្មវិធី PCP រួម​និង​កម្មវិធី​ស្តារ សហគ្រាស​ក​សិ​-​ចំណីអាហារ​វិស័យ​ទេសចរ​ណ៌ ត្រូវបាន​ចុះហត្ថលេខា​ជា​ផ្លូវការ​សម្រាប់ ការអនុវត្តន៍​គម្រោង​កម្មវិធី បើទោះបី​យើង​កំពុង​ជួបប្រទះ​វិបត្តិ​កូ​វីដ​-១៩ យ៉ាងណាក៏ដោយ ។​

​លោក​បាន​បន្តថា ជាការ​ពិតណាស់​កម្មវិធី PCP នេះ បានធ្វើ​ឲ្យ​មាន​ភាពស៊ីសង្វាក់ និង​បញ្ចូល​កិច្ចសហប្រតិបត្តិការ​ជាមួយ​ដៃគូ​អភិវឌ្ឍន៍​ផ្សេងៗ តាមរយៈ​ការផ្តល់ប្រាក់ កម្ចី​និង​ជំនួយឥតសំណង​ក៏ដូចជា​ការវិនិយោគ​ឯកជន សាធារណៈ ក្នុងស្រុក និង​បរទេស​។

​លោក​បាន​បន្តទៀតថា សម្រាប់​ប្រទេស​កម្ពុជា PCP នឹង​ក្លាយ​កំលាំងចលករ​បន្ថែម ដ៏​សំខាន់​មួយ​សម្រាប់​ផែនទី​បង្ហាញផ្លូវ​របស់​យើង​ឆ្ពោះទៅរក​ការសម្រេចបាន​នូវ​គោលនយោបាយ​អភិវឌ្ឍន៍​ឧស្សាហកម្ម ២០១៥-២០២៥ ហើយ លើសពីនេះ​ទៀត​កម្មវិធី​នេះ នឹង​ត្រូវបាន​បំពេញបន្ថែម​ដោយ​អន្តរាគមន៍​ជា​អន្តរ​វិស័យ​នៅក្នុង​វិស័យ​គោលនយោបាយ​និង​ស្ថិតិ​ឧស្សាហកម្ម -​ហេដ្ឋារចនាសម្ព័ន្ធ​គុណភាព -…​។

​លោក​ទេសរដ្ឋមន្ត្រី បាន​បន្ថែមថា ការដាក់ឱ្យ​ដំណើរការ​ជា​ផ្លូវការ​នៃ PCP នេះ​គឺមាន​ភាព ទាន់ពេលវេលា​និង​ចាំបាច់​នៅពេលដែល​យើង​ត្រូវ​រួម​កម្លាំង​និង​កៀរគរ​ប្រភពធនធាន​ដើម្បី​កាត់បន្ថយ​ផលប៉ះពាល់​នៃ​ជំងឺ​រាតត្បាត Covid-19 និង​ដើម្បី​ទ្រទ្រង់​កំណើនសេដ្ឋកិច្ច របស់​យើង​ក្នុង​“ ភាពប្រក្រតី​ថ្មី​ឡើងវិញ​” ។

​ឆ្លៀត​ក្នុងឱកាស​នោះ លោក ទេសរដ្ឋមន្ត្រី ចម ប្រសិទ្ធ ក៏បាន​ថ្លែងអំណរគុណ​ដល់ ម្ចាស់ជំនួយ​រួមមាន​មកពី​សហគម​ន៌​អឺរ៉ុប រដ្ឋាភិបាល​កូរ៉េ​-​ចិន​-​ទី​ភ្នា​ក់​កិច្ចសហប្រតិបត្តិការ អភិវឌ្ឍ​ន៌​នៃ​ប្រទេស​ស្វី​ស (SDC) និង​អង្គការ​បរិស្ថាន​សកល (GEF) ដែល​បានផ្តល់ ជំនួយ​អភិវឌ្ឍន៍ និង​បច្ចេកទេស លើ​វិស័យ​អាទិភាព​ជាច្រើន ក្រោម​ក្របខណ្ឌ PCP នេះ ៕​PC

ទីតាំងផ្សាយពាណិជ្ជកម្ម

- Advertisment -

Most Popular