Home ព័ត៌មានជាតិ សង្គម អាវុធហត្ថ​ពង្...

អាវុធហត្ថ​ពង្រឹងគុណភាព ការងារ​ហ្វឹកហ្វឺន បណ្តុះបណ្តាល បំប៉ន​វគ្គ​វិ​ក្រឹ​ត​ការ និង​ធ្វើ​បច្ចុប្បន្នភាព

ដោយ​: ភ្នំ​ស្វាយ / បន្ទាយមានជ័យ​: អាវុធហត្ថ​ពង្រឹងគុណភាព ការងារ​ហ្វឹកហ្វឺន បណ្តុះបណ្តាល បំប៉ន​វគ្គ​វិ​ក្រឹ​ត​ការ និង​ធ្វើ​បច្ចុប្បន្នភាព​មួយចំនួន​។​

​មន្ត្រី​អាវុធហត្ថ​ខេត្តបន្ទាយមានជ័យ បាន​ឲ្យ​ដឹង​កាលពី​ថ្ងៃទី​១១​ខែធ្នូ​ឆ្នាំ​២០២០ ថា​៖ ក៏​ដូច​អាវុធហត្ថ​ខេត្ត​និង​រាជធានី​ដទៃទៀត​ដែរ គឺ​ត្រូវតែ​ពង្រឹងគុណភាព ការងារ​ហ្វឹកហ្វឺន បណ្តុះបណ្តាល បំប៉ន​វគ្គ​វិ​ក្រឹ​ត​ការ និង​ធ្វើ​បច្ចុប្បន្នភាព​។​

​នេះ​បើ​យោង​កិច្ចប្រជុំ​ផ្សព្វផ្សាយ​មួយ​តាមរយៈ​ប្រព័ន្ធ​បញ្ជូន​រូបភាព និង​សម្លេង (Video Conference) នៅ​សាលប្រជុំ​តូច​ជាន់​ទី​៣ អាវុធហត្ថ​ខេត្តបន្ទាយមានជ័យ ក្រោម​អធិបតីភាព​លោកឧ​ត្ត​ម​សេនីយ៍​ឯក ភួង ស៊ី​ភិន មេបញ្ជាការ​ការរង អាវុធហត្ថ​លើ​ផ្ទៃ​ប្រទេស ទទួល​ការងារ​អប់រំ បណ្ដុះបណ្ដាល និង​ហ្វឹកហ្វឺន​។​

​នៅ​បញ្ជ​ការដ្ឋាន​អាវុធហត្ថ​ខេត្តបន្ទាយមានជ័យ លោក ឧ​ត្ត​ម​សេនីយ៍​ត្រី បោ​ន ប៊ិន មេបញ្ជាការ​អាវុធ​ហ​ត​ហ​ថ​ខេត្ត បាន​ដឹកនាំ​។ លោក​មេបញ្ជាការរង លោក​នាយរង​សេនាធិការដ្ឋាន​, លោក​អាវុធហត្ថ​ខេត្ត លោក​ប្រធាន​មន្ទីរ​, លោកនាយ​ការិយាល័យ​ហ្វឹកហ្វឺន​, លោកនាយ​លេខាធិការដ្ឋាន ចំនួន​២៣​នាក់ បាន​អញ្ជើញ​ចូលរួម​ប្រជុំ​ស្ដាប់​ការផ្សព្វផ្សាយ សេចក្តីណែនាំ ស្តីពី វិធានការ​ពង្រឹង ការអនុវត្តន៍ លក្ខន្តិក​:​ទូទៅ ចំពោះ​យោធិន , បទ​វិន័យ​ទូទៅ​សម្រាប់​កងយោធពល​ខេមរភូមិន្ទ និង​លំ​ហាត់​របៀប​របស់​កងយោធពល​ខេមរភូមិន្ទ ព្រមទាំង​ផ្សព្វផ្សាយ​សេចក្តីសម្រេច​របស់លោក​នាយ​ឧត្ដមសេនីយ៍ សៅ សុខា អគ្គ​មេបញ្ជាការរង នៃ​កងយោធពល​ខេមរភូមិន្ទ មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស ស្តីពី​ការបង្កើត​ក្រុមការងារ ពង្រឹងគុណភាព ការងារ​ហ្វឹកហ្វឺន បណ្តុះបណ្តាល បំប៉ន​វគ្គ​វិ​ក្រឹ​ត​ការ និង​ធ្វើ​បច្ចុប្បន្នភាព​មួយចំនួន​ក្នុង​កងរាជអាវុធហត្ថ​ផងដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular