ឆ្នាំ​២០២០ : ប៉ូលិស​ក្រុងភ្នំពេញ​បង្ក្រាប​គ្រឿងញៀន​ជិត ២០០​គីឡូ​និង​ឃាត់ខ្លួន​មនុស្ស​ជាង ៣.០០០​នាក់​

​ដោយៈ មុនី​រ័ត្ន​/​ភ្នំពេញៈ គ្រឿងញៀន​ជិត ២០០​គីឡូក្រាម ត្រូវបាន​បង្ក្រាប និង​ជនជាតិខ្មែរ និង​បរទេស​ស​ចំនួន ៣.៦៣៨​នាក់​ត្រូវបាន​ចាប់ខ្លួន​និង​ដកហូត​វត្ថុតាង​ជាច្រើន​។​ការបង្ក្រាប​នេះ​បាន​ធ្វើឡើង​នៅក្នុង​ប្រតិបត្តិ​ការបង្ក្រាប​រយៈពេល ១​ឆ្នាំ គឺ​ឆ្នាំ​២០២០ ដោយ​កម្លាំង​នគរបាល នៃ​ស្នងការដ្ឋាន​នគររាជ​ធានី​ភ្នំពេញ​។​

ឆ្នាំ​២០២០ : ប៉ូលិស​ក្រុងភ្នំពេញ​បង្ក្រាប​គ្រឿងញៀន​ជិត ២០០​គីឡូ​និង​ឃាត់ខ្លួន​មនុស្ស​ជាង ៣.០០០​នាក់​(រូបឯកសារ)

​យោងតាម​របាយការណ៍​របស់​ស្នងការដ្ឋាន​នគរបាល​រាជធានី​ភ្នំពេញ​ដែល​រស្មី​កម្ពុជា​ទទួលបាន​ឱ្យដឹង​ថា នៅ​ឆ្នាំ​២០២០ កម្លាំង​នគរបាល​រាជធានី​ភ្នំពេញ​ចេញ​ប្រតិបត្តិ​ការអនុវត្ត​យុទ្ធនាការ​ប្រយុទ្ធប្រឆាំង​គ្រឿងញៀន​ខុស​ច្បាប់​លើក​ទី​៥ ដោយ​ចេញ​បង្ក្រាបបាន ២.០៧៥​ករណី ប្រៀបធៀប​និង​ឆ្នាំ​២០១៩ ចេញ​បង្ក្រាបបាន ២.២៧៧​ករណី នាំឱ្យ​បទល្មើស​គ្រឿងញៀន​បាន​ថយចុះ​២០២​ករណី​។ ឃាត់ខ្លួន​ជនសង្ស័យ​ចំនួន ៣.៦៣៨​នាក់ ។ក្នុង​នោះ​ចាប់យក​នឹង​ដក​វត្ថុ​គ្រឿងញៀន​សរុប ១៩៧​គីឡូក្រាម និង​៣៥៨​ក្រាម​៦៥ អាវុធខ្លី​៣​ដើម ដាវ​ដែក​កែច្នៃ​១៤​ដើម រថយន្ត​៤​គ្រឿង ម៉ូតូ​៥.៥៧០​គ្រឿង ទូរស័ព្ទដៃ​៤៧៥​គ្រឿង និង​ឧបករណ៍ប្រើប្រាស់​គ្រឿងញៀន​មួយ​ចំនួនធំ​ផង​។​

​ ​ជុំវិញ​វិធាន​ការបន្ត​អនុវត្ត​យុទ្ធនាការ​ប្រយុទ្ធប្រឆាំង​គ្រឿងញៀន​របស់​កងកម្លាំង​នគរបាល​រាជធានី​ភ្នំពេញ​ឱ្យ​កាន់​តែមាន​ប្រសិទ្ធភាព​ថែមទៀត លោក​វរសេនីយ៍ទោ រ៉ឹ​ម ម៉ិច នាយការិយាល័យ​នគរបាល​ប្រឆាំង​គ្រឿងញៀន​នៃ​ស្នងការដ្ឋាន នគរបាល​រាជធានី​ភ្នំពេញ​ប្រាប់​ឱ្យដឹងថា​អនុវត្តតាម​គោលការណ៍​ដឹកនាំ​របស់​ក្រសួងមហាផ្ទៃ​អគ្គស្នងការដ្ឋាន​នគរ​បាល​ជាតិ ប្រធាន​គណៈកម្មាធិការ​ត្រួតពិនិត្យ​គ្រឿងញៀន រាជធានី​ភ្នំពេញ និង​បទបញ្ជា​ផ្ទាល់​របស់លោក​ឧ​ត្ត​ម​សេនីយ៍​ឯក ស ថេត អគ្គ​ស្នងការរង​នគរបាលជាតិ​និង​ជា​ស្នងការ​នគរបាល​រាជធានី​ភ្នំពេញ​កម្លាំង​នគរបាល​ការិយាល័យ​ប្រឆាំង​គ្រឿងញៀន​បន្ត​ចូលរួម​សហការ​ជាមួយ​កម្លាំង​នគរបាល​ផែន​ការងារ​ព្រហ្មទណ្ឌ​និង​កម្លាំង​តាម​បណ្តា​អធិការដ្ឋាន​នគរបាល​ខណ្ឌ​ទាំង​១៤ ដើម្បី​ស្រាវជ្រាវ​បង្ក្រាប​មុខសញ្ញា​ប្រព្រឹត្ត​បទល្មើស​គ្រឿងញៀន​នៅក្នុង​ភូមិសាស្ត្រ​រាជធានី​ភ្នំពេញ​,​បន្ត​ចេញ​ផ្សព្វផ្សាយ​អប់រំ​ជូន​ប្រជាពលរដ្ឋ​ឱ្យបាន​យល់​ពី​ផលប៉ះពាល់​នៃ​គ្រឿងញៀន​ដោយ​ត្រូវ​នាំគ្នា​នៅ​ឱ្យ​ឆ្ងាយ​ពី​គ្រឿងញៀន​និង​បំផុស​ឱ្យ​ប្រជាពលរដ្ឋ​បន្ត​ចូលរួម​សហការ​ជាមួយ​សមត្ថកិច្ច​ដើម្បី​ឈានដល់​អនុវត្ត​វិធាន​ការបង្ការ​ទប់ស្កាត់​និង​បង្ក្រាប​មុខសញ្ញា​គ្រឿងញៀន​នៅក្នុង​មូលដ្ឋាន​ឱ្យ​កាន់​តែមាន​ប្រសិទ្ធភាព​។​

ឆ្នាំ​២០២០ : ប៉ូលិស​ក្រុងភ្នំពេញ​បង្ក្រាប​គ្រឿងញៀន​ជិត ២០០​គីឡូ​និង​ឃាត់ខ្លួន​មនុស្ស​ជាង ៣.០០០​នាក់​(រូបឯកសារ)

​ការបង្ក្រាប​គ្រឿងញៀន​ពី​កម្លាំង​នគរបាល​រាជធានី​ភ្នំពេញ​នេះ​បាន​នាំឱ្យ​បទល្មើស​គ្រឿងញៀន​នៅ​ឆ្នាំ​២០២០​នេះ​មានការ​ថយចុះ​គួរឱ្យកត់សម្គាល់​។ ក្នុងនោះ​នៅ​ឆ្នាំ​២០២០ ក៏បាន​បង្ក្រាប​ក្លិប​កម្សាន្ត​ធំៗ​ចំនួន​៣​កន្លែង ជាប់​ពាក់ព័ន្ធ​និង​ការជួញដូរ និង​ផ្តល់​ទីតាំង​ឱ្យប្រើ​ប្រាស់​គ្រឿងញៀន​ខុសច្បាប់​។​
​ការចេញ​ប្រតិបត្តិ​ការបង្ក្រាប​បទល្មើស​គ្រឿងញៀន​ពី​សំណាក់​កម្លាំង​នគរបាល​រាជធានី​ភ្នំពេញ​សម្រេចបាន​លទ្ធផល​ពេលនេះ​ក្រោម​ការដឹកនាំ​បញ្ជា​ផ្ទាល់​ដោយ​លោក​ឧ​ត្ត​ម​សេនីយ៍​ឯក ស ថេត អគ្គ​ស្នងការរង​នគរបាលជាតិ​និង​ជា​ស្នងការ នគរបាល​រាជធានី​ភ្នំពេញ​ដែល​តែងតែ​ដាក់បទបញ្ជា​មុតមាំ​ឱ្យកម្លាំង​នគរបាល​រាជធានី​ភ្នំពេញ​គ្រប់ផ្នែក​និង​ជំនាញ ត្រូវ​ចេញ​ប្រតិបត្តិ​ការបង្ក្រាប​បទល្មើស​គ្រឿងញៀន​ឱ្យមាន​ប្រសិទ្ធភាព​ខ្ពស់បំផុត​នឹង​ធ្លាប់​ប្រមាន​ចាត់វិធានការ​តាមផ្លូវ​ច្បាប់​ដោយ​មិន​លើកលែង​ចំពោះ​មន្ត្រីនគរបាល​ដែល​ជាប់​ពាក់ព័ន្ធ​និង​បទល្មើស​គ្រឿងញៀន​។​
​វិធានការ​បង្ក្រាប​ត្រូវធ្វើ​រាល់​សកម្មភាព​បទល្មើស​គ្រឿងញៀន​ទាំង​ទ្រង់​ទាយ​តូច​និង​ទ្រង់ទ្រាយ​ធំ​ហើយ​ការបង្ក្រាប​នោះ​មិនត្រូវ​ដកថយ​នោះឡើយ​។​ពោលគឺ​ត្រូវធ្វើ​សកម្មភាព​ចេញ​ប្រតិបត្តិ​ការបង្ក្រាប​គ្រឿងញៀន​ជាប្រចាំ​ដើម្បី​ពង្រឹង​ការពារ​ថែរក្សា​សន្តិសុខ​ធានា​ឱ្យបាន​នូវ​សុខ​សុវត្ថិភាព​ជូន​ប្រជាពលរដ្ឋ​។​បទល្មើស​គ្រឿងញៀន​ត្រូវគេ​ចាត់ទុកថា​បាន​បង្ក​ឱ្យ​ប៉ះពាល់​អសន្តិសុខ​នៅក្នុង​សង្គម​ជាខ្លាំង​៕​សរន​

ឆ្នាំ​២០២០ : ប៉ូលិស​ក្រុងភ្នំពេញ​បង្ក្រាប​គ្រឿងញៀន​ជិត ២០០​គីឡូ​និង​ឃាត់ខ្លួន​មនុស្ស​ជាង ៣.០០០​នាក់​(រូបឯកសារ)

ឆ្នាំ​២០២០ : ប៉ូលិស​ក្រុងភ្នំពេញ​បង្ក្រាប​គ្រឿងញៀន​ជិត ២០០​គីឡូ​និង​ឃាត់ខ្លួន​មនុស្ស​ជាង ៣.០០០​នាក់​(រូបឯកសារ)

ឆ្នាំ​២០២០ : ប៉ូលិស​ក្រុងភ្នំពេញ​បង្ក្រាប​គ្រឿងញៀន​ជិត ២០០​គីឡូ​និង​ឃាត់ខ្លួន​មនុស្ស​ជាង ៣.០០០​នាក់​(រូបឯកសារ)

ឆ្នាំ​២០២០ : ប៉ូលិស​ក្រុងភ្នំពេញ​បង្ក្រាប​គ្រឿងញៀន​ជិត ២០០​គីឡូ​និង​ឃាត់ខ្លួន​មនុស្ស​ជាង ៣.០០០​នាក់​(រូបឯកសារ)

ទីតាំងផ្សាយពាណិជ្ជកម្ម

- Advertisment -

Most Popular