Home ព័ត៌មានជាតិ វប្បធម៌ កិច្ចប្រជុំ​រ...

កិច្ចប្រជុំ​របស់​គណៈកម្មាធិកា​រ​អន្ដរជាតិ​អាយ​ស៊ី​ស៊ី​-​អង្គរ ត្រូវបាន​លើក​ពេល​

ដោយៈ​បូព៌​ព្រឹក្ស​/​ភ្នំពេញៈកិច្ចប្រជុំ​របស់​គណៈកម្មាធិកា​រ​អន្ដរជាតិ​អាយ​ស៊ី​ស៊ី​-​អង្គរ​ត្រូវបាន​លើក​ពេល​។​នេះ​បើ​យោងតាម​សេចក្តីជូនដំណឹង​របស់​អាជ្ញាធរ​ជាតិ​អប្សរា​នៅ​ល្ងាច​ថ្ងៃទី​១១​ខែធ្នូ​នេះ​។​

​អាជ្ញាធរ​ជាតិ​អប្សរា សូម​ជម្រាប​ជូនដំណឹង​ដល់​សាធារណជន​ឱ្យបាន​ជ្រាបថា សម័យប្រជុំ​បច្ចេកទេស​លើក​ទី​៣៤ និង​សម័យប្រជុំ​ពេញអង្គ​លើក​ទី​២៧​នៃ​គណៈកម្មាធិការ​អន្ដរជាតិ​ដើម្បី​សម្របសម្រួល​កិច្ច​គាំពារ​និង​អភិវឌ្ឍន៍​រមណីយដ្ឋាន​ប្រវត្តិសាស្ដ្រ​អង្គរ​ហៅ​កាត់​ថា​អាយ​ស៊ី​ស៊ី​-​អង្គរ​ដែល​គ្រោង​រៀបចំ​នៅ​ពាក់កណ្ដាល​ខែធ្នូ​នេះ​ត្រូវបាន​លើក​ពេល​ទៅ​ថ្ងៃក្រោយ​។ មូលហេតុ​នៃ​ការសម្រេច​លើក​ពេល​កិច្ចប្រជុំ​ដែល​គ្រោង​រៀបចំ​តាម​ប្រព័ន្ធ​វីដេអូ នៅ​ថ្ងៃទី​១៥ និង​ទី​១៦ ខែធ្នូ​នៅ​សណ្ឋាគារ ស៊ូ​ហ្វី​តែ​ល​អង្គរ​ភូ​គី​ត្រា​ខេត្តសៀមរាប​គឺ​ស្របតាម​ការណែនាំ​ពី​រាជរដ្ឋាភិបាល​កម្ពុជា​ក្នុងការ​ចូលរួម​ទប់ស្កាត់​ការរីករាយ​ដាល​ជំងឺ​កូ​វីដ​១៩​ដែល​ក្នុងនោះ​ក៏មាន​ការឯកភាព​ស្ថាប័ន​ពាកព័ន្ធ​គឺ​ពី​សហប្រធាន​ទាំងពីរ​(​បារាំង​និង​ជប៉ុន​)​ការិយាល័យ​អង្គការ​យូណេស្កូ​ប្រចាំរាជធានី​ភ្នំពេញ និង​អាជ្ញាធរ​ជាតិ​អប្សរា​។​
​ប្រភព​ដដែល​បន្តថា​ចំពោះ​កាលបរិច្ឆេទ​ថ្មី​សម្រាប់​កិច្ចប្រជុំ​ខាងលើនេះ​អាជ្ញាធរ​ជាតិ​អប្សរា​នឹង​ជូនដំណឹង​ជាថ្មី​នៅពេល​ក្រោយ​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular