Home ហោរាសាស្ត្រ ហោរាសាស្ត្រ​

ហោរាសាស្ត្រ​

​ ​ ​ ​ ​
ប្រចាំថ្ងៃសៅរ៍ ទី១២ ខែធ្នូ ឆ្នាំ២០២០​

​ឆ្នាំជូត​
​រាសី​ខ្ពស់ត្រដែត​។​នៅ​ខែធ្នូ​នេះ​ដួង​រាសី​ឡើង​ខ្ពស់ ហេតុនេះ​រាល់​ការប្រកប​ការងារ​ឬ​ធ្វើ​អ្វីមួយ​តែង​ជឿនលឿន​និង​ធ្វើ​អ្វី​ក៏​តែង​ទទួលផល​គ្រាន់​កាក់កប​ឡើងវិញ​។​ដោយ​ឡែ​នៅថ្ងៃនេះ​វិញ​អ្នក​ប្រកប​របរ​រកស៊ី​ជួញដូរ​បើ​លោកអ្នក​ចង់​ជួញ​ផ្លូវ​ឆ្ងាយ​មិន​ថា​ផ្លូវទឹក​,​ផ្លូវអាកាស​ឬ​ផ្លូវគោក​ក្តី​តែង​អាច​រក​ផល​កម្រៃ​ចូល​ផ្ទះ​វិញ​គ្រាន់បើ​តែ​យ៉ាងណា​ឱ្យ​ប្រយ័ត្ន​ជួប​គ្រោះ​ចាញ់បោក​គេ​ផងដែរ​ព្រោះ​ភាព​ស៊យ​នៅ​អុកឡុក​យាយី​នៅឡើយ​ទេ​។​ការធ្វើដំណើរ​ឆ្ងាយ​ជិត​មានតែ​ក្រុមមនុស្ស​អាណិត​ស្រឡាញ់​និង​បើ​មានការ​ពឹងពាក់​អ្វីមួយ​ផង​គេ​តែង​ជួយ​អស់ពី​ចិត្ត​ពី​ថ្លើម​។​
បញ្ហា​គូគ្រង​ប្តី​ប្រពន្ធ​ឬ​គូស្នេហ៍​ប្រុស​ស្រី​បើ​មានការ​ពូន​ជ្រោយ​សេចក្តីស្នេហា​ដោយមាន​ការយកចិត្តទុកដាក់​និង​ផ្អែមល្ហែម​ដាក់គ្នា​ជាការ​គាប់ប្រសើរ​បំផុត​៕

​ឆ្នាំឆ្លូវ​
​រាសី​ខ្ពស់ត្រដែត​។​នៅ​ខែធ្នូ​នេះ​ដួង​រាសី​ឡើង​ខ្ពស់ ហេតុនេះ​ធ្វើឱ្យ​ដំណើរ​ជីវិត​មាន​ភាពរលូន​ល្អប្រសើរ​បន្តិច​ឡើងវិញ​។​អ្នក​ប្រកប​របរ​រកស៊ី​ជួញដូរ​ក្នុងថ្ងៃនេះ​ដែរ​មានការ​រីកលូតលាស់​ទៅមុខ​គួរសម ហើយ​បើ​លោកអ្នក​ចង់​បើក​របរ​ថ្មី​ឬ​ចេញ​ធ្វើ​ជំនួញ​ទីជិត​ឆ្ងាយ​តែង​ហុច​ផ្លែផ្កា​គួរ​ជាទី​ពេញចិត្ត​ផងដែរ​។​ការធ្វើដំណើរ​ឆ្ងាយ​ជិត​ជួប​ភាព​សុខដុម​ដូច​សព្វមួយដង​។​
​រីឯ​សម្ព័ន្ធ​ស្នេហា​កំលោះ​ក្រមុំ​មាន​ភាព​លូតលាស់​ប្រពៃ​ប៉ុន្តែ​យ៉ាងណា​ភាព​ប្រចែប្រច័ណ្ឌ​នៅតែ​លុកលុយ​នៅឡើយ​ទេ​៕

​ឆ្នាំខាល​
​រាសី​ស្រុតចុះ​។​នៅថ្ងៃនេះ​មិន​ផ្តល់​ផល​ល្អ​ក្នុង​ការប្រកប​កិច្ចការងារ​ណា​ដែល​សំខាន់​ឬ​ធំដុំ​ពេក​ឡើយ​ពីព្រោះថា​ផល​អាក្រក់​ងាយ​កើតឡើង​ច្រើន​ចំពោះមុខ​។​សម្រាប់​ខែធ្នូ​ខែ​នេះដែរ​តាម​ក្បួន​ហោរាសាស្ត្រ​ចិន​បញ្ជាក់ថា​ដួង​រាសី​ខែ​របស់​លោកអ្នក​គឺ​ល្អជា​មធ្យម​។​ដោយឡែក​ថ្ងៃនេះ​វិញ​អ្នក​ប្រកប​របរ​រកស៊ី​ជួញដូរ​មានការ​ប្រជែង​គ្នាច្រើន​និង​ពិសេស​មាន​ការប្រទាំងប្រទើស​ជាមួយ​អ្នកមាន​មុខរបរ​ដូច​គ្នា​ផង​ហេតុនេះ​លោកអ្នក​គួរ​មាន​ការបើក​ចិត្ត​ឱ្យ​ទូលាយ​បន្តិច​ទើប​គ្មាន​រឿងរ៉ាវ​ចម្រូងចម្រាស​កើតឡើង​។​
​រីឯ​បញ្ហា​សម្ព័ន្ធ​ស្នេហា​ប្រុស​ស្រី​មានការ​រកាំចិត្ត​ព្រោះតែ​ម្នាក់ៗ​ចង់​ចាញ់ឈ្នះ​គ្នា​ទៅវិញទៅមក​៕

ឆ្នាំថោះ​
​រាសី​ល្អជា​មធ្យម​។​លោកអ្នក​កើត​ឆ្នាំ​ទន្សាយ​នៅ​ខែធ្នូ​ឃើញថា​ដំណើរ​ជីវិត​ធ្លាក់​ស្រុតចុះ ធ្វើឱ្យ​ការប្រកប​ការងារ​អ្វី​មាន​បញ្ហា​រាំងស្ទះ​និង​រឿង​រាវ​ចូលមក​នាំ​ពិបាក​ដោះស្រាយ​ផងដែរ​។​សម្រាប់​បើជា​អ្នក​ប្រកប​របរ​រកស៊ី​ជួញដូរ​ក្នុងថ្ងៃនេះ​ដែរ​មានការ​ប្រជែង​តម្លៃ​គ្នា​បន្តិច​ដូចនេះ​ការ​ជួញ​ទីជិត​ឆ្ងាយ​ផល​កម្រៃ​ឃើញថា​ជួប​ការ​ខ្សត់ខ្សោយ​តែបើ​មាន​អតិថិជន​ជំពាក់​ប្រាក់កាស​បែរជា​ផ្តល់​ឱកាសល្អ​ក្នុង​ការទារ​ទៅវិញ​។
សម្ព័ន្ធ​ស្នេហា​កំលោះ​ក្រមុំ​ក្នុងថ្ងៃនេះ​ដែរ​មានការ​ឆាប់​ប្រេះឆា​និង​កើតការ​ប្រឆាំង​គ្នា​ណាស់​គួរ​ចេះ​អត់ឱន​ឱ្យ​គ្នា​ខ្លះ​ទើប​ប្រសើរ​៕

​ឆ្នាំរោង​
​រាសី​ស្រុតចុះ​។​អ្នក​កើត​ឆ្នាំរោង​នៅក្នុង​ខែធ្នូ​នេះ​ដំណើរ​ជីវិត​របស់លោក​អ្ន​កឡើ​ង​ខ្ពស់ ហេតុនេះ​ធ្វើឱ្យ​ទាំង​ការប្រកប​ការងារ​និង​ដំណើរ​ជីវិត​បាន​ធូរស្បើយ​ពី​ការលំបាក​ច្រើន​ឡើងវិញ​។​នៅថ្ងៃនេះ​វិញ​ដោយសារ​ដួង​រាសី​ស្រុតចុះ ហេតុនេះ​បើ​មាន​បញ្ហា​អ្វី​តោង​តែ​ចេះ​ត្រួតពិនិត្យ​និង​អត់ធ្មត់​បន្តិច​ទើប​គ្មាន​បញ្ហា​ចោទឡើង​។​ចំពោះ​អ្នក​ប្រកប​របរ​រកស៊ី​ជួញដូរ​ការរក​ផល​ចំណូល​មាន​ភាព​តានតឹង​វិញ​តែ​យ៉ាងណា​ការ​ជួញ​ទីជិត​ឆ្ងាយ​ជួប​សេចក្តីសុខក្សេមក្សាន្ត​ដូច​សព្វមួយដង​។​ចំណែក​ការធ្វើដំណើរ​ពេល​ទៅ​មាន​សុ​វត្តិភាព​ល្អ​តែ​ពេល​ត្រឡប់មកវិញ​ពុំ​សូវ​មាន​សុ​វត្តិភាព​ទេ​គួរ​បន្ថែម​ការប្រុងប្រយ័ត្ន​។​
​រីឯ​សម្ព័ន្ធ​ស្នេហា​កំលោះ​ក្រមុំ​កើតមាន​ការប្រឆាំង​គ្នា​និង​មានរឿង​ប្រទាំង​ប្រទើស​ច្រើន​៕

ឆ្នាំម្សាញ់​
​រាសី​ខ្ពស់ត្រដែត​។​នៅថ្ងៃនេះ​ឃើញថា​ដំណើរ​ជីវិត​ល្អប្រសើរ ហេតុនេះ​ទោះ​ប្រកបការងារ​អ្វី​តែង​ជឿនលឿន​និង​ទទួល​ផ្លែផ្កា​គ្រាន់​កក់ក្តៅ​។​នៅ​ខែធ្នូ​នេះ​ដំណើរ​ជីវិត​បាន​ផ្លាស់ប្តូរ​មក​ល្អប្រសើរ​បន្តិច​វិញ ហេតុនេះ​រាល់​ការងារ​មាន​ភាពរស់រវើក​និង​ទទួល​ផ្លែផ្កា​គួរសម​។​ចំពោះ​បើជា​អ្នក​ប្រកប​របរ​រកស៊ី​ជួញដូរ​វិញ​ទោះ​ជួញ​ទីជិត​ឆ្ងាយ​តែង​សម​ដូច​ប្រកបដោយ​អាច​ប្រមូល​ភោគផល​ចូល​ផ្ទះ​វិញ​យ៉ាង​ត្រជាក់ចិត្ត​ជាក់​ជាពុំខាន​។​
រីឯ​បញ្ហា​សេចក្តីស្នេហា​កំលោះ​ក្រមុំ​មាន​ភាពស្រស់​ស្រាយ​និង​កំពុងបើក​ទំព័រ​ថ្មី​សម្រាប់​អ្នក​ហើយ​៕

​ឆ្នាំមមី​
​រាសី​ស្រុតចុះ​។​លោកអ្នក​កើត​ឆ្នាំ​សេះ​ក្នុង​ខែធ្នូ​នេះ​ដួង​រាសី​ខែ​ធ្លាក់​ស្រុតចុះ ម្ល៉ោះហើយ​ធ្វើឱ្យ​ដំណើរ​ជីវិត​ជួប​នូវ​ឧបសគ្គ​រារាំង​ចំពោះមុខ​ច្រើន​នាំ​ពិបាក​ឆ្លងកាត់​ច្រើន​។​នៅថ្ងៃនេះ​ដោយសារ​ដួង​រាសី​ស្រុតចុះ​ហេតុនេះ​ទោះ​ធ្វើ​អ្វី​លោកអ្នក​តោង​តែ​ប្រយ័ត្នប្រយែង​បន្តិច​ទើប​មិនមាន​ផលប៉ះពាល់​ណាមួយ​ឈានចូល​កើត​។​ក្រៅពីនេះ​លោកអ្នក​ក៏​តែង​ជួប​នូវ​រឿង​ខ្វាយខ្វល់​ច្រើន​ផងដែរ​។​អ្នក​ប្រកប​របរ​រកស៊ី​ជួញដូរ​ក្នុងថ្ងៃនេះ​ឃើញថា​មិន​ផ្តល់​ផល​ល្អ​សម្រាប់​ការធ្វើ​ជំនួញ​ធំៗ​ប៉ុន្មាន​ទេ​ព្រោះថា​ផល​កម្រៃ​មិន​ឆ្លើយតប​ដូច​សេចក្តីប្រាថ្នា​ឡើយ​។​
រីឯ​បញ្ហា​សម្ព័ន្ធ​ស្នេហា​កំលោះ​ក្រមុំ​ជួប​រឿង​ប្រទាំង​ប្រទើស​និង​បង្ករឿង​ចំ​គ្នាច្រើន​៕

​ឆ្នាំមមែ​
​រាសី​ស្រុតចុះ​។​នៅក្នុង​ខែធ្នូ​នេះ​ឃើញថា​ដួង​រាសី​ខែ​ស្រុតចុះ​ធ្វើឱ្យ​អ្វីៗ​ក្រឡាប់ចាក់​នាំឱ្យ​ជួប​នូវ​ដំណើរ​ជីវិត​លំបាក​ច្រើន ហេតុនេះ​គប្បី​អត់ធ្មត់​និង​ប្រយ័ត្នប្រយែង​។​កិច្ចការងារ​ក្នុង​ខែ​នេះ​លោកអ្នក​មិនអាច​ប្រមាថ​បានទេ​ពីព្រោះថា​ងាយ​ជួប​នូវ​បញ្ហា​ណាស់ដែរ​។​ក្រៅពីនេះ​លោកអ្នក​ក៏ត្រូវ​គ្រប់គ្រង​អារម្មណ៍​ឱ្យបាន​ល្អ​ផងដែរ​ទើប​ប្រសើរ​។​សម្រាប់​ការប្រកប​របរ​រកស៊ី​ជួញដូរ​លោកអ្នក​អាចមាន​បាតុភាព​រកាំរកូស​ខ្លះៗ​កើតឡើង​ដូចនេះ​ត្រូវ​ចេះ​បើក​ចិត្ត​ឱ្យ​ទូលាយ​ដោយ​ធ្វើ​មិនដឹងមិនឮ​ចំពោះ​រឿង​រាវ​ខ្លះ​ទើប​ប្រសើរ​បំផុត​។​ការធ្វើដំណើរ​ទីជិត​ឆ្ងាយ​ឱ្យ​ប្រយ័ត្ន​រោគ​ជំងឺ​បៀតបៀន​យាយី​ដោយ​ប្រការ​ណាមួយ​។​
រីឯ​បញ្ហា​ស្នេហា​កំលោះ​ក្រមុំ​បើ​ចង់​ធ្វើការ​ជ្រើសរើស​គូស្រករ​ពុំ​ល្អ​ទេ​គប្បី​មានការ​ត្រួតពិនិត្យ​ឱ្យបាន​គ្រប់​ជ្រុងជ្រោយ​ព្រោះ​ច្រើន​ជួប​គូកម្ម​ច្រើនជាង​គូព្រេង​៕

​ឆ្នាំវក​
​រាសី​ល្អជា​មធ្យម​។​លោកអ្នក​កើត​ឆ្នាំ​ស្វា​នៅ​ខែធ្នូ​នេះ​ឃើញថា​ដំណើរ​ជីវិត​ល្អប្រសើរ​គួរសម ហេតុនេះ​ធ្វើឱ្យ​ទាំង​ការប្រកប​ការងារ​ឬ​ចង់​ធ្វើ​អ្វីមួយ​តែងមាន​ភាពល្អប្រសើរ​ជាង​នា​កន្លងមក​។​ដោយឡែក​នៅថ្ងៃនេះ​វិញ​អ្នក​ប្រកប​របរ​រកស៊ី​ជួញដូរ​ដោយសារ​យីអ៊ុន​ពុំ​សូវ​អំណោយផល​ទេ ដូចនេះហើយ​ធ្វើឱ្យមាន​ក្រុមមនុស្ស​តាម​ឈ្នានីស​និង​ព្យាបាទ​យាយី​ច្រើន​។​ការធ្វើដំណើរ​ឆ្ងាយ​ជិត​ពិសេស​ទិសបស្ចឹម​ឱ្យ​ប្រយ័ត្ន​ក្រុមមនុស្ស​បង្កបញ្ហា​ណាមួយ​ត្រូវ​ជួប​ការលំបាក​កើតឡើង​។​
​សម្ព័ន្ធ​ស្នេហា​កំលោះ​ក្រមុំ​កុំ​គប្បី​ឈ្លក់​នឹង​ល្បែង​កាមគុណ​ប្រយ័ត្ន​រែកពន់​ភាព​ទុក្ខសោក​នៅពេល​ក្រោយ​៕

​ឆ្នាំរកា​
​រាសី​ខ្ពស់ត្រដែត​។​នៅក្នុង​ខែធ្នូ​នេះ​លោកអ្នក​កើត​ឆ្នាំ​មាន់ដំណើរ​ជីវិត​របស់​លោកអ្នក​ស្រុតចុះ ធ្វើឱ្យ​កិច្ចការងារ​មាន​បញ្ហាលំបាក​ច្រើន​ត្រូវ​ឆ្លងកាត់​។​លោកអ្នក​ឱ្យ​ប្រយ័ត្នប្រយែង​បញ្ហា​សុខភាព​បន្តិច​។​ក្រៅពីនេះ​បញ្ហា​ការងារ​ជួប​រឿង​រាវ​តានតឹង​និង​មាន​បញ្ហា​ប្រឈម​ក៏​ច្រើន​ដែរ​។​ដោយឡែក​នៅថ្ងៃនេះ​វិញ​ដោយសារ​ដួង​រាសី​ឡើង​ខ្ពស់​ម្ល៉ោះហើយ​ការប្រកប​ការងារ​ទោះ​ធ្វើ​អ្វី​ក៏​ដោយមាន​ក្រុមមនុស្ស​តែង​ខ្លាចក្រែង​និង​អាណិត​ស្រឡាញ់​ច្រើន​ឡើងវិញ​។​ចំពោះ​អ្នក​ប្រកប​របរ​រកស៊ី​ជួញដូរ​ការ​ជួញ​ទីជិត​ឆ្ងាយ​មាន​ភាពរលូន​ល្អ​ទៅមុខ​ជានិច្ច​ហើយ​បើ​លោកអ្នក​ចង់​បើកមុខ​របរ​ថ្មី​ឬ​ចង់​ចរចា​ទិញ​អ្វីមួយ​ជា​ឱកាសល្អ​គួរសម​ដែរ​។​
រីឯ​សម្ព័ន្ធ​ស្នេហា​កំលោះ​ក្រមុំ​មាន​ភាព​ស្រស់ស្រាយ​ប្រៀប​ដូច​ត្រី​ក្នុង​ទឹក​ហើយ​បើ​ចង់​ផ្សះផ្សា​ជម្លោះ​ជា​ពេលវេលា​ល្អ​ព្រោះ​ឆាប់​ប្រែប្រួល​ពី​អាក្រក់​មក​ល្អ​ណាស់​ផង ៕

​ឆ្នាំច​
​រាសី​ស្រុតចុះ​។​នាពេលនេះ​លោកអ្នក​ធ្វើ​អ្វីមួយ​គឺ​ក្រុមមនុស្ស​គេ​តែង​មិនសូវ​ខ្លាចក្រែង​ទេ ពិសេស​អាច​ប្រមាថ​ឬ​រំលោភបំពាន​អ្វីមួយ​ថែមទៀត​។​ការប្រកប​ការងារ​នៅថ្ងៃនេះ​ដែរ​លោកអ្នក​ត្រូវ​ចេះ​ទប់ស្កាត់​បញ្ហា ហើយ​បើ​ឃើញ​ធំ​ត្រូវធ្វើ​ឱ្យ​តូច ដោយ​មិនត្រូវ​ពង្រីក​បញ្ហា​នាំ​ជួប​ការលំបាក​ក្នុងការ​ទប់ស្កាត់​នៅពេល​ក្រោយ​។​អ្នក​ប្រកប​របរ​រកស៊ី​ជួញដូរ​ថ្ងៃនេះ​មុខ​ជំនួញ​ឆ្ងាយ​ជិត​មានការ​ប្រែប្រួល​ពី​ល្អ​មក​អាក្រក់​ច្រើន​ដូច្នេះ​គួរ​មានការ​ប្រ​យ័​ត្ត​ប្រយែង​ឱ្យបាន​ខ្លាំងក្លា​។​
​រីង​បញ្ហា​ប្រុស​ស្រី​បើ​ចង់​ធ្វើការ​ជ្រើសរើស​គូស្រករ​ពុំសូវល្អ​ទេពី​ព្រោះ​ច្រើន​ជួប​គូកម្ម​ជាង​គូព្រេង​៕

​ឆ្នាំកុរ​
​រាសី​ល្អជា​មធ្យម​។​លោកអ្នក​កើត​ឆ្នាំ​ជ្រូក​នៅ​ខែធ្នូ​នេះ​ដួង​រាសី​ខែ​ល្អជា​មធ្យម ហេតុនេះ​រាល់​កិច្ចការងារ​អ្វី​មិនមាន​ឧបសគ្គ​ឬ​បញ្ហា​តូចធំ​ចូលមក​នាំ​ពិបាក​ទប់ទល់​នោះដែរ​។​ដោយឡែក​នៅថ្ងៃនេះ​វិញ​ចំពោះ​អ្នក​ប្រកប​របរ​រកស៊ី​ជួញដូរ​វិញ​ការចេញ​ធ្វើ​ជំនួញ​ផ្លូវ​ឆ្ងាយ​ចូរ​ប្រយ័ត្ន​គ្រោះ​ចាញ់បោក​គេ​និង​គ្រោះ​បាត់​របស់របរ​ណាមួយ​ព្រោះតែ​ការធ្វេសប្រហែស​។​ការធ្វើដំណើរ​ទីជិត​ឆ្ងាយ​ចូរ​កុំ​គប្បី​បង្កជម្លោះ​វិវាទ​ជាមួយ​អ្នកដទៃ​បើ​ពុំនោះ​នាំ​ខាតបង់​អ្វី​មកវិញ​ជាក់​ជាពុំខាន​។​
​រីឯ​បញ្ហា​ស្នេហា​កំលោះ​ក្រមុំ​មានការ​រីកលូតលាស់​ទៅមុខ​តិចតួច​តែ​ឱ្យ​ប្រយ័ត្ន​ជម្លោះ​វិវាទ​ព្រោះ​ងាយ​ឈានដល់​ការ​ប្រេះស្រាំ​ធ្ងន់ធ្ងរ​ណាស់​៕​

ទីតាំងផ្សាយពាណិជ្ជកម្ម

- Advertisment -

Most Popular