Home ព័ត៌មានជាតិ សន្តិសុខ នាយប៉ុស្តិ៍​ន...

នាយប៉ុស្តិ៍​នគរបាល រដ្ឋបាល​រលួស ត្រូវគេ​វាយ​ចំនួន ៣​ដៃ ពេល​ចុះ​ដោះស្រាយ ករណី​គ្រោះថ្នាក់​ចរាចរណ៍​

ដោយៈ ស​រិ​ទ្ធ / ភ្នំពេញៈ នាយប៉ុស្តិ៍​នគរបាលរ​ដ្ឋ​បាល​រលួស ត្រូវគេ​វាយ​ចំនួន ៣​ដៃ នៅពេល លោក បាន​ចុះ​ដោះស្រាយ ករណី​គ្រោះថ្នាក់​ចរាចរណ៍​មួយ នៅ​ចំណុច​ក្បែរ​រង្វង់​មូល​ស្រី កង​ស្រូវ កាលពី​ម៉ោងជាង ៨ យប់ ថ្ងៃទី​១១ ខែធ្នូ ឆ្នាំ​២០២០ នៅ​ភូមិ​កណ្តាល សង្កាត់​រលួស ខណ្ឌដង្កោ ។​

​សាក្សី​នៅ​កន្លែងកើតហេតុ បាន​ប្រាប់​ឲ្យ​ដឹងថាៈ ដោយសារ​ហេតុការណ៍ គ្រោះថ្នាក់ ចរាចរណ៍ កើតឡើង រវាង​រថយន្ត​តូយ៉ូតា ព្រូស ប៉ះគ្នា​តិចតួច​ជាមួយ ម៉ូតូ​ហុងដា សេ​១២៥ នៅ​ចំណុច​ក្បែរ រង្វង់​មូល​ស្រី​កង​ស្រូវ ទើប​សមត្ថកិច្ច​នគរ​បាល​ប៉ុស្តិ៍​រលួស ពីរ ទៅ បី នាក់ មក​អន្តរាគមន៍ និង​ជួយ​សម្របសម្រួល ។

​ប៉ុន្តែ​ដោយសារ​ភាគី ទាំងសងខាង ចរចា​គ្នា​មិនត្រូវ​គ្នា ទើប​លោក ចាប វី​ណុ​ច នាយប៉ុស្តិ៍ នគរបាល រដ្ឋបាល​រលួស ព្យាយាម​ចុះមក​ដោយផ្ទាល់ ក្នុង​គោលបំណង ជួយ​ដោះស្រាយ បញ្ចប់រឿង តែ​ពេល​កំពុងតែ​បញ្ចេញ​មតិយោបល់ ស្រាប់តែ​គេ​ស្ទុះ​វាយ​គាត់ (​នាយប៉ុស្តិ៍ នគរបាល រដ្ឋបាល​រលួស​) ចំនួន​៣​ដៃ ចំ​ផ្ទៃមុខ ២​ដៃ និង​ក​ញ្ចឹ​ង ក ១​ដៃ ដែល​ធ្វើ​ឲ្យ​មេ​ប៉ុស្តិ៍ ស្រឡាំងកាំង រក​និយាយ​អ្វី​មិន​ចេញ​។ ដូច្នេះ​មានតែ​ទំនាក់ទំនង ទៅកាន់​សមត្ថកិច្ច នគរបាល​ចរាចរណ៍ នាំយក​មធ្យោបាយ ទាំង ២ គ្រឿង ព្រមទាំង​អ្នកបើកបរ ទាំងសងខាង យកទៅ​អធិការដ្ឋាន នគរបាល​ខណ្ឌដង្កោ ដើម្បី​រង់ចាំ​ដោះស្រាយ តាម​នីតិវិធី​៕​PC

ទីតាំងផ្សាយពាណិជ្ជកម្ម

- Advertisment -

Most Popular