ដោយៈ សរិទ្ធ/កណ្តាលៈ លោក ម៉ឹង យូឡេង ប្រធានមន្ទីរសាធារណការ និងដឹកជញ្ជូន ខេត្តកណ្តាល កាលពីថ្ងៃទី១១ ខែធ្នូ ឆ្នាំ២០២០ បានជូនដំណឹងថា អាជ្ញាធរ នឹងបើកការដ្ឋាន ជួសជុលឡើងវិញ ផ្លូវក្នុងក្រុងតាខ្មៅ ចំនួន ២ គម្រោង ។ គម្រោងទាំង ២ នេះ នឹងចាប់ ផ្តើមបើកការដ្ឋាន ចាប់ពីថ្ងៃទី១៥ ខែធ្នូ ឆ្នាំ២០២០ ខាងមុខនេះតទៅ រហូតដល់គម្រោង ត្រូវបញ្ចប់ ។
ផ្លូវក្នុងក្រុងតាខ្មៅ ចំនួន ២ គម្រោង នេះ រួមមាន -ការងារជួសជុលឡើងវិញ ផ្លូវ៧មករា ភ្ជាប់ពីផ្លូវជាតិលេខ២ ទៅផ្លូវលេខ២០១ ដោយចាក់បេតុង សរសៃដែក ប្រវែង ៨០០ ម៉ែត្រ ទទឹង ៦ ម៉ែត្រ កម្រាស់ ០,១៥ ម៉ែត្រ ស្ថិតនៅក្នុងភូមិព្រែកឫស្សី សង្កាត់ព្រែកឫស្សី និងសង្កាត់កំពង់សំណាញ់ ក្រុងតាខ្មៅ ខេត្តកណ្តាល ។
-ការងារជួសជុលកំណាត់ផ្លូវ លេខ២១៣ ដោយចាក់បេតុងសរសៃដែក ប្រវែង ៤២៥ ម៉ែត្រ ទទឹង ៦ ម៉ែត្រ កម្រាស់ ០,២០ ម៉ែត្រ និង ការងារដាក់លូមុខកាត់ ០,៦០ម៉ែត្រ មានប្រវែង ៧០០ ម៉ែត្រ និង រ៉ឺហ្គាទំហំ ១,២ម៉ែត្រ គុណនឹង ១,២ ម៉ែត្រ ចំនួន ២៩ កន្លែង តាមបណ្តោយ ផ្លូវ ស្ថិតនៅក្នុងសង្កាត់ព្រែកហូរ ក្រុងតាខ្មៅ ខេត្តកណ្តាល ៕PC
