វ៉ាក់សាំង​កូវី​ដ​១៩​របស់​ក្រុមហ៊ុន Sanofi និង GSK​ត្រូវ​ពន្យារ​ពេល​រហូតដល់​ចុងឆ្នាំ​២០២១

​ប្រែ​សម្រួល : កញ្ញា​ដា​លី​ស​/​ប៉ារីស ៖ ក្រុមហ៊ុន Sanofi របស់​បារាំង​និង​ក្រុមហ៊ុន GSK របស់​ចក្រភព​អង់គ្លេស​បាន​និយាយ​កាលពី​ថ្ងៃ​សុក្រ​ទី​១១​ធ្នូ​ថា​វ៉ាក់សាំង​កូវី​ដ​១៩​របស់​ពួកគេ​នឹង​មិន​ទាន់​ត្រៀម​រួចរាល់​​ទេ​រហូតដល់​ដំណាច់​ឆ្នាំ ២០២១ បន្ទាប់​ពី​លទ្ធផល​បណ្តោះអាសន្ន​បានបង្ហាញ​ការឆ្លើយតប​ភាពស៊ាំ​ទាប​ចំពោះ​មនុស្ស​វ័យ​ចំណាស់​។​

​ការប្រកាស​នេះ​គឺជា​ការដើរថយក្រោយ​ដ៏​ធំ​មួយ​នៅក្នុង​កិច្ចប្រឹងប្រែង​ដើម្បី​ប្រយុទ្ធប្រឆាំង​នឹង​ជំងឺ​រាតត្បាត ដែល​បាន​កើតឡើង​ដំបូង​នៅ​ក្នុងប្រទេស​ចិន​កាលពី​ខែ​ធ្នូ​និង​បាន​សម្លាប់​មនុស្ស​ជាង ១,៥ លាន​នាក់​នៅ​ទូទាំង​ពិភពលោក​។​

​ក្រុមហ៊ុន Sanofi និង GSK បាន​និយាយថា​ការពន្យារពេល​ការសាកល្បង​វ៉ាក់សាំង​កូវី​ដ​១៩​នៅ​ដំណាក់កាល​បន្ទាប់​ដោយ​ផ្អែក​លើ​ប្រូតេអ៊ីន​ផ្សំ​ចូល​គ្នា​ជា​ចាំបាច់ គឺ “​ដើម្បី​បង្កើន​ការឆ្លើយតប​ភាពស៊ាំ​​ចំពោះ​មនុស្ស​វ័យ​ចំណាស់​”​។​

​ក្រុមហ៊ុន​ទាំង​ពីរ​កាលពី​ពេលមុន​បាន​និយាយ​នៅក្នុង​សេចក្តីថ្លែងការណ៍​មួយ​ថា លទ្ធភាព​ដែល​អាច​ទទួលបាន​វ៉ាក់សាំង​នេះ គឺ ចាប់ពី​ពាក់កណ្តាល​ឆ្នាំ ២០២១ រហូត​ដល់​ត្រីមាស​ទី ៤ ឆ្នាំ ២០២១ ។​

​ក្រុមហ៊ុន​ឱសថ​យក្ស​អាម៉េរិក Pfizer និង​ដៃគូ​អាល្លឺម៉ង់ BioNTech បាន​និយាយថា វ៉ាក់សាំង​របស់​ពួកគេ​មាន​ប្រសិទ្ធភាព​៩០ ភាគរយ​ក្នុងការ​ការពារ​ការឆ្លង​ជំងឺ​កូវី​ដ​១៩ ក្នុង​ដំណាក់កាល​ទី ៣ និង​កំពុង​បញ្ចេញ​លក់​ទៅកាន់​ពិភពលោក​។​

​បេក្ខជន​វ៉ាក់សាំង​បង្កើត​ដោយ​ក្រុមហ៊ុន Sanofi ក្នុង​ភាពជា​ដៃគូ​ជាមួយ​ក្រុមហ៊ុន GSK គឺ​ផ្អែក​លើ​បច្ចេកវិជ្ជា ដែល Sanofi បាន​ប្រើ​ដើម្បី​ផលិត​វ៉ាក់សាំង​ផ្តាសាយ​តាម​រដូវ និង​ផ្អែកលើ​ភ្នាក់ងារ​​ការពារ​ភាពស៊ាំ ដែល​បង្កើត​ដោយ GSK៕

វ៉ាក់សាំង​កូវី​ដ​១៩​របស់​ក្រុមហ៊ុន Sanofi និង GSK នឹង​ពន្យារ​ពេល​ចេញ​រហូតដល់​ចុងឆ្នាំ​២០២១ ដោយសារ​ការសាកល្បង​មិន​បង្ហាញ​ប្រសិទ្ធភាព​ការពារ​ទល់​នឹង​វីរុស​កូរ៉ូណា​ក្នុងចំណោ​មនុស្សចាស់​

ទីតាំងផ្សាយពាណិជ្ជកម្ម

- Advertisment -

Most Popular