Home ព័ត៌មានជាតិ សេដ្ឋកិច្ច ១០​ខែ​ឆ្នាំនេ...

១០​ខែ​ឆ្នាំនេះចំនួន​ភ្ញៀវទេសចរ​អន្តរជាតិ មក​ទស្សនា​កម្ពុ​ជាមាន​ប្រមាណ ជាង​មួយ​លាន​នាក់ ធ្លាក់ចុះ ៧៦,១​ភាគរយ​

ដោយ​: សុផល / ភ្នំពេញ​: ក្នុង​រយៈពេល ១០​ខែ​ឆ្នាំ​២០២០​នេះ ចំនួន​ភ្ញៀវទេសចរ​អន្តរជាតិ មក​ទស្សនា​ប្រទេស​កម្ពុ​ជាមាន​ប្រមាណ ១,២៦​លាន​នាក់ ដែល​តួលេខ​នេះ បាន​ធ្លាក់ចុះ ៧៦,១​ភាគរយ បើ​ធៀប​នឹង​រយៈពេល​ដូចគ្នា​កាលពី​ឆ្នាំ​២០១៩ ដែលមាន​ប្រមាណ ៥,២៩​លាន​នាក់​។ នេះ​បើ​យោងតាម​របាយការណ៍រ​បស់​ក្រសួងទេសចរណ៍​។​

​របាយការណ៍​ដដែល​នេះ បានឱ្យដឹងថា​៖ ទេសចរ​ចិន នៅតែ​បន្ត​នាំមុខគេ ដោយមាន​ចំនួន​ប្រមាណ ៣១​ម៉ឺន​នាក់ ធ្លាក់ចុះ ៨៤,៥​ភាគរយ បន្ទាប់មក​ទេសចរ​ថៃ មាន​ចំនួន ១៩​ម៉ឺន​នាក់ ធ្លាក់ចុះ ៤១,៥​ភាគរយ​, វៀតណាម មាន​ចំនួន ១៨​ម៉ឺន​នាក់ ធ្លាក់ចុះ​៧៤,៨​ភាគរយ​និង​សហរដ្ឋអាមេរិក​ជាង​៥​ម៉ឺន​នាក់​ធ្លាក់ចុះ​៧១,៦​ភាគរយ​ក្រៅពីនោះ​ភ្ញៀវទេសចរ​មកពី​បណ្តា​ប្រទេស​ផ្សេងៗ​ទៀត ក៏​ធ្លាក់ចុះ​ដែរ​។​

​ការធ្លាក់ចុះ​អ្នកទេសចរ​នេះ ដោយសារ​ការ​រាតត្បាត​នៃ​ជំងឺ​កូ​វីដ​១៩ ដែល​បាន និង​កំពុង​បង្ក​ផលប៉ះពាល់​យ៉ាងខ្លាំង​និង​បាន​បង្ក​ការខូចខាត​យ៉ាងធ្ងន់ធ្ងរ​សេដ្ឋកិច្ច ជាពិសេស​វិស័យ​ទេសចរណ៍ និង​អាកាសចរណ៍​ស៊ីវិល ត្រូវបាន​គេ​មើលឃើញថា រង​ផលប៉ះពាល់​ខ្លាំងជាងគេ​។​

​គួររម្លឹកថា​៖​កាលពី ឆ្នាំ ២០១៩ កម្ពុជា ទទួលបាន​ភ្ញៀវទេសចរ​អន្តរជាតិ​សរុប​ចំនួន ៦,៦១​លាន​នាក់ កើនឡើង ៦,៦​ភាគរយ ពី​ចំនួន ៦,២​លាន​នាក់​ក្នុង​ឆ្នាំ ២០១៨៕​សរន

ទីតាំងផ្សាយពាណិជ្ជកម្ម

- Advertisment -

Most Popular