Home ព័ត៌មានជាតិ សន្តិសុខ ឃាត់ខ្លួន​យុវ...

ឃាត់ខ្លួន​យុវតី​ម្នាក់​លួច​ម៉ូតូ​នៅក្នុង​ផ្សារ​

 

​ដោយ​:​អង្គរតូច​/​សៀមរាប​: កម្លាំង​នគរបាល​ស្រុក​ពួក នៅ​ព្រឹក​ថ្ងៃទី​១២ ខែធ្នូ​នេះ បាន​ស្រាវជ្រាវ និង​ឈានដល់​ឃាត់ខ្លួន​យុវតី​ម្នាក់​ក្រោយ​ទទួល​បណ្តឹង​ជនរងគ្រោះ​ករណី​បាត់​ម៉ូតូ​។​

​លោក​វរសេនីយ៍ឯក ទេព ពុំសែន អធិការ​ស្រុក​ពួក​បានអោយដឹងថា ជនសង្ស័យ​ឈ្មោះ ផាន ធីតា ហៅ​ពិ​ក ភេទ​ស្រី អាយុ​១៦​ឆ្នាំ រស់នៅ ភូមិ​ប្រាសាទ ឃុំ​សំរោង​យា ស្រុក​ពួក ខេត្តសៀមរាប​។ ចំណែក​ជន រង​គ្រោះជា​ម្ចាស់​ម៉ូតូ​ឈ្មោះ វង្ស ណា​វីន ភេទ​ប្រុស អាយុ​៣៣​ឆ្នាំ រស់នៅ ភូមិព​ពិស សង្កាត់​ក្របី​រៀល ក្រុង​សៀមរាប មុខរបរ​កសិករ​។

ម្ចាស់​ម៉ូតូ​បានឱ្យដឹងថា ពេលដែល​ខ្លួន​ជិះ​មក​លក់​បន្លែ​នៅ​ផ្សារ​ពួក ទុក​ម៉ូតូ​ពុំបាន​ចាក់សោរ ក៍​ត្រូវបាន​ជន​ពុំ​ស្គាល់​អត្តសញ្ញាណ​លួច​យកទៅ​បាត់​។

​នៅ​ចំពោះមុខ​សមត្ថកិច្ច ជនសង្ស័យ​ខាងលើ បាន​ឆ្លើយ​សារភាពថា ខ្លួន​ពិតជា​បាន​លួច​ម៉ូតូ​របស់​ជនរងគ្រោះ​ពិតមែន ដោយ​ខ្លួន​អះអាងថា បាន​ខ្ចី​ម៉ូតូ​ជិះ​សិន​នឹង​យក​ម៉ូតូ​មក​ឲ្យ​ម្ចាស់​វិញ​។ តាមពិត​ម៉ូតូ​នេះ​បាន​ជ្រុះ​កូនសោរ​បាត់​ថ្ងៃមុន​(​ម្ចាស់​ធ្វើ​សោរ​ថ្មី​) ហើយ​ខ្លួន​(​ជនសង្ស័យ​)​រើស​បាន​កូនសោ​ម៉ូតូ​នេះ ទុក​រហូតមក ទើបបាន​យក​កូនសោរ​ចាក់​ធ្វើ​សកម្មភាព​លួច​តែម្តង​។​

​ក្រោយ​ស្តាប់​ចំលើយ និង​ប្រគល់​ម៉ូតូ​អោយ​ម្ចាស់​វិញ នគរបាល​ជំនាញ​ស្រុក​ពួក កំពុង​កសាង​សំណុំ រឿង ដើម្បី​បញ្ជូន​ជនសង្ស័យ​ទៅ​តុលាការ​៕​

ទីតាំងផ្សាយពាណិជ្ជកម្ម

- Advertisment -



Most Popular