Home ព័ត៌មានជាតិ សន្តិសុខ ចាប់​ជនសង្ស័យ...

ចាប់​ជនសង្ស័យ​ម្នាក់​ក្នុងចំណោម​២​នាក់​ករណី​ឃាតកម្ម​នៅ​ស្រុក​មេមត់​

ដោយ​: គង់​ហេង​/​ត្បូងឃ្មុំ​: មកដល់​ព្រឹក​ថ្ងៃទី ១៣ ធ្នូ មន្ត្រីនគរបាល​បាន​ស៊ើបអង្កេត និង​ឈានទៅ​កំណត់​អត្តសញ្ញាណ​ជនសង្ស័យ​ចំនួន​ពីរ​នាក់ និង​ចាប់​ឃាត់ខ្លួន​បាន​ម្នាក់ ករណី​ឃាតកម្ម​លើ​បុរស​អាយុ ៥៧​ឆ្នាំ​ម្នាក់ នៅ​ភូមិ​ទឹក​ទុំ ឃុំ​កំពាន់ ស្រុក​មេមត់ គឺជា​រឿង​គំនុំ​។​
​ ​
​មន្ត្រីនគរបាល​ឃុំ​កំពាន់​បានឱ្យ​រស្មី​កម្ពុជា​ដឹងថា ជុំវិញ​ការស្លាប់​បុរស​ឈ្មោះ ឧ រ៉េត អាយុ ៥៧​ឆ្នាំ ដែល​គេ​ប្រទះឃើញ​ដេកស្លាប់​នៅ​ចិញ្ចើម​ផ្លូវលំ​ចម្ងាយ​ពី​ផ្ទះ​គាត់​ប្រហែល ៣​គីឡូម៉ែត្រ កាលពី​ព្រឹក​ថ្ងៃទី​១២ ធ្នូ នោះ​គឺ​បង្កឡើង​ដោយ​គំនុំ​ច្រើនលើក​ជាមួយ​ជនសង្ស័យ​ម្នាក់​នៅក្នុង​ភូមិ​ទឹក​ទុំ កន្លងទៅ​។​

​បច្ចុប្បន្ន សមត្ថកិច្ច​នគរបាល​ខេត្ត​ត្បូងឃ្មុំ​បាន​ស៊ើបអង្កេត និង​បានកំណត់​មុខសញ្ញា​ជនសង្ស័យ​ចំនួន​ពីរ​នាក់ ដោយ​ឃាត់ខ្លួន​បាន​ម្នាក់ និង​កំពុង​ស្វែងរក​ចាប់ខ្លួន​ជនសង្ស័យ​ម្នាក់ទៀត​៕

ទីតាំងផ្សាយពាណិជ្ជកម្ម

- Advertisment -

Most Popular