Home ព័ត៌មានជាតិ សេដ្ឋកិច្ច ដាក់​ជញ្ជីង​ថ...

ដាក់​ជញ្ជីង​ថ្លឹង​មាន​ស្តង់ដារ​នៅ​ផ្សារ​សហគមន៍​ផលិតផល​ខ្មែរ ភូមិ​១​ផលិតផល​១ ខេត្ត​បន្ទាយ​មាន​ជ័យ​

ដោយ​: ភ្នំ​ស្វាយ / បន្ទាយមានជ័យ​: មន្ត្រី​នៃ​មន្ទីរ​ឧស្សាហកម្ម វិទ្យាសាស្ត្រ បច្ចេកវិទ្យា និង​នវ​នុ​វត្ត​ន៍​ខេត្ត​សហការ នឹង​មន្ទីរ​ពាណិជ្ជកម្ម​ខេត្តបន្ទាយមានជ័យ បានដាក់​ជញ្ជីង​ថ្លឹង​មាន​ស្តង់ដារ ឬ​ហៅ​ញ្ជី​ង​យុត្តិធម៌ នៅ​ផ្សារ​សហគមន៍​ផលិតផល​ខ្មែរ ភូមិ​១​ផលិតផល​១ នា​ជ្រុង​សួន​មានជ័យ ឬ​វេទិកា​ខេត្ត​នា​ក្រុង​សិរីសោភ័ណ ខេត្តបន្ទាយមានជ័យ​។​

​លោក ដុំ វណ្ណឌី អនុប្រធាន​មន្ទីរ​ពាណិជ្ជកម្ម​ខេត្តបន្ទាយមានជ័យ បាន​ឲ្យ​ដឹង​កាលពី​ថ្ងៃទី​១២​ខែធ្នូ​ឆ្នាំ​២០២០​ថា​៖ ផ្សារ​ដែល​បើក រៀងរាល់ថ្ងៃ​សុក្រ សៅរ៍ និង​អាទិត្យ ឬ​ចុង​ស​ប្តា​ហ័​ជិត​កន្លះ​ឆ្នាំ​មក​មួយ​នេះ នៅតែមាន​ដំណើរ​ការល្អ ឬ​មានន័យថា លក់ដាច់​។ ពោលគឺ​អតិថិជន ដែលជា​ពលរដ្ឋ​ខ្មែរ​យើង​ក្នុង​មូលដ្ឋាន​និង​ភ្ញៀវ​ពី​ចម្ងាយ​ខ្លះ​បាន​គាំទ្រ​ផលិតផល​ខ្មែរ ភូមិ​១ ផលិតផល​១​។​

​លោក​បាន​បន្តថា​៖ នៅពេលនេះ​មន្ទីរជំនាញ​ខាងលើ បានសម្រេច​ដាក់​ជញ្ជីង​យុត្តិធម៌​ក្នុង​ផ្សារ​នេះ ដើម្បីអោយ​អតិថិជន​មាន​ជំនឿ​ទុកចិត្ត​បន្ថែមទៀត​។​

​ទន្ទឹមនឹង​ទួល​ស្គាល់​លទ្ធផល​ជោគជ័យ នៃ​ការបង្កើត​ផ្សារ​សហគមន៍​ផលិតផល​ខ្មែរ ដែល​ផ្តួចផ្តើម​និង​បង្កើតឡើង​ដោយ​រដ្ឋបាលខេត្ត មន្ទីរ​ពាណិជ្ជកម្ម​ខេត្ត និង​សហគមន៍​នានា​ដែល​ផលិត​ផលិតផល​ខ្មែរ​ក្នុង​ខេត្ត​មួយ​នេះ លោក​ដុំ វណ​ណ្ឌី នៅតែ​អំពាវនាវ​ថា​៖ សូមជួយ​គាំទ្រ​ផលិតផល​ក្នុងស្រុក​ទាំងអស់គ្នា​។ សូម​គា​ទ្រ​ផ្សា​រដែ​លបើក​៣​ថ្ងៃ​ចុង​សប្តាហ៍ ថ្ងៃ​សុក្រ សៅរ៍ អាទិត្យ គឺ​ផ្សារ​សហគមន៍​ខេត្តបន្ទាយមានជ័យ​នេះ​បន្តទៀត​។​

​ចំណែក​ស្ថាបនិក និង​សមាជិក​សហគមន៍​ផលិតផល​ខ្មែរ​នានា​វិញ​បាន​អះ​អង​ថា​៖ អតិថិជន​មាន​ជំនឿរ​ចិត្ត ដោយ​អ្នកលក់​មាន​ក្រមសីលធម៌ គុណធម៌ លក់​យកចំណេញ​មិន​កោរ មិន​បោកប្រាស មិន​ប្រមាទ ។​

​ហេតុនេះ សូម​បងប្អូន​ក្នុង​ខេត្តបន្ទាយមានជ័យ និង​ក្រៅ​ខេត្ត​ដែល​ចង់បាន​បន្លែ ត្រី សាច់ និង​ផលិតផល​ក្នុងស្រុក​ស្រស់ៗ​ល្អៗ មាន​សុ​វ​តិ្ត​ភាព តម្លៃ​សមរម្យ អាច​មករក​ទីនេះ​។

​ទោះ​ជាង​ណាក៏ដោយ ប្រភពព័ត៌មាន​និង​ការចុះពិនិត្យ​ជាក់ស្តែង​ឃើញ​ចំនួន​តូប រាន​លក់ដូរ​ក្នុង​ផ្សារ​នេះ បាន​ថយចុះ​។ ហើយ​ផលិតផល​ក៏​ថយចុះ​ដែរ គ្រាន់តែ​ផ្សារ​នេះ​មិន​ដួលរលំ​ប៉ុណ្ណោះ​។​

​ករណីនេះ សហគមន៍​និង​មន្ត្រី​ថា មកពី​ផលិតផល​ខ្លះ​មាន​តាម​រដូវ ហើយ​បញ្ហា​ធំ​ជាង​នេះ គឺ​ផលប៉ះពាល់​ពី​វិបត្តិ​សាកល នៃ​ការរីក​រាលដាល​ជំងឺ​កូ​វីដ​១៩៕​

ទីតាំងផ្សាយពាណិជ្ជកម្ម

- Advertisment -

Most Popular