Home ព័ត៌មានជាតិ សន្តិសុខ បញ្ជូន​មនុស្ស...

បញ្ជូន​មនុស្ស​បួន​នាក់​ពាក់ព័ន្ធ​គ្រឿងញៀន​ជាង​៩​គីឡូក្រាម​មក​តុលាការ​

​ដោយ​:​ស​រិ​ទ្ធ​/​ស្វាយរៀង​: កងរាជអាវុធហត្ថ​ខេត្តស្វាយរៀង​កាលពី​រសៀល​ថ្ងៃទី​១៣ ខែធ្នូ បាន​បញ្ជូន​ជនសង្ស័យ​ប្រុស​ស្រី​ចំនួន​០៤​នាក់​ទៅ​តុលាការ​ដើម្បី​ចាត់ការ​តាមច្បាប់​ករណី​រក្សាទុក និង​ជួញដូរ​ដោយ​ខុសច្បាប់​នូវ​សារធាតុ​ញៀន​ជាង​៩​គីឡូក្រាម​។​

​មន្ត្រី​អាវុធហត្ថ​ខេត្តស្វាយរៀង​បាន​ឲ្យ​ដឹងថា ជនសង្ស័យ​ទាំង​៤​នាក់​មាន ៖ ១.​ឈ្មោះ កាវ គ័​រ​វ៉ៃ ភេទ​ប្រុស អាយុ​៥៩​ឆ្នាំ ជនជាតិ ចិន មុខរបរ​បុគ្គលិក​កាស៊ីណូ​ណាហ្គា ទីលំនៅ​បច្ចុប្បន្ន​ស្នាក់នៅ​អាគារ​អូ​ឡាំ​ព្យា​C2 ផ្លូវ​លេខ ២១៧ ភូមិ​៧ សង្កាត់​វាលវង់ ខណ្ឌ​៧​មករា រាជធានី​ភ្នំពេញ​។ ២.​ឈ្មោះ ង្វៀង យ៉ាន​ហាយ (​ហៅ​វៀង ឬ ទី​) ភេទ​ប្រុស អាយុ​៣៦​ឆ្នាំ ជនជាតិ​វៀតណាម ទីលំនៅ​បច្ចុប្បន្ន​ស្នាក់នៅ​អគារ​អូ​ឡាំ​ព្យា ផ្លូវ​លេខ​២១៧ ភូមិ​៧ សង្កាត់​វាលវង់ ខណ្ឌ​៧​មករា រាជធានី​ភ្នំពេញ​។ ៣.​ឈ្មោះ ចឹ​ង ធី​វី ភេទ​ស្រី អាយុ​២៩​ឆ្នាំ ជនជាតិ​វៀតណាម​មាន​ទីលំនៅ​បច្ចុប្បន្ន​ស្នាក់នៅ​អាគារ អូ​ឡាំ​ព្យា ផ្លូវ​លេខ ២១៧ ភូមិ​៧ សង្កាត់​វាលវង់ ខណ្ឌ​៧​មករា រាជធានី​ភ្នំពេញ និង​ឈ្មោះ តាម សុធា​ណា ហៅ ណា​ម ភេទ​ប្រុស អាយុ​២៨​ឆ្នាំ មុខរបរ​កម្មករ ជនជាតិខ្មែរ ទីលំនៅ​បច្ចុប្បន្ន​ភូមិ​បាវិត​កណ្ដាល សង្កាត់​បាវិត ក្រុង​បាវិត ខេត្តស្វាយរៀង​៕​

ទីតាំងផ្សាយពាណិជ្ជកម្ម

- Advertisment -

Most Popular