Home ព័ត៌មានអន្តរជាតិ ត្រាំ អនុ​ប្រ...

ត្រាំ អនុ​ប្រធានាធិបតី​និង​មន្ត្រី​កំពូល​ដទៃទៀត នឹង​ទទួក​វ៉ាក់សាំង​មុនគេ​

​ប្រែ​សម្រួលៈ​វាសនា​/​វ៉ាស៊ីនតោន​៖ ប្រភព័ត៌មាន​បានអោយ​ដឹងថា ប្រធានាធិបតី ដូ​ណា​ល់ ត្រាំ អនុ​ប្រធានាធិបតី ម៉ៃ ផេ​នស៍ និង​មន្ត្រី​កំពូល​ដទៃ​ទៀត​នឹង​ត្រូវ​ផ្តល់​វ៉ាក់សាំង​កូវី​ដ​១៩​ដែល​ទើប​អនុម័ត​​អោយប្រើ​ថ្មីៗ ចាប់ពី​ថ្ងៃ​ចន្ទ​ជា​ផ្នែក​នៃ​ផែនការ​មួយ​ដើម្បី​ធានា​និរន្តរភាព​នៃ​រដ្ឋាភិបាល​។​

​ប្រភព​ព័ត៌មាន​បាន​និយាយថា បុគ្គលិក​សំខាន់ៗ​នៅ​សេត​វិមាន​និង​មន្ត្រី​មួយចំនួន​នៅ​ទាំងបី​ផ្នែក​នៃ​រដ្ឋាភិបាល​ត្រូវ​ចាក់​វ៉ាក់សាំង​នៅ​១០​ថ្ងៃ​ខាងមុខ​។​វា​នៅ​មិន​ទាន់​ច្បាស់​ថា​តើ​លោក​ត្រាំ​នឹង​ចាក់​វ៉ាក់​​សាំង​ភ្លាម​ដែរឬទេ ដោយសារ​លោក​ធ្លាក់​ឆ្លង​វីរុស​កូរ៉ូណា​និង​បាន​ជាវិញ​។​

​គេ​ក៏​មិនដឹងថា​តើ​ប្រធានាធិបតី​ជាប់ឆ្នោត ចូ បៃ​ដិន និង​អនុប្រធាន​របស់​គាត់​លោកស្រី កា​ម៉ា​ឡា ហារី​ស ព្រមទាំង​សមាជិក​នៃ​ក្រុម​អន្តរកាល​របស់​បៃ​ដិន នឹងត្រូវ​គេ​ផ្តល់​វ៉ាក់សាំង​ដែរ​អត់​។​

​រំលឹកថា គណៈកម្មាធិការ​ទីប្រឹក្សា​មួយ​របស់​មជ្ឈមណ្ឌល​គ្រប់គ្រង​និង​បង្ការ​ជំងឺ​អាម៉េរិក កាលពី​ថ្ងៃ​សៅរ៍​បាន​អនុម័ត​អោយ​អាម៉េរិក​ប្រើ​វ៉ាក់សាំង​កូវី​ដ​១៩​របស់​ក្រុមហ៊ុន​Pfizer និង BioNTech​ជា​លើកដំបូង នៅពេល​ចំនួន​ស្លាប់​ដោយ​ជំងឺ​កូវី​ដ​១៩​នៅក្នុង​ប្រទេស​បាន​កើន​ដល់ ២៩៨.០០០​នាក់​។​

​ឥឡូវ​វ៉ាក់សាំង​រាប់​លាន​ដូសកំពុងត្រូវ​ដឹកចេញ​ពីរោង​ច្រក​នាំ​ទៅកាន់​ទីតាំង​១៤៥​នៅ​ទូទាំង​អាម៉េរិក​នៅ​ថ្ងៃ​ចន្ទ ដោយ​ចាប់ផ្តើម​ចាក់អោយ​បុគ្គលិក​ពេទ្យ​និង​មនុស្ស​ចាស់​នៅតាម​មណ្ឌល​មុនគេ​៕

ត្រាំ អនុប្រធាន​និង​ក្រុម​មន្ត្រី​នៅ​សេត​វិមាន​របស់លោក​នឹង​ត្រូវ​ផ្តល់​វ៉ាក់សាំង​មុនគេ ដើម្បី​ធានា​និរន្តរភាព​នៃ​រដ្ឋាភិបាល

ទីតាំងផ្សាយពាណិជ្ជកម្ម

- Advertisment -

Most Popular