Home ព័ត៌មានអន្តរជាតិ ជប៉ុន​ជួប​កំណ...

ជប៉ុន​ជួប​កំណើន​ការ​ឆ្លងកូវី​ដ​១៩​ខ្ពស់បំផុត នៅពេល​កំរិត​ប្រជាប្រិយភាព​របស់​នាយក​រដ្ឋមន្ត្រី​ធ្លាក់​

​ប្រែ​សម្រួល​៖​វាសនា​/​តូ​ក្យូ​៖ ករណី​ឆ្លង​វីរុស​កូរ៉ូ​ណានៅ​ជប៉ុន​បាន​ឡើង​ហួស​៣.០០០​នាក់​ក្នុង​មួយ​ថ្ងៃ​ជា​លើកដំបូង នៅពេល​រដ្ឋាភិបាល​ពន្យា​រ​វិធានការ​រឹតត្បិត​ខ្លាំង​ឡើង ដោយ​ខ្លាច​ប៉ះពាល់​សេដ្ឋកិច្ច​នៅ​​មុន​រដូវ​ឈប់សម្រាក​។​

​ក្រសួង​សុខាភិបាល​បាន​និយាយ​កាលពី​ថ្ងៃអាទិត្យ​ថា មាន​ការឆ្លង​ថ្មី​៣.០៣០​ករណី​នៅ​២៤​ម៉ោង​កន្លងទៅ ដែលនាំអោយ​ជប៉ុន​មាន​អ្នក​ឆ្លង​វីរុស​ផ្លូវដង្ហើម​នេះ​កើន​ដល់​១៧៧.២៨៧​នាក់ ក្នុងនេះ ២.៥៦២​នាក់​បាន​ស្លាប់​។​

​ពួក​អ្នកជំនាញការ​បាន​និយាយថា ករណី​ជំងឺ​ធ្ងន់ៗ​កំពុង​កើនឡើង​នៅ​ទូទាំង​ប្រទេស ដោយ​ដាក់បន្ទុក​លើ​បណ្តា​មន្ទីរពេទ្យ និង​ប៉ះពាល់​ការព្យាបាល​អ្នកជំងឺ​ដទៃទៀត​។​ពួកគេ​អំពាវនាវ​អោយ​អាជ្ញាធរ​ចាត់​​វិធានការ ដូចជា​ផ្អាក​ដំណើរ​ចេញពី​ទីក្រុង​ទីប្រជុំជន និង​សុំ​អោយ​ហាង​បិទទ្វារ​អោយបាន​ឆាប់​បន្តិច​។​

​ការស្ទង់មតិ​ដោយ​ប្រព័ន្ធ​ផ្សព្វផ្សាយ​កាលពី​ពេល​ថ្មីៗ បង្ហាញ​អត្រា​គាំទ្រ​របស់​ប្រជាជន​ចំពោះ​នាយក​រដ្ឋមន្ត្រី យ៉ូ​ស៊ី​ហ៊ី​ដេ ស៊ូ​ហ្កា ធ្លាក់ចុះ​ប្រមាណ​២០​ពិន្ទុះ​ពី​ប្រមាណ​៧០​ភាគរយ​ចំពេល​សាធារណ​ជន​មិន​សប្បា​​យ​ចិត្តនឹង​ការដោះស្រាយ​របស់​រដ្ឋាភិបាល​អំពី​កូវី​ដ​១៩៕

​ប្រជាជន​ជប៉ុន​ពាក់​ម៉ាស់ ទស្សនា​វិមាន​ណាហ្គោ​យ៉ានៅ​ក្រុង​ណាហ្គោ​យ៉ារ​បស់​ជប៉ុន​ភាគកណ្តាល​កាល​ពី​ថ្ងៃអា​ទិត្យ​ទី​១៣​ធ្នូ នៅពេល​វីរុស​កូរ៉ូណា​កំពុង​ចម្លងជាង​៣​ពាន់​នាក់​ក្នុង​មួយថ្ងៃ​

 

ទីតាំងផ្សាយពាណិជ្ជកម្ម

- Advertisment -

Most Popular