Home ព័ត៌មានជាតិ សន្តិសុខ បង្ក្រាប​ទីតា...

បង្ក្រាប​ទីតាំង​ហ្គេម អ៊ិន​ធើ​ណេ​ត បង្កប់​ល្បែងស៊ីសង ខុសច្បាប់ នៅ​ក្រុង​បាត់ដំបង​

ដោយៈ គ្រញូង / បាត់ដំបងៈ នៅ​រសៀល ថ្ងៃទី​១៣ ខែធ្នូ ឆ្នាំ​២០២០ លោក​វរសេនីយ៍ឯក លឹម ពុ​ទ្ធី​ឡា ស្នងការរង ទទួល​ផែន​ការងារ នគរបាល​ព្រហ្មទណ្ឌ បាន​ដឹកនាំ​កម្លាំង​នគរបាល​ចម្រុះ នៃ​ស្នងការដ្ឋាន និង​កម្លាំង​នគរបាល ក្រុង​បាត់ដំបង បាន​ចុះបង្ក្រាប ទីតាំង​អ៊ិន​ធើ​ណេ​ត បង្កប់​ល្បែងស៊ីសង ខុសច្បាប់ ( ភ្នាល់​បាល់ ដាក់​លុយ តាម​ប្រព័ន្ធ​អ៊ិន​ធើ​ណេ​ត ) ចំនួន ២ ទីតាំង ក្នុងចំណោម​ទីតាំង ជាច្រើន​កន្លែង​ទៀត នៅក្នុង​ភូមិ​កម្មករ សង្កាត់​ស្វាយប៉ោ ក្រុង​បាត់ដំបង ។​

​លោក លឹម ពុទ្ធិ​ឡា ស្នងការរង បាន​ប្រាប់​រស្មី​កម្ពុជា​ថា ក្នុង​កិច្ចប្រតិបត្តិការ​នេះ សមត្ថកិច្ច បាន​នាំខ្លួន​មនុស្ស​ស្រី​ប្រុស ចំនួន ១១ នាក់ ទៅកាន់​ស្នង​​ការដ្ឋាន​ខេត្ត ដើម្បី​សាកសួរ ស្រាវជ្រាវ និង​បាន​ដកហូត ជា​បណ្តោះ អាសន្ន នូវ​សម្ភារ​ឧបករណ៍​កុំព្យូទ័រ នៅក្នុង​ទីតាំង​នោះ មួយចំនួនធំ​។ ប្រតិបត្តិការ​នេះ គឺ​អនុវត្តតាម​បទបញ្ជា​របស់លោក ឧ​ត្ត​ម​សេនីយ៍​ទោ សាត គឹម​សាន ស្នងការ​នគរបាល ខេត្តបាត់ដំបង និង​ដោយបាន​ការអនុញ្ញាត ពី​លោក គឺ ប៊ុណ្ណា​រ៉ា ព្រះរាជអាជ្ញា អម​សាលាដំបូង ខេត្តបាត់ដំបង។

​លោក​បាន​បញ្ជាក់ថាៈ ទីតាំង​ដែល​បាន​បើក​មុខរបរ អ៊ិន​ធើ​ណេ​ត ទោះបី​មានច្បាប់​អនុញ្ញាត​ត្រឹមត្រូវ​ក៏ដោយ តែបើ​មាន​លួច​លាក់​បង្កប់ នូវ​សកម្មភាព​ល្បែងស៊ីសង ដោយ​ខុសច្បាប់​នោះ សមត្ថកិច្ច នឹង​ចាត់វិធានការ​បង្ក្រាប និង​បញ្ជូនទៅ​តុលាការ ផ្តន្ទាទោស​តាមផ្លូវ​ច្បាប់ ដូច្នេះ​ម្ចាស់​ទី តាំង ដែល​កំពុង​ប្រកបមុខរបរ​នេះ សូមកុំ​ប្រព្រឹត្ត​សកម្មភាព​ល្មើសច្បាប់​តទៅទៀត​ឱ្យសោះ​៕/V

កម្លាំង​នគរបាល​ចម្រុះ នៃ​ស្នងការដ្ឋាខេត្ត ​បង្ក្រាប​ទីតាំង​ហ្គេម អ៊ិន​ធើ​ណេ​ត បង្កប់​ល្បែងស៊ីសង ខុសច្បាប់ នៅ​ក្រុង​បាត់ដំបង

កម្លាំង​នគរបាល​ចម្រុះ នៃ​ស្នងការដ្ឋាខេត្ត ​បង្ក្រាប​ទីតាំង​ហ្គេម អ៊ិន​ធើ​ណេ​ត បង្កប់​ល្បែងស៊ីសង ខុសច្បាប់ នៅ​ក្រុង​បាត់ដំបង

កម្លាំង​នគរបាល​ចម្រុះ នៃ​ស្នងការដ្ឋាខេត្ត ​បង្ក្រាប​ទីតាំង​ហ្គេម អ៊ិន​ធើ​ណេ​ត បង្កប់​ល្បែងស៊ីសង ខុសច្បាប់ នៅ​ក្រុង​បាត់ដំបង

កម្លាំង​នគរបាល​ចម្រុះ នៃ​ស្នងការដ្ឋាខេត្ត ​បង្ក្រាប​ទីតាំង​ហ្គេម អ៊ិន​ធើ​ណេ​ត បង្កប់​ល្បែងស៊ីសង ខុសច្បាប់ នៅ​ក្រុង​បាត់ដំបង

កម្លាំង​នគរបាល​ចម្រុះ នៃ​ស្នងការដ្ឋាខេត្ត ​បង្ក្រាប​ទីតាំង​ហ្គេម អ៊ិន​ធើ​ណេ​ត បង្កប់​ល្បែងស៊ីសង ខុសច្បាប់ នៅ​ក្រុង​បាត់ដំបង

 

ទីតាំងផ្សាយពាណិជ្ជកម្ម

- Advertisment -

Most Popular