Home ព័ត៌មានជាតិ នយោបាយ គោរមងារ​និង​គ...

គោរមងារ​និង​គ្រឿង ឥស្សរិយយស ពី​ស្ថាប័ន​ជាតិ និង​ពិភពលោក​អ្វីខ្លះ ដែល​សម្តេច​កិត្តិ​ព្រឹទ្ធ​បណ្ឌិត​ទទួលបាន​?

សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា(រូបឯកសារ)

ដោយៈ ញ៉ែម សុផល​/​ភ្នំពេញ​​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា បានទទួល​សញ្ញាបត្រ​និង​លិខិត​ប្រកាស​គោរមងារ​ជា​ឥស្សរជន​ឆ្នើម​ថ្នាក់ជាតិ​នៃ​វេទិកា​ភាពជា​អ្នកដឹកនាំ​ប្រចាំ​តំបន់​អាស៊ី​-​ប៉ាស៊ីហ្វិក ជាច្រើន​។​នេះ​មិនមែន​បានមក​ដោយ​ចៃដន្យ​នោះទេ​។​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី បាន​ចូលកាន់​តំណែង​ជា​អនុប្រធាន​ទី​១ កាកបាទក្រហមកម្ពុជា អាណត្តិ​ទី​១(១៩៩៤-១៩៩៨)​ហើយ​បាន​ក្លាយជា​ប្រធាន​កាកបាទក្រហមកម្ពុជា នៅ​អាណត្តិ​ទី​២, ៣, ៤, ៥,៦ ចាប់តាំងពី​ឆ្នាំ​១៩៩៨ រហូតមកដល់​បច្ចុប្បន្ន​។​

សកម្មភាពសម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជានាពេលកន្លងទៅ(រូបឯកសារ)
​យោងតាម​ប្រភព​កាកបាទក្រហមកម្ពុជា​បានឱ្យដឹងថា​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ត្រូវបាន​មេដឹកនាំ​ពិភពលោក និង​ប្រជាពលរដ្ឋ​ខ្មែរ​បានធ្វើ​ការវាយតម្លៃ​ខ្ពស់​ថា ជា​កុលធីតា​កម្ពុជា​មួយរូប​ដែល​បាន​ពលី​កម្លាំងកាយ​-​ចិត្ត ក្នុង​បុព្វហេតុ​ការងារ​មនុស្សធម៌​ដោយ​មិន​ប្រកាន់​និន្នាការ​រើសអើង​ពូជសាសន៍​ឬ​ពណ៌​សម្បុរ​នោះឡើយ​តាមរយ​:​បេសកកម្ម​មនុស្សធម៌​សង្គ្រោះ​មនុស្សជាតិ​។​
​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ទទួលបាន​គោរម​ងារ និង​គ្រឿង ឥស្សរិយយស ពី​ស្ថាប័ន​ជាតិ និង​ពិភពលោក​ជា​បន្តបន្ទាប់ មានដូចជា​៖
១. មេដាយ​កិត្តិយស​ពី​សមាគមជាតិ​កាកបាទក្រហម នៃ​សាធារណរដ្ឋ​កូរ៉េ នៅ​ថ្ងៃទី​១០ ខែមេសា ឆ្នាំ​២០០១
២. គ្រឿង​ឥស្សរិយយស លើកកម្ពស់​ពិភពលោក បេះដូង​មាន​ភាព​តែមួយ ពី​មជ្ឈមណ្ឌល​សន្តិភាព​អន្តរជាតិ ស្រ៊ី​ជិន​ម៉​យ ថ្ងៃទី​២២ ខែធ្នូ ឆ្នាំ​២០០១
៣. គ្រឿង​ឥស្សរិយយស សម្តេចព្រះ​មហាក្សត្រី​យា​នី ព្រះ​សុ​ី​សុវត្ថិ មុនី​វង្ស កុសុមៈ នារីរ័ត្ន ថ្នាក់​មហា​សេរី​វឌ្ឍន៍ ប្រគល់ជូន​ដោយ​ព្រះ​ក​រុ ណា ព្រះបាទ​សម្តេច ព្រះ​នរោត្តម សីហនុ ថ្ងៃទី​១៩ ខែតុលា ឆ្នាំ​២០០១
៤. គ្រឿង​ឥស្សរិយយស មុនី​សារា​ភ័​ណ្ឌ ថ្នាក់ មហា​សេរី​វឌ្ឍន៍ ប្រគល់ជូន​ដោយ​ព្រះករុណា ព្រះបាទ​សម្តេច ព្រះបរមនាថ នរោត្តម សីហមុនី ថ្ងៃទី​២៣ ខែមករា ឆ្នាំ​២០០៥
៥. គោរមងារ ឥស្សរិយយស​ថ្នាក់ជាតិ នៃ​វេទិកា​ភាពជា​អ្នកដឹកនាំ​តំបន់​អា​សុ​ី​-​ប៉ា​សុ​ី​ហ្វិ​ក ឆ្លើយតប​មេរោគ​អេដស៍ និង​ជំងឺអេដស៍ នៅ​ថ្ងៃទី​១៧ ខែវិច្ឆិកា ឆ្នាំ​២០០៦
៦. គ្រឿង​ឥស្សរិយយស​ព្រះរាជាណាចក្រ​កម្ពុជា ថ្នាក់​មហា​សេរី​វឌ្ឍន៍ ប្រគល់ជូន​ដោយ ព្រះករុណា ព្រះបាទ​សម្តេច​ព្រះបរមនាថ ន​រោ ត្ត​ម សីហមុនី ថ្ងៃទី​១៩ ខែវិច្ឆិកា ឆ្នាំ​២០០៧
៧. គ្រឿង​ឥស្សរិយយស ជា​តូប​កា ប្រគល់ជូន​ដោយ​ព្រះករុណា ព្រះបាទ សម្តេចព្រះ​បរមនាថ នរោត្តម សីហមុនី ថ្ងៃទី​២០ ខែវិច្ឆិកា ឆ្នាំ​២០០៧
៨. សញ្ញាបត្រ​បណ្ឌិត​កិត្តិយស ផ្នែក​មនុស្សធម៌ ពី​សាកលវិទ្យាល័យ​កម្ពុ​ជា នៅ​ថ្ងៃទី​១៦ ខែតុលា ឆ្នាំ​២០០៨​។​
៩. សញ្ញាបត្រ​បណ្ឌិត​កិត្តិយស ផ្នែក​សេដ្ឋកិច្ច ពី​សាកលវិទ្យាល័យ​ស្ត្រី​សេ​អ៊ូ​ល នៃ​សាធារណរដ្ឋ​កូរ៉េ នៅ​ថ្ងៃទី​៣ ខែមិថុនា ឆ្នាំ​២០០៩
១០. សញ្ញាបត្រ​បណ្ឌិត​កិត្តិយស ផ្នែក​អក្សរសាស្ត្រ ពី​សាកលវិទ្យាល័យ​ជី​អ៊ុន​ជូ នៃ​សាធារណរដ្ឋ​កូរ៉េ ថ្ងៃទី​៦ ខែកក្កដា ឆ្នាំ​២០០៩
១១. ទទួលបាន​ពានរង្វាន់​ភាពជា​អ្នកដឹកនាំ​តំបន់​អា​សុ​ី​-​ប៉ា​សុ​ី​ហ្វិ​ក ឆ្លើយតប​មេរោគ​អេដស៍ ជំងឺអេដស៍ និង​ការអភិវឌ្ឍ ពី​គណៈប្រតិភូ ជាន់ខ្ពស់ អង្គការសហប្រជាជាតិ​ទទួលបន្ទុក​ការងារ​អេដស៍ និង​ជំងឺអេដស៍​ថ្ងៃទី​១៧ ខែវិច្ឆិកា ឆ្នាំ​២០០៩
១២. សញ្ញាបត្រ​បណ្ឌិត​កិត្តិយស​ផ្នែក អប់រំ​សិក្សា ពី​សាកលវិទ្យាល័យ​សុ​ី​ឡា នៃ​សាធារណរដ្ឋ​កូរ៉េ ថ្ងៃទី​១ ខែមេសា ឆ្នាំ​២០១០
១៣. ទទួលបាន​គោរម​ងារ​ជា កិត្តិ​ព្រឹទ្ធ​បណ្ឌិត នៃ​រាជបណ្ឌិត្យសភាកម្ពុជា នៅ​ថ្ងៃទី​២៥ ខែកក្កដា ឆ្នាំ​២០១១
១៤. ទទួលបាន​គោរព​ងារ​ជា សម្តេច​កិត្តិ​ព្រឹទ្ធ​បណ្ឌិត ពី​ព្រះមហាក្សត្រ​ខ្មែរ ព្រះករុណា ព្រះបាទ សម្តេចព្រះ​បរមនាថ នរោត្តម សីហមុនី នៅ​ថ្ងៃទី​៨ ខែឧសភា ឆ្នាំ​២០១៣
១៥. ទទួល​សញ្ញាបត្រ​ថ្នាក់បណ្ឌិត​កិត្តិយស​ពី​សាកលវិទ្យាល័យ ក្វាង​ស៊ី នៃ​សាធារណរដ្ឋ​ប្រជាមានិត​ចិន​។​

សម្តេចតេជោ ហ៊ុន សែន និងសម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជានាពេលកន្លងទៅ(រូបឯកសារ)

ជីវប្រវត្តិ​សង្ខេបៈ​

​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន បានប្រសូត​ចេញពី​ត្រកូល​កសិករ​ក្នុងភូមិ​ទី​២ ឃុំ​រកា​ខ្នុរ ស្រុក​ក្រូចឆ្មារ ខេត្តកំពង់ចាម នៅ​ថ្ងៃទី​១៥ ខែធ្នូ ឆ្នាំ​១៩៥៤ មាន​លោកឪពុក​ឈ្មោះ លីន គ្រី និង​អ្នក​ម្តាយ ប៊ុន ស៊ា​ង​លី​។​
​ក្នុង​យុវភាព​របស់​យុវនារី ប៊ុន រ៉ានី ត្រូវបាន​ញាំញី​ដោយ​ទុក្ខលំបាក​ក្នុង​គ្រា​ប្រទេស​ជួប​កលិយុគ​នៃ​សង្គ្រាម យុវនារី ប៊ុន រ៉ានី បាន​ចូលប្រឡូក​ចលនា​តស៊ូ​នៅ​អាយុ​១៦​ឆ្នាំ ចលនា​តស៊ូ​នេះ បានចាប់ផ្តើម​នៅក្រោយពេល​ក្រុម​លោក​សេនាប្រមុខ លន់ ណ​ល់ ធ្វើ​រដ្ឋប្រហារ​ទម្លាក់​តំណែង​សម្តេចព្រះ​នរោត្តម សីហនុ នៅ​ថ្ងៃ​១៨ ខែមីនា ឆ្នាំ​១៩៧០​។​
​ចលនា​តស៊ូ ដែល​ធ្វើឡើង​តាម​ព្រះរាជបន្ទូល​អំពាវនាវ​របស់​ព្រះមហាវីរក្សត្រ​ខ្មែរ​បានធ្វើឱ្យ​ជីវិត​យុវនារី ប៊ុន រ៉ានី លះបង់​អស់​សេចក្តីសុខ និង​សេចក្តីត្រូវការ​ក្នុង​យុវភាព ហើយ​ត្រូវបាន​ផ្លាស់​ទី​នៅក្នុង​ព្រៃ​ស្ទើរ​គ្រប់​ទីកន្លែង ជាមួយ​កម្លាំង​ចលនា​តស៊ូ ដោយ​រំពឹង​អាច​ដណ្តើម និង​រំដោះប្រទេស​កម្ពុជា​ថ្វាយ​ព្រះមហាវីរក្សត្រ នរោត្តម សីហនុ វិញ​។ តែ​ចលនា​តស៊ូ​ដណ្តើម​ប្រទេស​ពី​ក្រុម​លោក​សេនាប្រមុខ លន់ នល់ នៅ​ថ្ងៃ​១៧ ខែមេសា ឆ្នាំ​១៩៧៥ មិនបាន​បំពេញ​សេចក្តី​បំណង និង​ការរំពឹងទុក​អ្នកតស៊ូ​នោះឡើយ​។​

​ការប្រឹងប្រែង​ពលី​កម្លាំងកាយ​-​ចិត្ត​ក្នុង​ចលនា​តស៊ូ​រំដោះប្រទេស​ជាតិ​របស់​កុល​ធីតា​ខ្មែរ​ប៊ុន រ៉ានី រួមជាមួយ​អ្នកស្នេហាជាតិ​ខ្មែរ​រាប់ម៉ឺន​នាក់​ទៀត ត្រូវ​ធ្លាក់​ក្នុង​ក្តី​អស់សង្ឃឹម ត្បិត​សមិទ្ធផល នៃ​ការតស៊ូ ត្រូវបាន​ក្តោប​ក្តាប់​ដោយ​បុគ្គល​មួយក្រុម ដូចជា ប៉ុល ពត​, នួន ជា​, ខៀវ សំផន​, អៀង សារី អៀង​។​ល​។​
​របប​កម្ពុជា​ប្រជាធិបតេយ្យ បានធ្វើឱ្យ​យុវនារី ប៊ុន រ៉ានី និង​ប្រជាពលរដ្ឋ​ខ្មែរ​រាប់លាន​នាក់​ត្រូវ​រងគ្រោះ​សាជាថ្មី​ក្នុង​ស្បៃ​អន្ធិកា​ដ៏​ខ្មៅ​ងងឹត និង​មហា​សែន​លំបាក ត្បិត​ជីវិត​របស់​យុវនារី ប៊ុន រ៉ានី ជួប​ការលំបាក តែ​ក៏មាន​ពេលវេលា​មួយ​នាំឱ្យ​យុវនារី​រូបនេះ​បាន​ជួប​ជាមួយ​បុរស​កំពូល​ដួងចិត្ត គឺ​យុវជន ហ៊ុន សែន​។​
​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន បាន​រម្លឹក​នា​សម័យ​អតីតកាល ដែល​សម្តេច​បាន​ស្រក់​ទឹកភ្នែក​រាប់លាន​ដំណក់ តែ​ទឹកភ្នែក​នេះ ក៏​នាំមក​នូវ​ការរស់រានមានជីវិត​សម្រាប់​ប្រជាជន​នៅ​ទូទាំងប្រទេស រាប់ទាំង​ក្រុមគ្រួសារ​សម្តេច​ផងដែរ​។​

​សម្តេច​បាន​រម្លឹក​បន្ថែ​ម​ថា កាលពី​ជាង​៤០​ឆ្នាំមុន ជា​ថ្ងៃ​ដែល​សម្តេច​រៀបការ​ម្តង​១៣​គូ​របស់​សម្តេច​តេ​ជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី​។​
​ជីវិត​ប្តី​ប្រពន្ធ បន្ទាប់ពី​រៀបការ​គ្មានទេ ដែល​ហៅថា​សេចក្តីសុខ ស្លាប់​កូន​ទី​១​និង​បែក​គ្នា​ក្នុង​គ្រា ពេល​មានកូន​ទី​២​នៅក្នុង​ផ្ទៃ​ម្តាយ​៥​ខែ រហូត​ជួបគ្នា​ជាថ្មី ដែល​កូន​ហៅថា​ពូៗ រយៈពេល​២​ខែ សុទ្ធតែ​រឿងរ៉ាវ​មិនគួរ​កើតមាន​សោះឡើយ​។​រឿងរ៉ាវ​ដ៏​ឈឺចាប់​នេះ មិន​ត្រឹមតែ​គ្រួសារ​សម្តេច​ប៉ុណ្ណោះ​ទេវា​បាន​កើតឡើង​សម្រាប់​ប្រជាជន​ទូទាំងប្រទេស​។​
​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុ​សែន ផ្តាំផ្ញើ​សូមឱ្យ​ប្រជាពលរដ្ឋ​កម្ពុជា​ទាំងអស់​ថែរក្សា​សុខសន្តិភាព​ដែល​កំពុងមាន​នាបច្ចុប្បន្ន​កុំឱ្យ​កើតមាន​សង្គ្រាម​ឡើងវិញ​ដូច​សម័យ​អ​តី​កាល ដ៏​ឈឺចាប់​នោះ​ម្តងទៀត​ឱ្យសោះ​៕​សរន

សកម្មភាពសម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជានាពេលកន្លងទៅ(រូបឯកសារ)

សកម្មភាពសម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជានាពេលកន្លងទៅ(រូបឯកសារ)សកម្មភាពសម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជានាពេលកន្លងទៅ(រូបឯកសារ)

 

សកម្មភាពសម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជានាពេលកន្លងទៅ(រូបឯកសារ)សកម្មភាពសម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជានាពេលកន្លងទៅ(រូបឯកសារ)

ទីតាំងផ្សាយពាណិជ្ជកម្ម

- Advertisment -

Most Popular