Home កីឡា ចូតារ​បស់ Liv...

ចូតារ​បស់ Liverpool ត្រូវ​នៅក្រៅ​ការប្រកួត ២ ខែ ក្រោយ​រង​របួស​ជង្គង់​

​ប្រែ​សម្រួល : កញ្ញា​ដា​លី​ស ៖ យោងតាម​អ្នក​ចាត់ការ​ទូទៅ​របស់​ក្លិប​ហង្ស​ក្រហម Liverpool លោក​ជួ​ហ្គិន ក្លប់ ឱ្យដឹងថា របួស​របស់​ឌី​ហ្គោ ចូ​តា​មិន​ធ្ងន់ធ្ងរ​ដូច​ការរំពឹងទុក​ទេ ព្រោះ​វេជ្ជបណ្ឌិត​និយាយថា កីឡាករ​រូបនេះ​មិន​ចាំបាច់​ត្រូវ​វះកាត់​ក្បាលជង្គង់​ទេ​។​

​លោក​ក្លប់​និយាយ​កាលពី​ថ្ងៃអាទិត្យ​ថា ចូ​តានឹង​មិន​បានលេង​រយៈពេល​២​ខែ​សម្រាប់ Liverpool ។ ចូ​តា​បាន​រងរបួស​ពេល​ប្រកួត Champions League ជាមួយ Midtjylland​កាលពី​ថ្ងៃ​ពុធ​​សប្តាហ៍​មុន​។​

​លោក​ក្លប់​និយាយថា “​រាល់​លទ្ធភាព​វះកាត់​ត្រូវ​បាន​គិតគូរ តែ​មិន​ចាំបាច់​ធ្វើការ​វះកាត់​ទេ​។ ប៉ុន្តែ​រូបគេ​នឹង​អវត្តមាន​មួយរយៈ​។ យើង​មិនដឹង​ច្បាស់​ទេ ប្រហែល​១​ខែ​កន្លះ​ឬ​២​ខែ​”​។​

​ក្រៅពី​ចូតា កីឡាករ​សំខាន់​ពីរ​រូប​ទៀត​ក៏​រងរបួស​រយៈពេល​យូរ​ដែរ គឺ​វើជី​ល វ៉ាន់​ដែក និង ចូ​ន ហ្គោ​ម៉េស ដែល​រង​របួស​ជង្គង់​ដូចគ្នា​៕

​ចូតារ​ង​របួស​ជង្គង់ និង​ស្ថិតនៅ​ក្រៅ​ការប្រកួត​២​ខែ

ទីតាំងផ្សាយពាណិជ្ជកម្ម

- Advertisment -

Most Popular