Home ព័ត៌មានជាតិ នយោបាយ អាល្លឺម៉ង់​វិ...

អាល្លឺម៉ង់​វិនិយោគ​៣០​លាន​អឺរ៉ូ ដើម្បី​ពង្រីក​បណ្តាញ​អគ្គិសនី​នៅតាម​ជនបទ​

ដោយៈ ញ៉ែម សុផល​/​ភ្នំពេញ​៖ ស្ថានទូត​អាល្លឺម៉ង់​ប្រចាំ​កម្ពុជា​បានឱ្យដឹងថា ទីភ្នាក់ងារ កិច្ចសហប្រតិបត្តិការ​អភិវឌ្ឍន៍​អាល្លឺម៉ង់​បាន​សន្យា​ផ្តល់ប្រាក់​កម្ចីសម្បទាន​ស​ម្រា​ប់​ប្រសិទ្ធភាព​ថាមពល​និង​ការផ្គត់ផ្គង់​អគ្គិសនី​នៅតាម​ជនបទ​នៅ​កម្ពុជា ដែលមាន​ទឹកប្រាក់​៣០​លាន អឺរ៉ូ​ដើម្បី​ធ្វើឱ្យ​ប្រសើរឡើង​និង​ពង្រីក​បណ្តាញ​អគ្គិសនី​នៅតាម​ជនបទ រួមចំណែក​ដល់ គោលដៅ​ធំ​របស់​ប្រទេស​កម្ពុជា​ក្នុងការ​កាត់បន្ថយ​ការ​ភាយ​ចេញ​ឧស្ម័ន​ផ្ទះ​កញ្ចក់​និង​ធ្វើ​ទៅតាម​ការសន្យា​របស់​ខ្លួន​ថា​នឹង​ទទួលបាន ថាមពល​ប្រើប្រាស់​ជាស​កល​នៅ​ឆ្នាំ ២០៣០ ។

​លោក គ្រី​ស្ទៀ​ន បឺ​ហ្គឺ (Christian Berger) ឯកអគ្គរដ្ឋទូត​អាល្លឺម៉ង់​ប្រចាំ​កម្ពុជា​បាន​មាន ប្រសាសន៍ថា “​បណ្តាញ​ថាមពល​ប្រសើរ​ជាង​មុន​គឺ​ល្អ​សម្រាប់​ប្រជាជន ល្អ​សម្រាប់​សេដ្ឋកិច្ច និង​ជារួម​គឺ​ល្អ​សម្រាប់​ភពផែនដី​” ។​

​លោក​បាន​បន្តថា គោលដៅ​នៃ​ការវិនិយោគ​របស់​អាល្លឺម៉ង់​គឺ​ការទទួលបាន​អគ្គិសនី​ប្រើ ប្រាស់​ប្រសើរ​ជាង​មុន មានតម្លៃ​ទាប​ជាង​មុន ការផ្គត់ផ្គង់​ថាមពល​ដែល​អាច ទុកចិត្តបាន ជាង​មុន និង​ការ​ភាយ​ចេញ​ឧស្ម័ន​ផ្ទះ​កញ្ចក់​តិចជាង​មុន ៕PC

ទីតាំងផ្សាយពាណិជ្ជកម្ម

- Advertisment -

Most Popular