Home ព័ត៌មានជាតិ សន្តិសុខ ហ៊ី​ហាន់​ដាយ​...

ហ៊ី​ហាន់​ដាយ​បុក​ម៉ូតូ​របួស​២​នាក់​

​ដោយ​:​គូលែន​/​សៀមរាប​: ករណី​គ្រោះថ្នាក់​ចរាចរណ៍​មួយ​បានកើត​ឡើង​រវាង​រថ​យន្ត​ហ៊ី​ហាន់​ដាយ បុក​ម៉ូតូ ដែល​បើកបរ​ស្រប​ទិស​គ្នា បណ្តាលអោយ​របួស​ភាគី​ខាង​ម៉ូតូ​ចំនួន​២​នាក់ កាលពី​ល្ងាច ថ្ងៃទី​១៤ ខែធ្នូ ឆ្នាំ​២០២០ នៅ​ភូមិ​មានជ័យ ឃុំ​ស្រ​ណា​ល ស្រុក​ក្រឡាញ់ ខេត្តសៀមរាប ។​

​សមត្ថកិច្ច​នគរបាល​ស្រុក​ក្រឡាញ់ បាន​បញ្ជាក់ថា ករណី​គ្រោះថ្នាក់​ចរាចរណ៍​ខាងលើ​បង្កឡើង​ដោយ​ភាគី​ខាង​រថយន្ត​ម៉ាក​ហ៊ី​ហាន់​ដាយ ពណ៌​ស ពាក់​ស្លាក​លេខ ភ្នំពេញ ៣E ៣២២៦ បើកបរ​ដោយ​ឈ្មោះ ថត សម្បត្តិ ភេទ​ប្រុស អាយុ​២៥​ឆ្នាំ រស់នៅ​ភូមិ​ពី​រី ឃុំ​ភា​រី​មានជ័យ ស្រុក​បរសេដ្ឋ ខេត្តកំពង់ស្ពឺ ដែល​បើកបរ​ក្នុងទិសដៅ​ពី​ទិស​លិចទៅ​ទិស​កើត ដោយ​ខ្វះ​ការប្រុងប្រយ័ត្ន បាន​បុក​ម៉ូតូ​ម៉ាក ហុងដា ពណ៌​ខ្មៅ ពាក់​ស្លាក​លេខ សៀមរាប ១Z ២៣៥៤ ដែល​ជិះ​គ្នា​២​នាក់​ក្នុងទិសដៅ​ស្រប​ទិស​គ្នា បណ្តាលអោយ​ភាគី​ខាង​ម៉ូតូ​រងរបួស ហើយ​ត្រូវបាន​សាច់ញាតិ បញ្ជូនទៅ​សង្គ្រោះ​នៅ​មន្ទីរពេទ្យបង្អែក​ខេត្តសៀមរាប​។​

​សមត្ថកិច្ច​បាន​បន្តថា ជនរងគ្រោះ​មានឈ្មោះ ចិន អូស្ត្រាលី ភេទ​ប្រុស អាយុ ២៥​ឆ្នាំ រស់នៅ​ភូមិ​ទឹកថ្លា សង្កាត់​ទឹក​វិល ក្រុង​សៀមរាប ខេត្តសៀមរាប ជា​អ្នកបើក​ម៉ូតូ រងរបួស​បែកក្បាល និង​ម្នាក់ទៀត​ឈ្មោះ ទឹម ចាន់ទី ភេទ​ប្រុស អាយុ​២៨ នៅ​ភូមិ គ្រួស សង្កាត់​ស្វាយដង្គំ ក្រុង​សៀមរាប ខេត្តសៀមរាប​។​

​វត្ថុតាង​មាន​រថយន្ត​និង​ម៉ូតូ ត្រូវបាន​សមត្ថកិច្ច​យកទៅ​រក្សារ​ទុក​នៅ​អធិការដ្ឋាន​នគរបាល​ស្រុក​ក្រឡាញ់ ដើម្បី​ដោះស្រាយ​តាម​និតិ​វិធី​៕​

ហ៊ី​ហាន់​ដាយ​បុក​ម៉ូតូ​របួស​២​នាក់​

ហ៊ី​ហាន់​ដាយ​បុក​ម៉ូតូ​របួស​២​នាក់​

ហ៊ី​ហាន់​ដាយ​បុក​ម៉ូតូ​របួស​២​នាក់​

ទីតាំងផ្សាយពាណិជ្ជកម្ម

- Advertisment -



Most Popular